Ára­tuga skuldahali, gosspá og Mario í beinni

Þotueldsneyti lekur í Norðursjó eftir árekstur olíuflutningaskips og gámaskip. Við sjáum myndir frá vettvangi en bresk stjórnvöld hafa lýst yfir miklum áhyggjum af mögulegum umhverfisáhrifum.

Edfjallafræðingur telur að Sundhnjúksgígaröðin gæti kannski náð einu eldgosi í viðbót en segist þó frekar á því að goshrinunni þar sé lokið. Kristján Már Unnarsson ræðir við Ármann Höskuldsson sem spáir því að Eldvörp og Reykjanestá verði næstu gossvæði.

Sjaldan ef nokkurn tímann hefur meiri áhugi ríkt fyrir grænlenskum þingkosningum. Grænlendingar ganga að kjörborðinu á morgun og við heyrum í alþjóðastjórnmálafræðingi sem segir áhuga Bandaríkjamanna á landinu hafa sett svip sinn á baráttuna.

Þá heyrum við einnig í næsta forsætisráðherra Kanada sem heitir því að vinna tollastríð gegn Bandaríkjunum og verðum í beinni frá tölvuleikjasal þar sem alla vikuna verður keppt í Mario Cart í tilefni alþjóðlega Mario-dagsins. Þá heyrum við í Gísla Gottskálk sem gæti verið úr leik næstu mánuði og í Íslandi í dag ræðir Sindri Sindrason við kennara til þrjátíu ára sem segir óþolandi að nemendur beiti kennara í auknum mæli ofbeldi án þess að nokkur segi neitt.