Búvörulög, orku­mál og réttindi fatlaðra í Sprengi­sandi

Orkumál verða til umfjöllunar í dag en Finnur Beck, framkvæmdastjóri Samorku, ræðir orkumarkaðinn, nýjar orkuspár, framboð, eftirspurn og verð í þessum einum mikilvægasta geira okkar Íslendinga.

Næst á dagskrá verða kjaramálin. Þær Sólveig Anna Jónsdóttir, formaður Eflingar og Kolbrún Halldórsdóttir, formaður BHM, ætla að ræða launamun og ekki síður þá spurningu hvort búið sé að leggja allar línur í samningum þó opinberi markaðurinn sé eftir.

Þá ætla Sigurður Ingi Jóhannsson, innviðaráðherra og Sigmar Guðmundsson, alþingismaður, að rökræða ný búvörulög sem hafa verið harðlega gagnrýnd en ráðherrann hefur farið fögrum orðum um. Að auki ræða þeir fyrirhuguð kaup Landsbankans á TM.

Sara Dögg Svanhildardóttir bæjarfulltrúi Viðreisnar í Garðabæ er síðasti gesturinn. Hún hefur barist fyrir rétti fatlaðs fólks til þátttöku í námi og á vinnumarkaði og kynnir tímamótahugmyndir á því sviði. 

Hægt er að hlusta á þáttinn hér að neðan.