Willum skoraði í jafn­tefli gegn Mansfield

Willum hefur leikið alla tólf deildarleiki Birmingham á tímabilinu, skorað fjögur mörk og lagt upp þrjú.

Hann kom Birmingham yfir á 10. mínútu í leiknum á One Call leikvanginum í dag. Staðan var 0-1 í hálfleik og allt fram á 63. mínútu þegar Lee Gregory jafnaði fyrir Mansfield og þar við sat.

Willum lék allan leikinn fyrir Birmingham en Alfons Sampsted var ekki í leikmannahópi liðsins.

Í ensku B-deildinni tapaði Blackburn Rovers fyrir Watford, 1-0. Arnór Sigurðsson lék síðustu þrettán mínúturnar fyrir Blackburn sem er í 6. sæti deildarinnar með nítján stig eftir tólf leiki.