Innlent

Ræddu veiðigjöldin til að ganga hálf fjögur

Gunnar Reynir Valþórsson skrifar
Veiðigjöldin verða aftur á dagskrá fundar í dag. 
Veiðigjöldin verða aftur á dagskrá fundar í dag.  Vísir/Anton Brink

Þingfundur stóð fram til klukkan rúmlega þrjú í nótt og enn eina ferðina voru breytingar á veiðigjöldum eina umræðuefnið.

Raunar voru þingmenn stjórnarandstöðunnar einu þátttakendurnir í umræðunum sem var svo frestað þrettán mínútur yfir þrjú í nótt. Fyrr um daginn höfðu tvö mál verið rædd í annarri umræðu, breytingar á stuðningi við einkarekna fjölmiðla og kílómetragjald á ökutæki.

Þegar klukkan var að verða hálfsex var svo komið að veiðigjöldunum og því var það mál rætt í um tíu klukkustundir.

Þingfundur hefst svo enn á ný núna klukkan hálftíu og þar eru tvö mál á dagskrá; samningur Sameinuðu þjóðanna um réttindi fatlaðs fólks og veiðigjaldið.

Alþingi Breytingar á veiðigjöldum

Tengdar fréttir

Stuðningur við veiðigjaldafrumvarpið dregst saman

Samkvæmt nýrri könnun um stuðning við frumvarp atvinnuvegaráðherra, um hækkun veiðigjalda, hefur dregið úr stuðningi almennings við málið milli mánaða. Stuðningurinn er eftir sem áður mikill.

„Þetta rugl í Kastljósi í gær af hálfu forsætisráðherra er skammarlegt“

Þingmenn stjórnarandstöðunnar fóru hörðum orðum um forsætisráðherra á þinginu og gagnrýndu ummæli sem hún lét falla í Kastljósi í gær. Þar sakaði hún minnihlutann um fjalla um veiðigjaldafrumvarp ríkisstjórnarinnar í „falsfréttastíl.“ Formaður atvinnuveganefndar sakar minnihlutann um að stunda blekkingar. 

Mest lesið


Fleiri fréttir

Sjá meira


×

Mest lesið