Lífið

Á­horf­endur djúpt snortnir á for­sýningu Stóru stundarinnar

Magnús Jochum Pálsson skrifar
Stemmingin á forsýningu fyrsta þáttar Stóru stundarinnar í Smárabíó var ansi góð.
Stemmingin á forsýningu fyrsta þáttar Stóru stundarinnar í Smárabíó var ansi góð.

Fyrsti þáttur af Stóru stundinni á Stöð 2 verður frumsýndur í kvöld klukkan 19 en í þeim fylgir Sigrún Ósk Kristjánsdóttir eftir viðmælendurm í aðdraganda stærstu augnablika lífs þeirra. Í fyrsta þætti, sem verður í opinni dagskrá, fá áhorfendur að fylgjast með fæðingu barns.

Á dögunum var haldin sérstök forsýning í Smárabíói á fyrsta þættinum fyrir tökulið, viðmælendur og aðra góða gesti, en eins og sjá má á meðfylgjandi myndum var þar afar góðmennt.

Leikstjórinn Lúðvík Páll Lúðvíksson og Sigrún Ósk Kristjánsdóttir eru á bakvið Stóru stundina.

Þáttaröðin verður sú síðasta sem birtist á skjánum í umsjón Sigrúnar Óskar, að minnsta kosti í bili, því hún sagði upp störfum í byrjun árs og hyggst nú snúa sér að öðru.

„Því fylgja óneitanlega blendnar tilfinningar eftir rúmlega sextán ára starf, en ég er mjög stolt af þessari þáttaröð og finnst gaman að enda þetta á að gefa fólki einstaka innsýn í líf annarra. Ég fæ kannski að nýta tækifærið hér og þakka viðmælendum innilega fyrir traustið - og líka Lúlla fyrir að þola mig í ferlinu, segir Sigrún og hlær, en leikstjóri og framleiðandi þáttanna er Lúðvík Páll Lúðvíksson.

Sem fyrr segir fjallar fyrsti þátturinn um fæðingu barns, en hinir um brúðkaup, erfiðustu kokkakeppni í heimi og þátttöku elsta keppanda sögunnar í Ungfrú Ísland.

Hér fyrir neðan má svo sjá myndir frá forsýningunni:

Hrafnhildur, tvíburasystir Smára sem er í aðalhlutverki í þættinum, með foreldrum þeirra, Eygló og Kristni.
Halldór Björnsson og Sigurjóna Scheving, afi og amma Anítu Rósar, sem er í aðalhlutverki í þættinum.
Hákon Sverrisson myndatökumaður og Sandra Rós Bjarnadóttir.
Ása Valgerður Eiríksdóttir og Gerður Yrja Ólafsdóttir stilltu sér upp.
Menn brostu misbreitt fyrir myndavélarnar. Garpur og Hákon Logi sýndu tennur en Jón Grétar og Friðjón slepptu því.
Helga Hauksdóttir framleiðandi, Katla Marín Þormarsdóttir dagskrárfulltrúi og Þórunn Elva Þorgeirsdóttir aðstoðarframleiðandi skemmtu sér vel.
Öfluga markaðsdeildin á Sýn mætti að sjálfsögðu.





Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.