Gaf leik því hún vildi ekki keppa við trans konu

Deta Hedman er þekkt kempa í pílukastinu og hefur verið lengi að. Hún var meðal þátttakenda á Opna danska meistaramótinu og var kominn í átta manna úrslit þegar hún dró sig úr keppni.

Ástæðan var að Hedman vildi ekki keppa við andstæðing sinn, Noa-Lynn van Leuven. Hún er trans kona og Hedman vill ekki að þær keppi í kvennaflokki.

„Ég keppi ekki við mann í kvennaflokki,“ sagði Hedman í samtali við Bild. Hún varði svo ákvörðun sína enn frekar í bréfi til samtakanna Save Women's Sport.

„Þetta málefni veldur miklum núningi í íþróttinni sem ég elska. Fólk má vera það sem það vill í lífinu en mér finnst ekki að líffræðilegir menn ættu að keppa í kvennasporti.“

Skiptir skoðanir eru um ákvörðun Hedmans. Hún er þó ekki sú fyrsta sem hættir við að keppa í mótmælaskyni vegna þátttöku transkvenna. Tvær drógu sig til að mynda úr hollenska landsliðinu eftir að Van Leuven var valin í það.