Stjórnun þarf ekki bara að breytast heldur „gerbreytast”

Níutíu og níu þjóðir sem allar eru aðilar að EAPM (European Association of People Management) og WFPMA (heimssamtökum mannauðsfólks) gera sér dagamun ásamt því að leggja áherslu á mikilvægi mannauðsmála og stjórnunar innan fyrirtækja.

„Stjórnun snýst ekki lengur um aðferðafræðina ofan frá og niður heldur snýst hún um að leiðbeina einstaklingum og teymum í gegnum breytingar og hlúa að menningu nýsköpunar, samkenndar og fjölbreytileika, segir Sigrún Kjartansdóttir, framkvæmdastjóri Mannauðs og bætir við: „Þetta krefst aukinnar færni á sviðum eins og tilfinningagreindar, aðlögunarhæfni og menningarvitundar,”

Vinnustaðir í 99 löndum taka þátt

Adriana og Sigrún segja að auðvitað hafi leiðtogahlutverkin þróast í takt við tímann. Þessi þróun skýrist meðal annars af því að þarfir vinnuaflsins og samfélagsins breytast og nú sé staðan sú að algengara sé að á vinnustöðum vinni saman alþjóðleg teymi, í blönduðum vinnulíkönum og meiri kröfur séu gerðar af starfsfólki um samþættingu vinnu og einkalífs.

Síðustu árin hefur sú áhersla sótt í sig veðrið að stjórnendur tileinki sér manneskjulegri nálgun miðað við það sem áður tíðkaðist og áhersla er lögð á atriði eins og símenntun, fjölbreytt sjónarhorn, valdeflingu og inngildingu.

Að beina sjónunum að breyttri stjórnun er þó megináhersla Alþjóðlega mannauðsdagsins að þessu sinni.

„Að leiða á nýjan hátt er eitt af fjórum meginþemum Alþjóðlega mannauðsdagsins í ár, en hinar þrjár þemurnar eru „að leiða í stafrænum heimi,” „færni og nám” og „vellíðan og velferð starfsmanna,” segir Adriana.

Þá verður haldin ráðstefna í Hörpu föstudaginn 23.maí. Að ráðstefnunni standa SKÝ, Stjórnvísi og Mannauður. Yfirskriftin er „Mótum framtíðina saman,” en dagskránna má sjá hér.

„Meðal annars erlenda fyrirlesarann Hélio Vogas sem mun tala um krísustjórnun; Hvernig stjórnum við í krísu» og á erfiðum tímum,» nefnir Sigrún þó sem dæmi.

Adriana bendir líka á að vinnustaðir geti fengið alls kyns hugmyndir skemmtilegar hugmyndir um hvernig er hægt að taka þátt í deginum á heimasíðu EAPM og heimasíðu Mannauðs.

„Liður í deginum er líka alheims gönguáskorun í samstarfi við Walk15#. Gönguáskorunin hefst í dag og lýkur þann 22.september,” segir Sigrún og hvetur alla til að taka þátt enda sé gönguáskorunin ókeypis öllum.

Öll aðildarlöndin 99 ætla að safna heildarskrefum, hvert land fyrir sig sem tekin verða saman í lokin. 

Þátttakan snýst ekki bara um skref heldur líka samvinnu þjóðanna, almenna heilsu, vellíðan og sjálfbærni.”