Skuggavaldið: Samsæriskenningum aldrei verið beitt svona áður Boði Logason skrifar 26. febrúar 2025 13:32 Donald Trump á skrifstofu sinni. AP/Evan Vucci Á meðal meginþátta sem greinir Donald Trump frá flestum öðrum stjórnmálamönnum samtímans er hvernig hann beitir samsæriskenningum sem pólitísku vopni – ekki bara af og til, heldur sem meginuppistöðu í orðræðu sinni. Frá því að hann steig fram á svið bandarískra stjórnmála hefur hann gert út á tortryggni og upplýsingaóreiðu, bæði til að veikja andstæðinga sína og til að efla fylgjendur sína. Þetta er á meðal þess sem kemur fram í nýjasta þætti Skuggavaldsins, sem snýr nú aftur eftir þriggja mánaða hlé. Skuggavaldið, sem er í umsjón prófessorana Eiríks Bergmanns og Huldu Þórisdóttur, sló rækilega í gegn í fyrstu þáttaröð sinni síðastliðið haust, þar sem það var á meðal mest spiluðu íslensku hlaðvarpanna. Í þessum nýja þætti beina þáttastjórnendur kastljósinu að því hvernig samsæriskenningar urðu ekki aðeins fylgifiskur Trumps heldur beinlínis kjarninn í stjórnmálum hans. Samsæriskenningar sem pólitískt eldsneyti Í þættinum kemur fram að frá upphafi pólitísks ferils síns hafi Trump beitt samsæriskenningum eins og járnsmiður notar hamar – stöðugt, markvisst og með skýrt mótuðum tilgangi. Hann hafi ekki aðeins notað þær til að grafa undan andstæðingum sínum heldur einnig til að endurvekja pólitíska tortryggni og skapa veruleika þar sem hann einn var áreiðanleg uppspretta sannleikans. Eitt fyrsta dæmið hafi verið Birtherism, samsæriskenningin um að Barack Obama væri ekki fæddur í Bandaríkjunum. Trump tók þessa kenningu, blés í hana lífi og ýtti henni inn í meginstrauminn þar til stór hluti kjósenda Repúblikanaflokksins trúði henni. Þrátt fyrir að hann hafi síðar viðurkennt að Obama væri bandarískur ríkisborgari, hafði hann þegar plantað djúpum efa meðal kjósenda sinna. Það hafi verið merki um það sem koma skyldi – sannleikurinn skipti minna máli en hver stjórnaði frásögninni. Eiríkur Bergmann og Hulda Þórisdóttir fara yfir samsæriskenningar í Skuggavaldinu.Vísir/Vilhelm Jarðvegurinn sem Trump spratt upp úr En hvernig gat maður eins og Trump náð vinsældum og trúverðugleika þrátt fyrir samsæriskenningarnar? Í þættinum draga Hulda og Eiríkur upp mynd af pólitísku landslagi Bandaríkjanna þar sem skautun hafði magnast í áratugi. Frá ný-íhaldsstefnunni á níunda áratugnum til uppgangs Teboðshreyfingarinnar eftir valdatöku Obama, hafði Repúblikanaflokkurinn þróast í átt að harðari afstöðu, tortryggni og árásargjarnri orðræðu, segja þau. Trump kom því inn í pólitískt landslag sem nú þegar einkenndist af óeiningu og vantrausti. Hann nýtti sér þá stöðu sér í hag og í raun endurskrifaði leikreglur stjórnmálanna. Hann reyndist afburða flinkur í því að snúa gagnrýni yfir á andstæðinga sína og skapa þá hugmynd að allar ásakanir á hendur honum væru hluti af samsæri. Fjölmiðlar urðu „óvinur fólksins,“ dómskerfið „hluti af djúpríkinu“ og pólitískir andstæðingar hans „spillt elíta“ sem var staðráðin í að uppræta hann. Frá Pizzagate til stolinna kosninga Þegar Trump bauð sig fram árið 2016 fór samsæriskenningavélin á fullan snúning. Þá spratt Pizzagate fram – kenning um að Demókratar, þar á meðal Hillary Clinton, væru hluti af satanísku barnaníðsneti. Þó kenningin væri algjörlega órökstudd, tókst henni að festa sig í sessi meðal harðra stuðningsmanna Trumps. Árið 2020 komust samsæriskenningar Trump á nýtt stig með ásökuninni um stolna kosningasigurinn, þeirri kenningu að forsetakosningunum hefði verið rænt af Trump með stórfelldu svindli að undirlagi Demókrata. Þetta voru ekki ásakanir settar fram í hálfkæringi í hita leiksins á kosninganótt, heldur meðvituð tilraun til að grafa undan trausti á lýðræðisstoðum Bandaríkjanna. Afleiðingarnar urðu alvarlegar og þær þekkja flestir. Þann 6. janúar 2021 réðust stuðningsmenn Trumps á þinghúsið í Washington í þeirri sannfæringu að þeir væru að verja lýðræðið með því að koma í veg fyrir að kjör Joe Bidens yrði staðfest. Djúpríkið og upplýsingaóreiðan sem skapaði nýjan veruleika Trump hefur ekki aðeins nýtt samsæriskenningar til að hægt sé að finna blóraböggla þegar honum gengur ekki allt í haginn, heldur hefur hann byggt upp heim þar sem hann einn er talinn áreiðanleg uppspretta sannleikans. Hugmyndin um djúpríkið – samsæri stjórnkerfisins gegn honum – varð lykilhluti í þeirri orðræðu. Með þessu móti hefur honum tekist að sannfæra stuðningsmenn sína um að fjölmiðlar séu ekki hlutlægir fréttamiðlar heldur pólitísk vopn andstæðinga hans. Að dómskerfið sé ekki lögmætt sem óvilhöll grein ríkisvaldsins heldur hluti af stærra samsæri gegn honum. Hvert stefnum við? Þáttastjórnendur Skuggavaldsins draga í lok þáttarins saman áhrif Trumps á stjórnmál heimsins. Með því að nýta samsæriskenningar hefur hann umbreytt pólitískri orðræðu í keppni frásagna fremur en samkeppni hugmynda. Hann hefur kennt öðrum leiðtogum hvernig hægt er að nota tortryggni sem stjórntæki og hvernig hægt er að skapa pólitískan veruleika sem byggir á tilfinningum fremur en staðreyndum. Skuggavaldið heldur umræðunni áfram í næsta þætti, þar sem sjónum verður beint að því hvernig samsæriskenningar fylgja Trump inn í nýja forsetatíð. Alla þætti Skuggavaldsins má nálgast á vefsíðu Tals. Skuggavaldið Donald Trump Bandaríkin Tengdar fréttir Var Kurt Cobain myrtur? Allt frá andláti Kurt Cobain, forsöngvara hinnar íkonísku grunge hljómsveitar, Nirvana, árið 1994, hafa þrálátar samsæriskenningar um að honum hafi verið komið fyrir kattarnef verið á kreiki. 9. desember 2024 10:03 Pískur sem þróaðist í hættulegustu samsæriskenningu síðari tíma QAnon-kenningin hófst sem pískur í myrkustu kimum internetsins og hefur þróast í eina umdeildustu og hættulegustu samsæriskenningu síðari tíma. Kenningin á rætur að rekja til ógnvekjandi sögusagna um barnaníðinga og djöfladýrkendur sem stjórna heiminum en afleiðingarnar urðu blóðugri en margir gátu ímyndað sér þegar fylgjendur hreyfingarinnar brutust inn í bandaríska þinghúsið þann 6. janúar 2021 í misheppnaðri tilraun til valdaráns. 14. október 2024 14:31 Íslendingar ginnkeyptir fyrir pólitískum samsæriskenningum Íslendingar eru ginnkeyptari fyrir pólitískum samsæriskenningum heldur íbúar í öðrum ríkjum Norðurlanda. Þetta er meðal þess sem fram kemur í fyrsta þætti Skuggavaldsins en í þessu nýja hlaðvarpi ræða stjórnmálafræðiprófessorarnir Eiríkur Bergmann og Hulda Þórisdóttir saman um hvaðeina er viðkemur samsæriskenningum. 2. september 2024 09:47 Mest lesið Ekki er allt gull sem glóir Gagnrýni „kkk“ í klukku vekur lukku: „Hafa menn ekki meira kjöt á beinunum?“ Lífið Kláraði lögfræði meðan hún sat fyrir hjá Dior Tíska og hönnun Fjöldi fólks á frumsýningu kynlífsmyndbands Lífið Hefur engan áhuga á góðlátlegum orðum Watson Lífið Nicole Kidman og Keith Urban hvort í sína átt Lífið Play-liðar minnast góðu tímanna Lífið Sakar rithöfunda um að vilja forðast umræðuna Menning Taktu þátt í nýársáskoruninni Nýtt Upphaf – Sjáðu árangursmyndirnar Lífið samstarf Fanney og Teitur orðin þriggja barna foreldrar Lífið Fleiri fréttir Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Sjá meira
Þetta er á meðal þess sem kemur fram í nýjasta þætti Skuggavaldsins, sem snýr nú aftur eftir þriggja mánaða hlé. Skuggavaldið, sem er í umsjón prófessorana Eiríks Bergmanns og Huldu Þórisdóttur, sló rækilega í gegn í fyrstu þáttaröð sinni síðastliðið haust, þar sem það var á meðal mest spiluðu íslensku hlaðvarpanna. Í þessum nýja þætti beina þáttastjórnendur kastljósinu að því hvernig samsæriskenningar urðu ekki aðeins fylgifiskur Trumps heldur beinlínis kjarninn í stjórnmálum hans. Samsæriskenningar sem pólitískt eldsneyti Í þættinum kemur fram að frá upphafi pólitísks ferils síns hafi Trump beitt samsæriskenningum eins og járnsmiður notar hamar – stöðugt, markvisst og með skýrt mótuðum tilgangi. Hann hafi ekki aðeins notað þær til að grafa undan andstæðingum sínum heldur einnig til að endurvekja pólitíska tortryggni og skapa veruleika þar sem hann einn var áreiðanleg uppspretta sannleikans. Eitt fyrsta dæmið hafi verið Birtherism, samsæriskenningin um að Barack Obama væri ekki fæddur í Bandaríkjunum. Trump tók þessa kenningu, blés í hana lífi og ýtti henni inn í meginstrauminn þar til stór hluti kjósenda Repúblikanaflokksins trúði henni. Þrátt fyrir að hann hafi síðar viðurkennt að Obama væri bandarískur ríkisborgari, hafði hann þegar plantað djúpum efa meðal kjósenda sinna. Það hafi verið merki um það sem koma skyldi – sannleikurinn skipti minna máli en hver stjórnaði frásögninni. Eiríkur Bergmann og Hulda Þórisdóttir fara yfir samsæriskenningar í Skuggavaldinu.Vísir/Vilhelm Jarðvegurinn sem Trump spratt upp úr En hvernig gat maður eins og Trump náð vinsældum og trúverðugleika þrátt fyrir samsæriskenningarnar? Í þættinum draga Hulda og Eiríkur upp mynd af pólitísku landslagi Bandaríkjanna þar sem skautun hafði magnast í áratugi. Frá ný-íhaldsstefnunni á níunda áratugnum til uppgangs Teboðshreyfingarinnar eftir valdatöku Obama, hafði Repúblikanaflokkurinn þróast í átt að harðari afstöðu, tortryggni og árásargjarnri orðræðu, segja þau. Trump kom því inn í pólitískt landslag sem nú þegar einkenndist af óeiningu og vantrausti. Hann nýtti sér þá stöðu sér í hag og í raun endurskrifaði leikreglur stjórnmálanna. Hann reyndist afburða flinkur í því að snúa gagnrýni yfir á andstæðinga sína og skapa þá hugmynd að allar ásakanir á hendur honum væru hluti af samsæri. Fjölmiðlar urðu „óvinur fólksins,“ dómskerfið „hluti af djúpríkinu“ og pólitískir andstæðingar hans „spillt elíta“ sem var staðráðin í að uppræta hann. Frá Pizzagate til stolinna kosninga Þegar Trump bauð sig fram árið 2016 fór samsæriskenningavélin á fullan snúning. Þá spratt Pizzagate fram – kenning um að Demókratar, þar á meðal Hillary Clinton, væru hluti af satanísku barnaníðsneti. Þó kenningin væri algjörlega órökstudd, tókst henni að festa sig í sessi meðal harðra stuðningsmanna Trumps. Árið 2020 komust samsæriskenningar Trump á nýtt stig með ásökuninni um stolna kosningasigurinn, þeirri kenningu að forsetakosningunum hefði verið rænt af Trump með stórfelldu svindli að undirlagi Demókrata. Þetta voru ekki ásakanir settar fram í hálfkæringi í hita leiksins á kosninganótt, heldur meðvituð tilraun til að grafa undan trausti á lýðræðisstoðum Bandaríkjanna. Afleiðingarnar urðu alvarlegar og þær þekkja flestir. Þann 6. janúar 2021 réðust stuðningsmenn Trumps á þinghúsið í Washington í þeirri sannfæringu að þeir væru að verja lýðræðið með því að koma í veg fyrir að kjör Joe Bidens yrði staðfest. Djúpríkið og upplýsingaóreiðan sem skapaði nýjan veruleika Trump hefur ekki aðeins nýtt samsæriskenningar til að hægt sé að finna blóraböggla þegar honum gengur ekki allt í haginn, heldur hefur hann byggt upp heim þar sem hann einn er talinn áreiðanleg uppspretta sannleikans. Hugmyndin um djúpríkið – samsæri stjórnkerfisins gegn honum – varð lykilhluti í þeirri orðræðu. Með þessu móti hefur honum tekist að sannfæra stuðningsmenn sína um að fjölmiðlar séu ekki hlutlægir fréttamiðlar heldur pólitísk vopn andstæðinga hans. Að dómskerfið sé ekki lögmætt sem óvilhöll grein ríkisvaldsins heldur hluti af stærra samsæri gegn honum. Hvert stefnum við? Þáttastjórnendur Skuggavaldsins draga í lok þáttarins saman áhrif Trumps á stjórnmál heimsins. Með því að nýta samsæriskenningar hefur hann umbreytt pólitískri orðræðu í keppni frásagna fremur en samkeppni hugmynda. Hann hefur kennt öðrum leiðtogum hvernig hægt er að nota tortryggni sem stjórntæki og hvernig hægt er að skapa pólitískan veruleika sem byggir á tilfinningum fremur en staðreyndum. Skuggavaldið heldur umræðunni áfram í næsta þætti, þar sem sjónum verður beint að því hvernig samsæriskenningar fylgja Trump inn í nýja forsetatíð. Alla þætti Skuggavaldsins má nálgast á vefsíðu Tals.
Skuggavaldið Donald Trump Bandaríkin Tengdar fréttir Var Kurt Cobain myrtur? Allt frá andláti Kurt Cobain, forsöngvara hinnar íkonísku grunge hljómsveitar, Nirvana, árið 1994, hafa þrálátar samsæriskenningar um að honum hafi verið komið fyrir kattarnef verið á kreiki. 9. desember 2024 10:03 Pískur sem þróaðist í hættulegustu samsæriskenningu síðari tíma QAnon-kenningin hófst sem pískur í myrkustu kimum internetsins og hefur þróast í eina umdeildustu og hættulegustu samsæriskenningu síðari tíma. Kenningin á rætur að rekja til ógnvekjandi sögusagna um barnaníðinga og djöfladýrkendur sem stjórna heiminum en afleiðingarnar urðu blóðugri en margir gátu ímyndað sér þegar fylgjendur hreyfingarinnar brutust inn í bandaríska þinghúsið þann 6. janúar 2021 í misheppnaðri tilraun til valdaráns. 14. október 2024 14:31 Íslendingar ginnkeyptir fyrir pólitískum samsæriskenningum Íslendingar eru ginnkeyptari fyrir pólitískum samsæriskenningum heldur íbúar í öðrum ríkjum Norðurlanda. Þetta er meðal þess sem fram kemur í fyrsta þætti Skuggavaldsins en í þessu nýja hlaðvarpi ræða stjórnmálafræðiprófessorarnir Eiríkur Bergmann og Hulda Þórisdóttir saman um hvaðeina er viðkemur samsæriskenningum. 2. september 2024 09:47 Mest lesið Ekki er allt gull sem glóir Gagnrýni „kkk“ í klukku vekur lukku: „Hafa menn ekki meira kjöt á beinunum?“ Lífið Kláraði lögfræði meðan hún sat fyrir hjá Dior Tíska og hönnun Fjöldi fólks á frumsýningu kynlífsmyndbands Lífið Hefur engan áhuga á góðlátlegum orðum Watson Lífið Nicole Kidman og Keith Urban hvort í sína átt Lífið Play-liðar minnast góðu tímanna Lífið Sakar rithöfunda um að vilja forðast umræðuna Menning Taktu þátt í nýársáskoruninni Nýtt Upphaf – Sjáðu árangursmyndirnar Lífið samstarf Fanney og Teitur orðin þriggja barna foreldrar Lífið Fleiri fréttir Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Sjá meira
Var Kurt Cobain myrtur? Allt frá andláti Kurt Cobain, forsöngvara hinnar íkonísku grunge hljómsveitar, Nirvana, árið 1994, hafa þrálátar samsæriskenningar um að honum hafi verið komið fyrir kattarnef verið á kreiki. 9. desember 2024 10:03
Pískur sem þróaðist í hættulegustu samsæriskenningu síðari tíma QAnon-kenningin hófst sem pískur í myrkustu kimum internetsins og hefur þróast í eina umdeildustu og hættulegustu samsæriskenningu síðari tíma. Kenningin á rætur að rekja til ógnvekjandi sögusagna um barnaníðinga og djöfladýrkendur sem stjórna heiminum en afleiðingarnar urðu blóðugri en margir gátu ímyndað sér þegar fylgjendur hreyfingarinnar brutust inn í bandaríska þinghúsið þann 6. janúar 2021 í misheppnaðri tilraun til valdaráns. 14. október 2024 14:31
Íslendingar ginnkeyptir fyrir pólitískum samsæriskenningum Íslendingar eru ginnkeyptari fyrir pólitískum samsæriskenningum heldur íbúar í öðrum ríkjum Norðurlanda. Þetta er meðal þess sem fram kemur í fyrsta þætti Skuggavaldsins en í þessu nýja hlaðvarpi ræða stjórnmálafræðiprófessorarnir Eiríkur Bergmann og Hulda Þórisdóttir saman um hvaðeina er viðkemur samsæriskenningum. 2. september 2024 09:47