Heimsmeistari eftir að hafa næstum misst af mótinu Auður Ösp Guðmundsdóttir skrifar 6. ágúst 2024 14:17 Ella stefnir ótrauð áfram og vonar að þessi árangur muni ýta undir að hún hljóti áframhaldandi fjárstuðning frá fólki og fyrirtækjum til að keppa á mótum erlendis. Samsett „Ég er búin að sanna það fyrir sjálfri mér núna að það er ekkert sem ég get ekki gert, og ég vil sýna öðrum að það sé allt hægt ef maður ætlar sér það,“ segir Elínborg Björnsdóttir sem á dögunum varð heimsmeistari í flokki fatlaðra á heimsmeistaramótinu í pílukasti sem fram fór í Edinborg á Skotlandi. Vísir ræddi við Elínborgu þann 21. júlí síðastliðinn en líf hennar umturnaðist eftir alvarlegt bílslys í janúar árið 2020. Afleiðingarnar voru þær að hún lamaðist algjörlega á vinstri hlið líkamans. Um það leyti sem hún lenti í slysinu hafði hún stundað pílukast í meira en tvo áratugi – og skarað fram úr. Hún keppti með landsliðinu í pílukasti í tíu ár og vann til fjölda verðlauna. Þrátt fyrir hörmulegar afleiðingar slyssins hefur Elínborg, eða Ella eins og hún er kölluð, alltaf verið staðráðin í halda áfram og finna gleði í lífinu. Þar hefur pílukastið verið hennar helsta haldreipi. Það hefur hins vegar reynst henni hægara sagt en gert að fá fjárhagslegan stuðning sem fatlaður einstaklingur, öfugt við þegar hún var ófötluð. Eftir að hafa lent í öðru sæti á Evrópumeistaramóti fatlaðra bæði í vor og í fyrra vann Ella sér inn þátttökurétt á fyrrnefndu heimsmeistaramóti í Skotlandi sem haldið var um síðastliðna helgi. Í fyrrnefndri frétt Vísis kom fram að heildarkostnaðurinn við ferðina væri í kringum tvær milljónir og að Ella þyrfti nauðsynlega á fjárhagslegum stuðning að halda til að komast á mótið. Ljóst var að tíminn var naumur. Viðbrögðin voru með ólíkindum Ella segir viðbrögðin við frétt Vísis hafa verið hreint ótrúleg og fjölmargir ókunnugir einstaklingar hafi stutt við hana með frjálsum framlögum. Þá hafi Stoð stoðtækasmíði veitt henni ríflegan styrk upp á 100 þúsund krónur. Auk þess barst henni ríflegur styrkur frá Ásmundi Friðrikssyni, þingmanni Sjálfstæðisflokksins, en hann heldur árlega skötumessu þar sem aðgangseyrir rennur til góðgerðarmála. Ásmundur birti færslu á facebooksíðu sinni síðastliðinn sunnudag þegar ljóst var að Ella hefði landað heimsmeistaratitlinum. Ella fékk fjárhagslegan stuðning úr fleiri áttum. „Þegar við eigendurnir lásum fréttina um hana Elínborgu á Vísi þá vorum við allir sammála um þetta væri málefni sem við vildum styrkja. Við þurftum að bregðast mjög hratt við þar sem það var stutt í næsta mót hjá Elínborgu. Í kjölfarið tókum við þá ákvörðun að halda styrktarkvöld fyrir hana á Oche. Allur ágóði af pílunni þessi tvö kvöld rennur í styrktarsjóðinn hennar og náðist að safna 345 þúsund krónum,“ segir Mikael Harðarson framkvæmdastjóri Oche í samtali við Vísi. Elínborg og Mikael.Aðsend „Við vonum innilega að styrkurinn hjálpi henni að fjármagna hennar næstu ferðalög.“ Er rétt að byrja Í samtali við Vísi segist Ella vera í skýjunum eftir árangur helgarinnar. „Ég er mjög stolt af sjálfri mér; stolt af því að hafa aldrei gefist upp. Fyrsti dagurinn á móti byrjaði mjög vel og það ýtti undir drifkraftinn hjá mér. Ég tók einfaldlega þá ákvörðun að ég ætlaði að verða heimsmeistari. Og eftir því sem á leið þá fann ég það bara á mér að mér myndi takast það. Ég bara vissi það.“ Hún segist óendanlega þakklát öllum þeim einstaklingum og fyrirtækjum sem gerðu henni kleift að komast á mótið – og sigra svo með glæsibrag. Þökk sé þeim náði hún að safna upp í heildarkostnað ferðarinnar – og gott betur en það. Það sem safnaðist umfram mun Elínborg nota tilað fjármagna keppnisferðir í framtíðinni. Hún stefnir ótrauð áfram og vonar að þessi árangur muni ýta undir að hún hljóti áframhaldandi fjárstuðning frá fólki og fyrirtækjum til að keppa á mótum erlendis. „Ég er ennþá að komast niður á jörðina eftir þetta allt saman. Það er alveg magnað hvað maður getur komið sjálfum sér óvart ef maður lendir í ómögulegum aðstæðum.“ Málefni fatlaðs fólks Ólympíumót fatlaðra Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Ósérhlífinn starfsmaður bjargaði ómvölum frá endurvinnslu Lífið Segja Freddie Mercury eiga laundóttur Lífið Sinnir sjúklingum í sama herbergi og hún fékk greiningu Lífið Gellur fjölmenntu í sumarpartý Ingu Lindar Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Drake kom fram á tónleikum í 66°Norður Reisa styttu af Birni í Kópavogi Lauk krefjandi háskólanámi og barðist við lífshættuleg veikindi á sama tíma Krakkatían: Mona Lisa, VÆB og Þjóðhátíð Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Sjá meira
Vísir ræddi við Elínborgu þann 21. júlí síðastliðinn en líf hennar umturnaðist eftir alvarlegt bílslys í janúar árið 2020. Afleiðingarnar voru þær að hún lamaðist algjörlega á vinstri hlið líkamans. Um það leyti sem hún lenti í slysinu hafði hún stundað pílukast í meira en tvo áratugi – og skarað fram úr. Hún keppti með landsliðinu í pílukasti í tíu ár og vann til fjölda verðlauna. Þrátt fyrir hörmulegar afleiðingar slyssins hefur Elínborg, eða Ella eins og hún er kölluð, alltaf verið staðráðin í halda áfram og finna gleði í lífinu. Þar hefur pílukastið verið hennar helsta haldreipi. Það hefur hins vegar reynst henni hægara sagt en gert að fá fjárhagslegan stuðning sem fatlaður einstaklingur, öfugt við þegar hún var ófötluð. Eftir að hafa lent í öðru sæti á Evrópumeistaramóti fatlaðra bæði í vor og í fyrra vann Ella sér inn þátttökurétt á fyrrnefndu heimsmeistaramóti í Skotlandi sem haldið var um síðastliðna helgi. Í fyrrnefndri frétt Vísis kom fram að heildarkostnaðurinn við ferðina væri í kringum tvær milljónir og að Ella þyrfti nauðsynlega á fjárhagslegum stuðning að halda til að komast á mótið. Ljóst var að tíminn var naumur. Viðbrögðin voru með ólíkindum Ella segir viðbrögðin við frétt Vísis hafa verið hreint ótrúleg og fjölmargir ókunnugir einstaklingar hafi stutt við hana með frjálsum framlögum. Þá hafi Stoð stoðtækasmíði veitt henni ríflegan styrk upp á 100 þúsund krónur. Auk þess barst henni ríflegur styrkur frá Ásmundi Friðrikssyni, þingmanni Sjálfstæðisflokksins, en hann heldur árlega skötumessu þar sem aðgangseyrir rennur til góðgerðarmála. Ásmundur birti færslu á facebooksíðu sinni síðastliðinn sunnudag þegar ljóst var að Ella hefði landað heimsmeistaratitlinum. Ella fékk fjárhagslegan stuðning úr fleiri áttum. „Þegar við eigendurnir lásum fréttina um hana Elínborgu á Vísi þá vorum við allir sammála um þetta væri málefni sem við vildum styrkja. Við þurftum að bregðast mjög hratt við þar sem það var stutt í næsta mót hjá Elínborgu. Í kjölfarið tókum við þá ákvörðun að halda styrktarkvöld fyrir hana á Oche. Allur ágóði af pílunni þessi tvö kvöld rennur í styrktarsjóðinn hennar og náðist að safna 345 þúsund krónum,“ segir Mikael Harðarson framkvæmdastjóri Oche í samtali við Vísi. Elínborg og Mikael.Aðsend „Við vonum innilega að styrkurinn hjálpi henni að fjármagna hennar næstu ferðalög.“ Er rétt að byrja Í samtali við Vísi segist Ella vera í skýjunum eftir árangur helgarinnar. „Ég er mjög stolt af sjálfri mér; stolt af því að hafa aldrei gefist upp. Fyrsti dagurinn á móti byrjaði mjög vel og það ýtti undir drifkraftinn hjá mér. Ég tók einfaldlega þá ákvörðun að ég ætlaði að verða heimsmeistari. Og eftir því sem á leið þá fann ég það bara á mér að mér myndi takast það. Ég bara vissi það.“ Hún segist óendanlega þakklát öllum þeim einstaklingum og fyrirtækjum sem gerðu henni kleift að komast á mótið – og sigra svo með glæsibrag. Þökk sé þeim náði hún að safna upp í heildarkostnað ferðarinnar – og gott betur en það. Það sem safnaðist umfram mun Elínborg nota tilað fjármagna keppnisferðir í framtíðinni. Hún stefnir ótrauð áfram og vonar að þessi árangur muni ýta undir að hún hljóti áframhaldandi fjárstuðning frá fólki og fyrirtækjum til að keppa á mótum erlendis. „Ég er ennþá að komast niður á jörðina eftir þetta allt saman. Það er alveg magnað hvað maður getur komið sjálfum sér óvart ef maður lendir í ómögulegum aðstæðum.“
Málefni fatlaðs fólks Ólympíumót fatlaðra Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Ósérhlífinn starfsmaður bjargaði ómvölum frá endurvinnslu Lífið Segja Freddie Mercury eiga laundóttur Lífið Sinnir sjúklingum í sama herbergi og hún fékk greiningu Lífið Gellur fjölmenntu í sumarpartý Ingu Lindar Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Drake kom fram á tónleikum í 66°Norður Reisa styttu af Birni í Kópavogi Lauk krefjandi háskólanámi og barðist við lífshættuleg veikindi á sama tíma Krakkatían: Mona Lisa, VÆB og Þjóðhátíð Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Sjá meira