Lífið

Elizabeth Hurley og Billy Ray Cyrus stinga saman nefjum

Magnús Jochum Pálsson skrifar
Hurley og Cyrus virðast alsæl saman, allavega á þessari páskamynd sem leikkonan deildi.
Hurley og Cyrus virðast alsæl saman, allavega á þessari páskamynd sem leikkonan deildi.

Leikkonan Elizabeth Hurley og kántrísöngvarinn Billy Ray Cyrus eru að slá sér upp ef marka má mynd sem þau deildu af sér saman á páskadag.

Á myndinni sem Hurley deildi á Instagram og merkti Cyrus fyrir má sjá parið standa upp við grindverk meðan hann kyssir á henni kinnina. Þau eru bæði með sólgleraugu, hún með kúrekahatt en hann með kanínueyru í tilefni páskanna.

„Gleðilega páska ♥️,“ skrifar Hurley við færsluna.

Myndin er sú fyrsta af þeim saman en fyrir viku síðan deildi Hurley mynd af sér bikiníklæddri á Maldíveyjum, merkti Cyrus á myndinni og setti lag hans, „She's Not Cryin' Anymore,“ undir.

Hin 59 ára Hurley er þekktust fyrir leik sinn í grímyndunum Austin Powers: International Man of Mystery (1997) og Bedazzled (2000) en hefur síðustu ár leikið í minna þekktum myndum. Hún kynntist einmitt hinum 63 ára Cyrus við tökur á einni slíkri, jólamyndinni Christmas in Paradise (2022).

Cyrus er aftur á móti þekktastur fyrir kántríferil sinn og fyrir að vera faðir poppsöngkonunnar Miley Cyrus. Auk Mileyar á Billy sex börn og er þrífráskilinn. 

Hurley á soninn Damian Hurley og var gift viðskiptamanninum Arun Nayar frá 2009 til 2011. Þar áður var hún lengi í sambandi með Hugh Grant og krikketspilaranum Shane Warne.

Ástin og lífið Bandaríkin Hollywood

Tengdar fréttir

Faðir Miley Cyrus hefur fundið ástina á ný

Söngvarinn Billy Ray Cyrus, faðir Miley Cyrus, er kominn með kærustu. Kærastan er ástralska söngkonan Firerose. Það var í apríl á þessu ári sem fyrrverandi eiginkona hans til tuttugu og átta ára, Tish Cyrus, sótti um skilnað.

Billy Ray og Tish Cyrus sækja um skilnað í þriðja skiptið

Foreldrar Miley Cyrus þau Billy Ray og Tish hafa sótt um skilnað eftir tuttugu og átta ára hjónaband. Hjónin hafa tvisvar sinnum áður sótt um skilnað en ákveðið í framhaldinu að halda sambandinu áfram og gerðist það síðast árið 2013.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.