Erlent

For­seta­kosningar hafnar í Rúss­landi

Gunnar Reynir Valþórsson skrifar
Það er ekki hægt að segja að um sé að ræða spennandi kosningar.
Það er ekki hægt að segja að um sé að ræða spennandi kosningar. Getty

Forsetakosningar eru hafnar í Rússlandi en þær standa í þrjá daga í þessu víðfema landi. Vladímír Pútín er svo gott sem einn í kjöri og talinn öruggur um að hljóta kosningu í fimmta sinn í embættið.

Fyrstu kjörstaðir opnuðu í Kamchatka, austasta héraði Rússlands og þeim síðustu verður lokað á sunnudagskvöld í Kalíningrad, vestasta svæði landsins. 

Pútín tilkynnti um það í desember að hann hyggðist halda áfram í embætti og síðan þá hafa ríkismiðlar unnið ötullega að því að tryggja honum endurkjör. Til viðbótar hefur öllum mögulegum andstæðingum verið rutt úr vegi og eru þeir margir hverjir annað hvort dánir, í fangelsi eða í útlegð. 

Skemmst er að minnast Alexei Navalní sem var einn mesti andstæðingur Pútíns en hann lést í fangelsi í Síberíu á dögunum. 

Pútín hefur nú verið lengst allra leiðtoga landsins við völd síðan sovéski einræðisherrann Stalín var og hét. 

Hann hefur verið forseti frá árinu 2000, ef undan eru skilin fjögur ár þar sem hann neyddist til að verða forsætisráðherra til að brjóta ekki stjórnarskrá landsins eins og hún var þá. Síðan þá hefur Pútín breytt reglunum og gæti jafnvel boðið sig aftur fram að sex árum liðnum, árið 2030.

Rússland Innrás Rússa í Úkraínu Vladimír Pútín
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið