Innlent

Rýma svæði á Seyðis­firði og Nes­kaup­stað vegna snjó­flóða­hættu

Sólrún Dögg Jósefsdóttir skrifar
Vænta má frekari upplýsinga að fundi Veðurstofunnar og Almannavarna loknum. 
Vænta má frekari upplýsinga að fundi Veðurstofunnar og Almannavarna loknum.  Vísir/Vilhelm

Veðurstofa Íslands hefur eflt til rýminga á tveimur svæðum á Seyðisfirði og einu á Neskaupstað frá klukkan tíu í kvöld vegna snjóflóðahættu.

Í tilkynningu frá lögreglunni á Austurlandi kemur fram að rýmingarnar nái yfir svæði 17 og 18 á Seyðisfirði. Íbúar þriggja húsa sem eru á því svæði hafi þegar verið upplýstir, búsettir á Ránargötu 8, 9 og 11.

Þá hafi Veðurstofa ákveðið rýmingar á svæði 4 í Neskaupstað auk Þrastarlundar. Þar sé fyrst og fremst um iðnaðarsvæði og hesthús, innan við bæinn. Fram kemur að unnið sé að því að koma skilaboðum til rekstraraðila og eigendur þeirra húsa.

Loks segir að fundur sé fyrirhugaður með Veðurstofu og Almannavörnum seinna í dag og að búast megi við frekari tilkynningum í kjölfar þess.

Veður Almannavarnir Múlaþing Fjarðabyggð Snjóflóð á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið