„Létum hluti sem við stjórnum ekki fara of mikið í taugarnar á okkur“ Aron Guðmundsson skrifar 29. apríl 2025 13:01 Pétur Rúnar Birgisson, leikmaður Tindastóls Vísir/Jón Gautur Pétur Rúnar Birgisson, leikmaður Tindastóls, segir pressuna á liðinu ekki meiri fyrir leik kvöldsins gegn Álftanesi í undanúrslitum Bónus deildarinnar í körfubolta sökum þeirrar staðreyndar að þeir leiki á heimavelli og að einvígið sé nú í járnum. Staðan í einvígi liðanna er 1-1 fyrir þriðja leik kvöldsins. Álftnesingar komu með gott svar í leik tvö í kjölfar dræmrar frammistöðu í fyrsta leik í Síkinu. Einvígið heldur nú aftur í Síkið og segir Pétur Rúnar sitt lið ekki hafa hitt á sinn dag í síðustu viðureign liðanna. „Þeir voru bara góðir og við kannski ekki alveg á okkar degi,“ segir Pétur Rúnar. „Við létum hluti sem við stjórnum ekki fara aðeins of mikið í taugarnar á okkur.“ „Bara hrós á þá. Þeir settu niður stór skot í fjórða leikhluta. Dúi, Hörður Axel og Klonaras settu allir þrist þarna í fjórða leikhluta eftir slæmar róteringar af okkar hálfu. Svo var þetta bara 50/50 leikur undir restina. Við hefðum kannski geta útfært þessa lokasókn eitthvað betur en annars voru þetta bara tvö góð lið og þeir urðu ofan á þarna.“ Var ekki að búast við neinu öðru Það var alveg kýrskýrt í huga Péturs að Álftnesingar væru ekkert lamb að leika sér við. „Við vissum að við værum ekkert að fara labba í gegnum þá. Við erum komnir í undanúrslit. Það hefði verið óeðlilegt ef við hefðum farið 3-0 í gegnum öll einvígin. Og eins og ég sagði í einhverju viðtali eftir seríuna við Keflavík þá vorum við ekkert langt frá því að lenda 2-0 undir þar. Það voru líka hörku leikir sem kláruðust þarna undir restina. Auðvitað var það svekkjandi að hafa ekki unnið þennan annan leik því við gáfum okkur alveg tækifæri til þess en ég var ekki að búast við neinu öðru en að þeir væru töluvert betri en þeir sýndu í leik eitt. Þeir gerðu bara mjög vel og við ætlum að mæta klárir í kvöld. Setja seríuna aftur okkur í hag.“ Einbeiting á James og Okeke Hvar hafa áherslurnar hjá ykkur Tindastólsmönnum legið á milli leikja? „Við þurfum að einbeita okkur betur að því að stöðva Justin James. Sóknarleikur þeirra fer svolítið mikið í gegnum hann. Við höfum verið að skoða nokkrar útfærslur á því hvernig við getum stöðvað hann.“ segir Pétur Rúnar en téður James setti niður heil 29 stig í síðasta leik liðanna og gaf sex stoðsendingar í þokkabót.“ Justin James með Sigtrygg Ara Björnsson á sér í leik tvö á ÁlftanesiVísir/Anton Brink „Svo þarf að stíga David Okeke út þegar að hann er inn í teignum. Hann gerði okkur ansi erfitt fyrir á köflum í síðasta leik þar sem að hann var að hirða alla lausa bolta. Við þurfum að vera varir um okkur, ekki sofna á verðinum,“ bætir Pétur við en óhætt er að segja að Okeke hafi komið inn af fídómskrafti í lið Álftnesinga í síðasta leik eftir að hafa verið að glíma við meiðsli. Hann setti niður átján stig, tók 10 fráköst. Þriðji leikur framundan, þið á heimavelli í Síkinu, staðan 1-1 í einvíginu, er ekki pressan á ykkur? „Nei ekki þannig. Við gerðum bara mjög vel í vetur í því að tryggja okkur þetta fyrsta sæti og fá þennan heimavallarrétt. Við förum í alla leiki til þess að vinna og það er ekkert einhver auka pressa þótt að við séum á heimavelli. Það þarf að vinna þrjá leiki og auðvitað ætlum við að vinna hér í kvöld en heimurinn ferst ekkert þó þetta fari eitthvað öðruvísi. En við viljum auðvitað og ætlum okkur að vinna í kvöld. Gerum allt til þess.“ Leikur þrjú í undanúrslitaeinvígi Tindastóls og Álftaness í Bónus deildinni hefst klukkan korter yfir sjö í kvöld. Leikurinn verður sýndur í beinni útsendingu á Stöð 2 Sport, upphitun frá Síkinu hefst hálftíma fyrir leik. Bónus-deild karla Tindastóll UMF Álftanes Mest lesið Samfélagið á Sauðárkróki ekki í vinnuhæfu ástandi Körfubolti Guardiola hótar að hætta Enski boltinn Gunnar Nelson fann neista frá fyrri tíð: „Smá vakning fyrir mig“ Sport Þeir bestu ( 10.-9. sæti): Hörkutól með hæfileika Íslenski boltinn Sveindís til félags í eigu stórstjarna Fótbolti Játar sök vegna smygls á 60 kílóum af kannabisi Fótbolti Mikilvægasti leikur í sögu Man. Utd Fótbolti Í beinni: Tindastóll - Stjarnan | Baráttan um Íslandsmeistaratitilinn ræðst í Síkinu Körfubolti „Að vinna Evrópudeildina mun ekki leysa öll okkar vandamál“ Fótbolti Flestir vonast eftir sigri Spurs í kvöld Enski boltinn Fleiri fréttir Í beinni: Tindastóll - Stjarnan | Baráttan um Íslandsmeistaratitilinn ræðst í Síkinu Samfélagið á Sauðárkróki ekki í vinnuhæfu ástandi Þruman skellti í lás og tók forystuna Tryllt eftirspurn eftir miðum „Ég fékk að gera ótal mistök og læra af þeim“ Þakkaði sjálfboðaliðum og minnti á mikilvægi íþrótta Lögmálið: Er NBA að svindla í lottóinu? Svarar Brynjari fullum hálsi: „Óboðleg tilraunastarfsemi á börnum í íþróttum“ Pétur tekur við þjálfun Hauka „Fallegasta samband sem hægt er að mynda“ Reiknar ekki með Shaq í oddaleiknum í Síkinu: „Vesen með nýrun“ Benedikt: Hugsanlega breyta viðtöl línum í dómgæslu „Við máttum ekki gefast upp“ Sjáðu ljótt brot Hlyns sem gerði Audda reiðan Rombley fluttur á sjúkrahús með sjúkrabíl Uppgjörið: Stjarnan - Tindastóll 91-86 | Stjarnan tryggði oddaleik eftir háspennu „Ég var ekki sáttur með sjálfan mig“ Tap í fyrsta leik Alba Berlin Daníel tekur við KR Stjörnurnar fögnuðu og hátíð á götum New York eftir sigur á meisturunum Friðrik Ingi hættur með Hauka Hörður kominn undan feldinum Harkaði af sér veikindi og Nuggets tryggðu oddaleik Úlfarnir í úrslit vestursins Fékk að mæta aðeins seinna í vinnu eftir Íslandsmeistara fögnuð „Menn vissu bara upp á sig sökina“ „Þegar þeir eru orðnir þreyttir hinum megin þá erum við með eitt stykki Basile“ Uppgjörið: Tindastóll - Stjarnan 110-97 | Stólarnir svöruðu og leiða nú úrslitaeinvígið Lovísa samskiptastjóri, „mini-mes“ og ástæðan fyrir engum leikhléum Vonast til að Giannis standist freistinguna og klári ferilinn hjá Milwaukee Sjá meira
Staðan í einvígi liðanna er 1-1 fyrir þriðja leik kvöldsins. Álftnesingar komu með gott svar í leik tvö í kjölfar dræmrar frammistöðu í fyrsta leik í Síkinu. Einvígið heldur nú aftur í Síkið og segir Pétur Rúnar sitt lið ekki hafa hitt á sinn dag í síðustu viðureign liðanna. „Þeir voru bara góðir og við kannski ekki alveg á okkar degi,“ segir Pétur Rúnar. „Við létum hluti sem við stjórnum ekki fara aðeins of mikið í taugarnar á okkur.“ „Bara hrós á þá. Þeir settu niður stór skot í fjórða leikhluta. Dúi, Hörður Axel og Klonaras settu allir þrist þarna í fjórða leikhluta eftir slæmar róteringar af okkar hálfu. Svo var þetta bara 50/50 leikur undir restina. Við hefðum kannski geta útfært þessa lokasókn eitthvað betur en annars voru þetta bara tvö góð lið og þeir urðu ofan á þarna.“ Var ekki að búast við neinu öðru Það var alveg kýrskýrt í huga Péturs að Álftnesingar væru ekkert lamb að leika sér við. „Við vissum að við værum ekkert að fara labba í gegnum þá. Við erum komnir í undanúrslit. Það hefði verið óeðlilegt ef við hefðum farið 3-0 í gegnum öll einvígin. Og eins og ég sagði í einhverju viðtali eftir seríuna við Keflavík þá vorum við ekkert langt frá því að lenda 2-0 undir þar. Það voru líka hörku leikir sem kláruðust þarna undir restina. Auðvitað var það svekkjandi að hafa ekki unnið þennan annan leik því við gáfum okkur alveg tækifæri til þess en ég var ekki að búast við neinu öðru en að þeir væru töluvert betri en þeir sýndu í leik eitt. Þeir gerðu bara mjög vel og við ætlum að mæta klárir í kvöld. Setja seríuna aftur okkur í hag.“ Einbeiting á James og Okeke Hvar hafa áherslurnar hjá ykkur Tindastólsmönnum legið á milli leikja? „Við þurfum að einbeita okkur betur að því að stöðva Justin James. Sóknarleikur þeirra fer svolítið mikið í gegnum hann. Við höfum verið að skoða nokkrar útfærslur á því hvernig við getum stöðvað hann.“ segir Pétur Rúnar en téður James setti niður heil 29 stig í síðasta leik liðanna og gaf sex stoðsendingar í þokkabót.“ Justin James með Sigtrygg Ara Björnsson á sér í leik tvö á ÁlftanesiVísir/Anton Brink „Svo þarf að stíga David Okeke út þegar að hann er inn í teignum. Hann gerði okkur ansi erfitt fyrir á köflum í síðasta leik þar sem að hann var að hirða alla lausa bolta. Við þurfum að vera varir um okkur, ekki sofna á verðinum,“ bætir Pétur við en óhætt er að segja að Okeke hafi komið inn af fídómskrafti í lið Álftnesinga í síðasta leik eftir að hafa verið að glíma við meiðsli. Hann setti niður átján stig, tók 10 fráköst. Þriðji leikur framundan, þið á heimavelli í Síkinu, staðan 1-1 í einvíginu, er ekki pressan á ykkur? „Nei ekki þannig. Við gerðum bara mjög vel í vetur í því að tryggja okkur þetta fyrsta sæti og fá þennan heimavallarrétt. Við förum í alla leiki til þess að vinna og það er ekkert einhver auka pressa þótt að við séum á heimavelli. Það þarf að vinna þrjá leiki og auðvitað ætlum við að vinna hér í kvöld en heimurinn ferst ekkert þó þetta fari eitthvað öðruvísi. En við viljum auðvitað og ætlum okkur að vinna í kvöld. Gerum allt til þess.“ Leikur þrjú í undanúrslitaeinvígi Tindastóls og Álftaness í Bónus deildinni hefst klukkan korter yfir sjö í kvöld. Leikurinn verður sýndur í beinni útsendingu á Stöð 2 Sport, upphitun frá Síkinu hefst hálftíma fyrir leik.
Bónus-deild karla Tindastóll UMF Álftanes Mest lesið Samfélagið á Sauðárkróki ekki í vinnuhæfu ástandi Körfubolti Guardiola hótar að hætta Enski boltinn Gunnar Nelson fann neista frá fyrri tíð: „Smá vakning fyrir mig“ Sport Þeir bestu ( 10.-9. sæti): Hörkutól með hæfileika Íslenski boltinn Sveindís til félags í eigu stórstjarna Fótbolti Játar sök vegna smygls á 60 kílóum af kannabisi Fótbolti Mikilvægasti leikur í sögu Man. Utd Fótbolti Í beinni: Tindastóll - Stjarnan | Baráttan um Íslandsmeistaratitilinn ræðst í Síkinu Körfubolti „Að vinna Evrópudeildina mun ekki leysa öll okkar vandamál“ Fótbolti Flestir vonast eftir sigri Spurs í kvöld Enski boltinn Fleiri fréttir Í beinni: Tindastóll - Stjarnan | Baráttan um Íslandsmeistaratitilinn ræðst í Síkinu Samfélagið á Sauðárkróki ekki í vinnuhæfu ástandi Þruman skellti í lás og tók forystuna Tryllt eftirspurn eftir miðum „Ég fékk að gera ótal mistök og læra af þeim“ Þakkaði sjálfboðaliðum og minnti á mikilvægi íþrótta Lögmálið: Er NBA að svindla í lottóinu? Svarar Brynjari fullum hálsi: „Óboðleg tilraunastarfsemi á börnum í íþróttum“ Pétur tekur við þjálfun Hauka „Fallegasta samband sem hægt er að mynda“ Reiknar ekki með Shaq í oddaleiknum í Síkinu: „Vesen með nýrun“ Benedikt: Hugsanlega breyta viðtöl línum í dómgæslu „Við máttum ekki gefast upp“ Sjáðu ljótt brot Hlyns sem gerði Audda reiðan Rombley fluttur á sjúkrahús með sjúkrabíl Uppgjörið: Stjarnan - Tindastóll 91-86 | Stjarnan tryggði oddaleik eftir háspennu „Ég var ekki sáttur með sjálfan mig“ Tap í fyrsta leik Alba Berlin Daníel tekur við KR Stjörnurnar fögnuðu og hátíð á götum New York eftir sigur á meisturunum Friðrik Ingi hættur með Hauka Hörður kominn undan feldinum Harkaði af sér veikindi og Nuggets tryggðu oddaleik Úlfarnir í úrslit vestursins Fékk að mæta aðeins seinna í vinnu eftir Íslandsmeistara fögnuð „Menn vissu bara upp á sig sökina“ „Þegar þeir eru orðnir þreyttir hinum megin þá erum við með eitt stykki Basile“ Uppgjörið: Tindastóll - Stjarnan 110-97 | Stólarnir svöruðu og leiða nú úrslitaeinvígið Lovísa samskiptastjóri, „mini-mes“ og ástæðan fyrir engum leikhléum Vonast til að Giannis standist freistinguna og klári ferilinn hjá Milwaukee Sjá meira