Geð­brigði ríður á vaðið í tón­leikaröð á Dill­on

„Ég fékk styrk til að gefa efnilegu tónlistarfólki tækifæri. Þetta verður í allt sumar, allavega 9 kvöld,“ segir Jón Bjarni og hann er spenntur.

Í samstarfi við Hauk Valdimarsson úr Blóðmör hlaut Dillon styrk frá Tónlistarsjóði rétt fyrir jól – markmiðið er skýrt: að styðja við ungt og upprennandi tónlistarfólk Íslandi.

Jón Bjarni segir að allur sá styrkur sem hann fékk fari í að greiða listamönnunum og hljóðmanni fyrir sína vinnu, svikalaust.

„Böndin sjálf hafa svo val um hvernig þau geta bætt þar við, hvort sem það er með sölu á miðum eða varning. Við byrjum með því að kynna þrjú kvöld í júni þar sem geggjað ungt tónlistarfólk tekur yfir þriðju hæðina á Dillon. Við erum ekki hjátrúarfull og hefjum þess vegna leik föstudaginn þrettánda júní.“

Og það eru engir aðrir en sigurvegarar Músíktilrauna í ár, krakkarnir í Geðbrigðum sem ríða á vaðið ásamt Necrobiome og Mondernte.

„Tónleikarnir hvert kvöld hefjast klukkan átta,“ segir Jón Bjarni.