Anna Lára og Svavar eiga von á barni

Þau tilkynntu barnalánið í sameiginlegri færslu á Instagram og skrifa: „Getum ekki beðið eftir að hitta litla fjársjóðinn okkar.“

Hamingjuóskunum rignir inn til parsins á samfélagsmiðlum enda mikið gleðiefni.

Parið kynntist í Háskólanum í Reykjavík þar sem þau stunda nám í sálfræði. Þau trúlofuðu sig þann 14. júlí 2022.

Fyrsta fegurðardrottningin af erlendum uppruna

Anna Lára var krýnd Ungfrú Ísland árið 2016 og tók í kjölfarið þátt í Miss World fyrir hönd Íslands. 

Í viðtali við Vísi árið 2017 sagðist hún vera stolt af því að vera sú fyrsta af erlendum uppruna til að bera titilinn. 

„Fólki finnst það gaman. Að það sé ekki bara þessari dæmigerðu alíslensku fegurð sem er haldið á lofti. Að stúlka af erlendum uppruna sé landkynning. Við erum öll falleg og við erum svo mörg hér á landi af öðrum uppruna sem erum líka Íslendingar. Ég var að minnsta kosti stolt af því að fá að vera fulltrúi Íslands og vera af erlendum uppruna. Mér þykir líka vænt um ættarnafnið mitt og vil halda því á lofti,“ sagði Anna Lára í viðtalinu.