Þetta eru kepp­endur Söngva­keppninnar 2025

Þetta er meðal þess sem fram kemur í tilkynningu frá Ríkisútvarpinu. Eins og áður hefur komið fram verða undanúrslitakvöldin tvö. Það fyrra verður 8. febrúar og það síðara þann 15. febrúar. Breyttar reglur eru í keppninni í ár og er úrslitaeinvígið nú á bak og burt.

Þess í stað komast sex lög áfram í úrslitin sem verða 22. febrúar. Þá mun alþjóðleg dómnefnd vega helming á móti símaatkvæðum landsmanna og stigahæsta lag kvöldsins ber sigur úr býtum.  

Öll kvöld fara fram í Kvikmyndaveri RVK Studios í Gufunesi en segir í tilkynningunni að endanleg lagaröð á hvoru kvöldi fyrir sig verði kynnt síðar. Kynnar keppninnar í ár verða þau Guðrún Dís Emilsdóttir, Benedikt Valsson og Fannar Sveinsson. Eins og áður verður boðið upp á skemmtiatriði á öllum viðburðunum. Miðasala hefst kl. 10.00 þriðjudagsmorguninn 21. febrúar á Tix.

Þátttaka Íslands í keppninni í fyrra reyndist umdeild vegna þátttöku Ísrael í Eurovision og hernaði þeirra á Gasa. Yfir tíu þúsund manns rituðu nöfn sín á undirskriftalista þar sem skorað var á Ríkisútvarpið að draga Ísland úr keppni vegna hernaðs Ísraela auk þess sem íslenskt tónlistarfólk afhenti undirskriftarlista þar sem 550 listamenn settu nöfn sín undir sömu kröfu. Ekki hefur borið á sömu umræðu í þetta sinn en greint var frá því í vikunni að Hamas og Ísrael hefðu samþykkt drög að friðarsamkomulagi.

Fyrri undanúrslit 8. febrúar

Ég flýg í storminn / Stormchaser

Flytjandi: BIRGO

Lag: Birgitta Ólafsdóttir, Helga Þórdís Guðmundsdóttir og Jonas Gladnikoff

Íslenskur texti: Birgitta Ólafsdóttir og Helga Þórdís Guðmundsdóttir

Enskur texti: Shawn Mayers og Birgitta Ólafsdóttir

Eins og þú / Like You

Flytjandi: Ágúst

Lag: Hákon Guðni Hjartarson, Ágúst Þór Brynjarsson og Halldór Gunnar Pálsson

Íslenskur texti: Hákon Guðni Hjartarson og Ágúst Þór Brynjarsson

Enskur texti: Hákon Guðni Hjartarson

Frelsið Mitt / Set Me Free

Flytjandi: Stebbi JAK

Lag: Alda B. Lilliendahl Ólafsdóttir, Will Taylor og Stebbi JAK

Íslenskur texti: Alda B. Lilliendahl Ólafsdóttir, Michael James Down, Primoz Poglajen og Stebbi JAK

Enskur texti: Alda B. Lilliendahl Ólafsdóttir, Michael James Down, Primoz Poglajen og Stebbi JAK

Norðurljós / Northern Lights

Flytjandi: BIA

Lag: BIA, Jóhannes Ágúst, Kristrún Jóhannesdóttir og Jón Arnór Styrmisson.

Íslenskur texti: BIA, Jóhannes Ágúst, Kristrún Jóhannesdóttir, Jón

Arnór Styrmisson og Kolbeinn Egill Þrastarson

Enskur texti: BIA, Jóhannes Ágúst, Kristrún Jóhannesdóttir og Jón Arnór Styrmisson.

RÓA

Flytjendur: VÆB

Lag og texti: Matthías Davíð Matthíasson, Hálfdán Helgi Matthíasson og Ingi Þór Garðarsson

Seinni undanúrslit 15. febrúar

Aðeins lengur

Flytjandi: Bjarni Arason

Lag: Jóhann Helgason

Texti: Björn Björnsson

Flugdrekar / Carousel

Flytjandi: Dagur Sig

Lag: Thorsteinn Einarsson, Linnea Deb, Einar Lövdahl, Joy Deb og Andreas Lindbergh

Íslenskur texti: Einar Lövdahl

Enskur texti: Thorsteinn Einarsson, Linnea Deb, Joy Deb og Andreas Lindbergh

Þrá / Words

Flytjandi: Tinna

Lag: Tinna Óðinsdóttir og Rob Price

Íslenskur texti: Guðný Ósk Karlsdóttir

Enskur texti: Rob Price

Rísum upp / Rise Above

Flytjandi: Bára Katrín

Lag: Heiðar Kristjánsson og Valgeir Magnússon

Íslenskur texti: Valgeir Magnússon, Heiðar Kristjánsson, Lára Ómarsdóttir og Steinunn Ása Þorvaldsdóttir

Enskur texti: Valgeir Magnússon og Heiðar Kristjánsson

Eldur / Fire

Flytjendur: Júlí og Dísa

Lag: Júlí Heiðar Halldórsson, Andri Þór Jónsson, Birgir Steinn Stefánsson og Ragnar Már Jónsson

Íslenskur texti: Júlí Heiðar Halldórsson

Enskur texti: Andri Þór Jónsson