Kynntu fyrirhugaðan Sæbrautarstokk Atli Ísleifsson skrifar 22. maí 2025 08:30 Borgarlína mun liggja frá Suðurlandsbraut yfr suðurhluta nýja stokksins og þaðan yfir á Geirsnef í átt að Ártúnshöfða. Reykjavíkurborg Skipulagslýsing vegna Sæbrautarstokks var kynnt í umhverfis- og skipulagsráði Reykjavíkurborgar í gær, en fyrirhugað er að setja Sæbraut í stokk á tæplega eins kílómetra löngum kafla frá Miklubraut og norður fyrir gatnamót Kleppsmýrarvegar og Skeiðarvogs. Í lýsingunni segir að framkvæmdir eigi að hefjast árið 2027 og að stokkurinn verði tilbúinn 2030. Með gerð Sæbrautarstokksins er ætlunin að bæta umhverfisgæði í nálægum byggðum og tengja betur saman hina nýju Vogabyggð við Vogahverfi. Á yfirborði stokksins er fyrirhugaður nýr borgargarður, „græn tenging“ milli hverfanna tveggja. Sömuleiðis á hljóðvist og loftgæði á svæðinu verða betri og tækifæri skapast fyrir nýja byggð meðfram austurhluta stokksins. Borgargarður á að vera á yfirborðinu sem mun tengja hina nýju Vogabyggð við Vogahverfið. Reykjavíkurborg Á fundi umhverfis- og skipulagsráðs var samþykkt að kynna lýsingu nýs deiliskipulags fyrir almenningi og að leita umsagna hjá Skipulagsstofnun, Minjastofnun Íslands, Veitum ohf., Heilbrigðiseftirliti Reykjavíkur, Umhverfis- og orkustofnun, Náttúruverndarstofnun, Hafrannsóknarstofnun, Gerðarsafni og Strætó bs. Ein af lykilframkvæmdum Samgöngusáttmálans Sæbrautarstokkur er hluti af aðalskipulagi Reykjavíkur 2040 sem tók gildi í janúar 2022. Sömuleiðis er stokkurinn ein af lykilframkvæmdum Samgöngusáttmálans og lykilforsendum fyrir uppbyggingu austur-vestur hluta Borgarlínu 2025-2031 og þar með tengingu stórra uppbyggingarsvæða á Ártúnshöfða, Keldum, Keldnaholti og Blikastaðalandi. Ríkið og sex sveitarfélög á höfuðborgarsvæðinu – Garðabær, Hafnarfjörður, Kópavogur, Mosfellsbær, Reykjavík og Seltjarnarnes – standa sameiginlega að samgöngusáttmála höfuðborgarsvæðisins. Stokkurinn er einnig hluti af lotu 3 í Borgarlínu, sem mun tengja Mjódd við skiptistöðina á suðurenda stokksins, sem einnig á að opna árið 2030. Þá segir í lýsingunni að stokkurinn sé ein af lykilforsendum fyrir flæði umferðar að og frá Sundabraut sem byggja á árunum 2026 til 2031, en stokkurinn mun tryggja frjálst flæði bílaumferðar um tvenn gatnamót sem eru ljósastýrð í dag, það er gatnamót Sæbrautar og Skeiðarvogs/Kleppsmýrarvegar annars vegar og Sæbrautar og Súðarvogs hins vegar. Loftmynd sem sýnir þann hluta Sæbrautar sem verður lagður í stokk. Með stokknum hverfa tvenn gatnamót sem eru nú ljósastýrð.Reykjavíkurborg „Ákjósanlegt er að framkvæmdum við Sæbrautarstokk sé lokið eða þær komnar vel á veg þegar framkvæmdir vegna Sundabrautar hefjast, til þess að hægt verði að tryggja viðunandi umferðarflæði um Sæbraut á framkvæmdatíma Sundabrautar,“ segir í lýsingunni. Fulltrúar meirihlutans í borgarstjórn segjast í bókun fagna þeim mikilvæga áfanga sem felist í skipulagslýsingu og að mikilvægt sé að í áframhaldandi skipulagsvinnu verði sérstök áhersla lögð á öryggi gangandi vegfarenda við gatnamót Kleppsmýrarvegar og Sæbrautar. Tvískiptur stokkur og 6,5 metra lofthæð Um framkvæmdina segir að stokkurinn verði tvískiptur með tveimur akreinum í hvora átt. Á stærstum hluta stokksins verði einnig að- og fráreinar til breikkunar. Lofthæð í stokknum verður um 6,5 metrar en dýpi á greftri fyrir stokk er áætlað um 9,5 metrar. Þá segir að heildarbreidd stokks sé almennt um 23 metrar fyrir tvær akreinar í hvora átt og um 30 metrar með viðbættri blöndunarrein en nokkru meiri við rampa að og frá Kleppsmýrarvegi/Skeiðarvogi. Þversnið af fyrirhuguðum Sæbrautarstokk.Reykjavíkurborg „Í framkvæmdinni felst einnig aðlögun á aðliggjandi götum með nýjum og breyttum gatnamótum við Kleppsmýrarveg/Skeiðarvog, breytingu á gatnamótum við Súðarvog og aðlögun á göngu- og hjólastígum auk veitukerfa. Lokað verður fyrir umferð frá Sæbraut inn Súðarvog en ný tenging fyrir akandi umferð verður milli Suðurlandsbrautar og Súðarvogs, ofan á stokknum,“ segir í lýsingunni. Einnig er tekið fram að Sæbrautarstokkur kalli á breytingar á aðliggjandi svæðum í formi varanlegra og tímabundinna skerðinga á lóðum og niðurrifi hluta núverandi fasteigna. Fyrstu hugmyndir um framtíðarsýn. Á myndinni er horft í suðaustur yfir gatnamót Sæbrautar og Kleppsmýrarvegar/Skeiðarvogs. Neðst er gangnamunni stokksins, við hlið Húsasmiðjunnar. Reykjavíkurborg Ætlað að skapa vistvænt borgarumhverfi Til að ná fram því markmiði að bæta lífsgæði og styrkja vistvænar tengingar milli Vogahverfis og Vogabyggðar segir að í forgrunni við gerð deiluskipulags verði að hönnun stokksins og borgargarðsins verði vönduð og metnaðarfull og skapi vistvænt borgarumhverfi. Gróður og landmótum verði nýtt til að skapa fjölbreytt og skjólrík svæði og þannig bæta veðurfar og ásýnd. Þá segir að í borgargarðinum verði aðstaða til hreyfingar, afþreyingar og útivistar og að þarf verði vel skilgreindar göngu- og hjólaleiðir. Einnig skuli Borgarlína eiga greitt aðgengi yfir suðurhluta stokksins. Skipulagslýsing er unnin af Reykjavíkurborg, í samstarfi við Betri samgöngur og Vegagerðina. Í kynningunni er jafnframt að finna þrjú dæmi um svæði í erlendum borgum þar sem stokkur hefur verið lagður og borgargarði komið fyrir á yfirborðinu. Reykjavíkurborg Reykjavíkurborg Reykjavíkurborg Tafir á umferð á framkvæmdatíma Í matsáætlun Vegagerðarinnar og Verkís um framkvæmdina frá árinu 2022 segir að á framkvæmdatíma, verði hluti akreina á Sæbraut lokað, megi gera fáð fyrir töfum á umferð og sömuleiðis að nærliggjandi götur fái aukna umferð. Einnig segir að helstu áhrifaþættirnir á framkvæmdatíma séu taldir vera mannvirkjagerð með sprengingum og fleygun, efnistaka og efnisflutningar, niðurrif húsa og lokun á hluta akreina og gatnamóta. Reykjavík Skipulag Borgarstjórn Samgöngur Sundabraut Umferðaröryggi Sæbrautarstokkur Mest lesið Leita leiða til að kveða ranglega útgefnar sektir í kútinn Fréttir „Það nægir ekki ESB að rústa eigin iðnaðarframleiðslu“ Innlent „Góðu fréttirnar eru að það sem hann segir skiptir engu máli“ Erlent Vill bjóða borgarstjóra í vöfflukaffi eftir deilurnar Innlent Ósammála Náttúrufræðistofnun og segja veiðar á lunda forsvaranlegar Innlent Uppsagnir sjómanna í Grindavík: „Hvenær er nóg, nóg?“ Innlent Mikið viðbragð vegna umferðarslyss Innlent Epstein-skjölin og Trump: Eitthvað virðist rotið í Danaveldi Erlent ESB leggur til tolla á Ísland: „Þetta er bara tillaga sem er á borðinu“ Innlent Tekist á um þéttingu byggðar: „Þá getur þú bara flutt til Kaupmannahafnar“ Innlent Fleiri fréttir „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Innan við þriðjungur andvígur olíuleit Sjá meira
Með gerð Sæbrautarstokksins er ætlunin að bæta umhverfisgæði í nálægum byggðum og tengja betur saman hina nýju Vogabyggð við Vogahverfi. Á yfirborði stokksins er fyrirhugaður nýr borgargarður, „græn tenging“ milli hverfanna tveggja. Sömuleiðis á hljóðvist og loftgæði á svæðinu verða betri og tækifæri skapast fyrir nýja byggð meðfram austurhluta stokksins. Borgargarður á að vera á yfirborðinu sem mun tengja hina nýju Vogabyggð við Vogahverfið. Reykjavíkurborg Á fundi umhverfis- og skipulagsráðs var samþykkt að kynna lýsingu nýs deiliskipulags fyrir almenningi og að leita umsagna hjá Skipulagsstofnun, Minjastofnun Íslands, Veitum ohf., Heilbrigðiseftirliti Reykjavíkur, Umhverfis- og orkustofnun, Náttúruverndarstofnun, Hafrannsóknarstofnun, Gerðarsafni og Strætó bs. Ein af lykilframkvæmdum Samgöngusáttmálans Sæbrautarstokkur er hluti af aðalskipulagi Reykjavíkur 2040 sem tók gildi í janúar 2022. Sömuleiðis er stokkurinn ein af lykilframkvæmdum Samgöngusáttmálans og lykilforsendum fyrir uppbyggingu austur-vestur hluta Borgarlínu 2025-2031 og þar með tengingu stórra uppbyggingarsvæða á Ártúnshöfða, Keldum, Keldnaholti og Blikastaðalandi. Ríkið og sex sveitarfélög á höfuðborgarsvæðinu – Garðabær, Hafnarfjörður, Kópavogur, Mosfellsbær, Reykjavík og Seltjarnarnes – standa sameiginlega að samgöngusáttmála höfuðborgarsvæðisins. Stokkurinn er einnig hluti af lotu 3 í Borgarlínu, sem mun tengja Mjódd við skiptistöðina á suðurenda stokksins, sem einnig á að opna árið 2030. Þá segir í lýsingunni að stokkurinn sé ein af lykilforsendum fyrir flæði umferðar að og frá Sundabraut sem byggja á árunum 2026 til 2031, en stokkurinn mun tryggja frjálst flæði bílaumferðar um tvenn gatnamót sem eru ljósastýrð í dag, það er gatnamót Sæbrautar og Skeiðarvogs/Kleppsmýrarvegar annars vegar og Sæbrautar og Súðarvogs hins vegar. Loftmynd sem sýnir þann hluta Sæbrautar sem verður lagður í stokk. Með stokknum hverfa tvenn gatnamót sem eru nú ljósastýrð.Reykjavíkurborg „Ákjósanlegt er að framkvæmdum við Sæbrautarstokk sé lokið eða þær komnar vel á veg þegar framkvæmdir vegna Sundabrautar hefjast, til þess að hægt verði að tryggja viðunandi umferðarflæði um Sæbraut á framkvæmdatíma Sundabrautar,“ segir í lýsingunni. Fulltrúar meirihlutans í borgarstjórn segjast í bókun fagna þeim mikilvæga áfanga sem felist í skipulagslýsingu og að mikilvægt sé að í áframhaldandi skipulagsvinnu verði sérstök áhersla lögð á öryggi gangandi vegfarenda við gatnamót Kleppsmýrarvegar og Sæbrautar. Tvískiptur stokkur og 6,5 metra lofthæð Um framkvæmdina segir að stokkurinn verði tvískiptur með tveimur akreinum í hvora átt. Á stærstum hluta stokksins verði einnig að- og fráreinar til breikkunar. Lofthæð í stokknum verður um 6,5 metrar en dýpi á greftri fyrir stokk er áætlað um 9,5 metrar. Þá segir að heildarbreidd stokks sé almennt um 23 metrar fyrir tvær akreinar í hvora átt og um 30 metrar með viðbættri blöndunarrein en nokkru meiri við rampa að og frá Kleppsmýrarvegi/Skeiðarvogi. Þversnið af fyrirhuguðum Sæbrautarstokk.Reykjavíkurborg „Í framkvæmdinni felst einnig aðlögun á aðliggjandi götum með nýjum og breyttum gatnamótum við Kleppsmýrarveg/Skeiðarvog, breytingu á gatnamótum við Súðarvog og aðlögun á göngu- og hjólastígum auk veitukerfa. Lokað verður fyrir umferð frá Sæbraut inn Súðarvog en ný tenging fyrir akandi umferð verður milli Suðurlandsbrautar og Súðarvogs, ofan á stokknum,“ segir í lýsingunni. Einnig er tekið fram að Sæbrautarstokkur kalli á breytingar á aðliggjandi svæðum í formi varanlegra og tímabundinna skerðinga á lóðum og niðurrifi hluta núverandi fasteigna. Fyrstu hugmyndir um framtíðarsýn. Á myndinni er horft í suðaustur yfir gatnamót Sæbrautar og Kleppsmýrarvegar/Skeiðarvogs. Neðst er gangnamunni stokksins, við hlið Húsasmiðjunnar. Reykjavíkurborg Ætlað að skapa vistvænt borgarumhverfi Til að ná fram því markmiði að bæta lífsgæði og styrkja vistvænar tengingar milli Vogahverfis og Vogabyggðar segir að í forgrunni við gerð deiluskipulags verði að hönnun stokksins og borgargarðsins verði vönduð og metnaðarfull og skapi vistvænt borgarumhverfi. Gróður og landmótum verði nýtt til að skapa fjölbreytt og skjólrík svæði og þannig bæta veðurfar og ásýnd. Þá segir að í borgargarðinum verði aðstaða til hreyfingar, afþreyingar og útivistar og að þarf verði vel skilgreindar göngu- og hjólaleiðir. Einnig skuli Borgarlína eiga greitt aðgengi yfir suðurhluta stokksins. Skipulagslýsing er unnin af Reykjavíkurborg, í samstarfi við Betri samgöngur og Vegagerðina. Í kynningunni er jafnframt að finna þrjú dæmi um svæði í erlendum borgum þar sem stokkur hefur verið lagður og borgargarði komið fyrir á yfirborðinu. Reykjavíkurborg Reykjavíkurborg Reykjavíkurborg Tafir á umferð á framkvæmdatíma Í matsáætlun Vegagerðarinnar og Verkís um framkvæmdina frá árinu 2022 segir að á framkvæmdatíma, verði hluti akreina á Sæbraut lokað, megi gera fáð fyrir töfum á umferð og sömuleiðis að nærliggjandi götur fái aukna umferð. Einnig segir að helstu áhrifaþættirnir á framkvæmdatíma séu taldir vera mannvirkjagerð með sprengingum og fleygun, efnistaka og efnisflutningar, niðurrif húsa og lokun á hluta akreina og gatnamóta.
Reykjavík Skipulag Borgarstjórn Samgöngur Sundabraut Umferðaröryggi Sæbrautarstokkur Mest lesið Leita leiða til að kveða ranglega útgefnar sektir í kútinn Fréttir „Það nægir ekki ESB að rústa eigin iðnaðarframleiðslu“ Innlent „Góðu fréttirnar eru að það sem hann segir skiptir engu máli“ Erlent Vill bjóða borgarstjóra í vöfflukaffi eftir deilurnar Innlent Ósammála Náttúrufræðistofnun og segja veiðar á lunda forsvaranlegar Innlent Uppsagnir sjómanna í Grindavík: „Hvenær er nóg, nóg?“ Innlent Mikið viðbragð vegna umferðarslyss Innlent Epstein-skjölin og Trump: Eitthvað virðist rotið í Danaveldi Erlent ESB leggur til tolla á Ísland: „Þetta er bara tillaga sem er á borðinu“ Innlent Tekist á um þéttingu byggðar: „Þá getur þú bara flutt til Kaupmannahafnar“ Innlent Fleiri fréttir „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Innan við þriðjungur andvígur olíuleit Sjá meira