Versti sóknar­leikur ný­liða í meira en þrjá ára­tugi

Afturelding og ÍBV gerðu 0-0 jafntefli í Mosfellsbænum í gær sem þýðir að hvorugt liðið hefur náð að skora mark í fyrstu tveimur umferðum deildarinnar.

Afturelding tapaði 2-0 fyrir Íslandsmeisturum Breiðabliks í fyrstu umferð en ÍBV tapaði 2-0 á útivelli á móti Víkingum.

Markatala nýliðanna samtals er því 0-4. Alls ekki slæmt að fá bara fjögur mörk á sig samanlagt en þetta er aftur á móti versta sóknarframmistaða nýliða í meira en þrjá áratugi.

Það þarf nefnilega að fara alla leið til ársins 1994 til að finna tímabil þar sem báðum nýliðunum heur ekki tekst ekki að skora eitt einasta mark í fyrstu tveimur umferðunum.

Það sumar voru Breiðablik og Stjarnan nýliðar í deildinni og markatala þeirra til samans eftir tvo leiki var 0-11.

Blikar töpuðu á móti KR (0-5) og Keflavík (0-4) en Stjörnumenn gerðu markalaust jafntefli við Fram og töpuðu síðan 0-2 á móti KR.

Síðan þá höfðu báðir nýliðarnir til samans aðeins tvisvar sinnum skorað minna en þrjú mörk í fyrstu tveimur umferðunum en það var annars vegar árið 2020 (Grótta og Fjölnir með 2 mörk) og hins vegar árið 2007 (HK og Fram með 2 mörk).