Innlent

Segist reiðu­búinn í að verða biskup Ís­lands

Oddur Ævar Gunnarsson skrifar
Kristján Björnsson segir að sér hafi borist áskoranir um að bjóða sig fram.
Kristján Björnsson segir að sér hafi borist áskoranir um að bjóða sig fram. Vísir/Magnús Hlynur

Sr. Kristján Björnsson, vígslubiskup í Skálholti, hefur ákveðið að gefa kost á sér í embætti biskup Íslands. Hann segist hafa fengið fjölda áskoranir.

Ríkisútvarpið greinir frá. Boðað hefur verið til kosninga um nýjan biskup Íslands á kirkjuþingi í mars. Agnes M. Sigurðardóttir, núverandi biskup lætur af störfum í kjölfarið.

Þegar hafa Helga Soffía Konráðsdóttir, sóknarprestur í Háteigskirkju og Guðrún Karls Helgudóttir, sóknarprestur í Grafarvogskirkju gefið kost á sér í embætti biskups auk séra Ninnu Sif Svavarsdóttur og séra Guðmundar Karls Brynjarssonar.

Séra Kristján hefur verið vígslubiskup í Skálholti síðan í fyrra. Hann hefur áður starfað sem staðgengill biskups Íalands. Ríkisútvarpið hefur eftir honum að um sé að ræða gott tækifæri til að stunda sína guðfræði með því að tala við stærri hóp fólks.

Nýr biskup verður vígður inn í embætti þann 1. september. Prestar og djáknar geta tilnefnt þann prest sem þeir telja hæfan í embættið. Þrjú efstu sem fá flestar tilnefningar fara áfram í biskupskosningar.

Biskupskjör 2024 Þjóðkirkjan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið