Lífið

Gísli Pálmi í fót­bolta með Barry Keoghan

Svava Marín Óskarsdóttir skrifar
Gísli Pálmi og Barry Keoghan eru sagðir hittast vikulega til að spila saman fótbolta í Lundúnum.
Gísli Pálmi og Barry Keoghan eru sagðir hittast vikulega til að spila saman fótbolta í Lundúnum.

Rapparinn Gísli Pálmi Sigurðsson birti mynd af sér og írska stórleikaranum Barry Keoghan á Instagram í gær þar sem þeir voru í fótbolta saman. Félagarnir, sem eru báðir búsettir í Lundúnum, hittast á vikulegum fótboltaæfingum.

Keoghan er búsettur í Lundúnum en hefur undanfarið eytt miklum tíma í Hollywood. Ekki liggur fyrir hvernig hann og Gísli Pálmi urðu á vegi hvors annars en gera má ráð fyrir þeir tveir nái vel saman. Prakkarasvipurinn er að minnsta kosti sameiginlegur.

Einn áhugaverðasti leikari sinnar kynslóðar

Keoghan á að baki sér glæstan kvikmyndaferil en hefur þó sjaldan skinið skærar en akkúrat núna. Hann fer með aðalhlutverk í kvikmyndinni Saltburn sem er á vörum margra og hefur meðal annars verið nefndur einn áhugaverðasti leikari sinnar kynslóðar.

Ástarsamband Keoghan og poppstjörnunnar Sabrinu Carpenter hefur vakið mikla athygli, enda hvort um sig að slá í gegn á sínu sviði. Hún á tvö vinsælustu lög sumarsins, Espresso og Please, Please, Please. Í tónlistarmyndbandi við síðarnefnda lagið fer Keoghan með aðalhlutverk.

Með annan fótinn í Lundúnum

Gísli Pálmi sló tóninn fyrir nýja bylgju íslensks rapps með plötu sinni Gísla Pálma árið 2015. Síðan hefur hann gefið út stöku lag á stangli, en látið vera að fylgja plötunni eftir með öðru heilsteyptu meistaraverki. Staða hans sem rappara númer eitt stendur þó óhögguð í huga margra, þrátt fyrir takmarkaða útgáfustarfsemi.

Á allra síðustu árum hefur Gísli verið með annan fótinn í Lundúnum þar sem hann er einnig til heimilis.

Tónlist Hollywood Bretland Fótbolti

Tengdar fréttir

Nýjasta súperstjarna heimsins

Frægðarsól tónlistarkonunnar Sabrina Carpenter hefur aldrei skinið jafn skært og nú. Hún á tvö mest spiluðu lög í heimi um þessar mundir, er að slá sér upp með hjartaknúsaranum og leikaranum Barry Keoghan, kemur fram á tónleikum og viðburðum um allan heim og stelur ósjaldan senunni í einstökum klæðaburði.

Best klæddu stjörnurnar á Met Gala

Fyrsti mánudagur maí mánaðar er runninn upp en hann reynist tískuunnendum mikið tilhlökkunarefni. Ástæðan er sú að tískuviðburður ársins, Met Gala, fer fram í kvöld á Metropolitan safninu í New York borg. Stærstu stjörnur heimsins koma saman í glæsilegum klæðnaði hátískuhönnuða þar sem menning, tíska og upplifun rennur saman í eitt. 

Kvikmyndirnar sem beðið er eftir

Vísir hefur tekið saman lista yfir 25 kvikmyndir sem koma út á árinu og er beðið eftir með mikilli eftirvæntingu. Árið í ár er sannarlega ár framhaldsmynda en inn á milli eru líka góðir frumlegir molar.

Tískan á Golden Globe: Bleikar bombur og litaglaðar stjörnur

Verðlaunahátíðin Golden Globe fór fram í gærkvöldi á Beverly Hills hótelinu í Los Angeles. Stærstu stjörnur heimsins skinu sitt allra skærasta á rauða dreglinum en glæsilegir síðkjólar, pallíettur og litagleði voru í forgrunni. 

Saltburn: Hinn hæfileikaríki herra Quick

Saltburn er nýjasta kvikmynd Emerald Fennell, leikstýru einnar eftirtektarverðustu kvikmyndar ársins 2022, A Promising Young Woman. Það er Amazon-streymisveitan Prime sem frumsýndi hana rétt fyrir jól.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.