Starfs­fólk í á­falli vegna hópsýkingar, gjald á nikótínvörur og hjóna­rúm á sviði

Lögfræðingur hjá Félagi atvinnurekenda furðar sig á því að fyrirhuguð gjaldtaka á nikótínvörur fari eftir þyngd pakkninga en ekki styrkleika. Við förum yfir gjaldtöku sem er boðuð eru í bandorminum svokallaða og verðum í beinni frá þinginu þar sem allt er á yfirsnúningi nú þegar keyra á fjárlögin í gegn fyrir kosningar.

Þá mætir Kristján Már Unnarsson í myndver og fer á myndrænan hátt yfir áhrif Hvammsvirkjunar en Landsvirkjun er nú komin með öll tilskilin leyfi fyrir virkjuninni. Þá skoðum við yfirvofandi breytingar á rekstri Fríhafnarinnar sem formaður VG segir stórpólitískt mál en einungis erlend fyrirtæki hafa gert tilboð í reksturinn.

Við verðum einnig í beinni frá blaðamannafundi í Bíó Paradís sem haldinn er í tilefni Kvennafrídagsins í dag. Þar munu hátt í fjörutíu samtök afhenda stjórnmálaforingjum kröfugerð.

Í Sportpakkanum verður farið yfir sögulegan sigur Víkings í deildarkeppni Sambandsdeildar Evrópu og í Íslandi í dag skoðar Vala Matt frumlegt heimili þar sem hjónarúmið er uppi á sviði.

Þetta og margt fleira í opinni dagskrá á samtengdum rásum Bylgjunnar, Stöðvar 2 og Vísis klukkan 18:30.