Minnst tveir drepnir í hefndarárásum Írana

Björgunarsveitir í Ísrael segja tvo hafa látist í árásunum, kona á á sjötugsaldri og maður á fimmtugsaldri. Þá séu tugir særðir eftir nóttina. 

Ísraelsher heitir áframhaldandi árásum en samkvæmt upplýsingum frá Ísraelsher voru tveir íranskir hershöfðingjar drepnir í árásum næturinnar.

Þá greina yfirvöld í Tehran frá því að sex kjarnorkuvísindamenn hafi verið drepnir í árásum Ísraela. Sendifulltrúi Sameinuðu þjóðanna í Íran segir tölu látinna eftir árásir Ísraelshers undanfarna daga 78. Íransher hefur einnig tilkynnt um áframhaldandi árásir.

Í frétt breska ríkisútvarpsins segir að milljónir Ísraela hafi leitað skjóls í nótt vegna árásanna. Nokkrar eldflaugar hafa hæft byggingar í Tel Aviv en aðrar hafa verið skotnar niður af loftarnarkerfi Ísraela. Þá hafi sprengingar heyrst í Jerúsalem.

Sameinuðu þjóðirnar auk framkvæmdastjórnar Evrópusambandsins hefur gert ákall eftir því að árásum linni beggja vegna. Þá hefur Donald Trump Bandaríkjaforseti sagst ánægður með árásir Ísraela, og varað Íran við meiri hörku náist ekki kjarnorkusamningur milli ríkjanna innan tíðar.