Svartnættið er ekki hér allt um kring Berghildur Erla Bernharðsdóttir skrifar 25. janúar 2024 19:57 Alma Möller Landlæknir, Högni Óskarsson geðlæknir, Guðrún Jóna Guðlaugsdóttir verkefnastjóri og Guðni Th. Jóhannesson. Vísir/Hjalti Draga á úr sjálfsvígum hér á landi með víðtækum aðgerðum í verkefni sem kallast Lífsbrú. Efla á samvinnu í málaflokknum og koma öllum þeim úrræðum sem eru í boði betur á framfæri að sögn landlæknis. Forseti Íslands hvetur alla til að láta sig málefnið varða. Lítillega hefur dregið úr tíðni sjálfsvíga hér á landi síðustu fimm ár borið saman við fimm árin þar á undan. Þannig voru að meðaltali um 38 sjálfsvíg á ári frá 2018-2022 en voru að meðaltali 42 á ári fimm árin þar á undan samkvæmt upplýsingum frá Landlækni. Markmiðið er að draga enn frekar úr sjálfsvígum í verkefni sem hefur fengið heitið Lífsbrú og er á forræði embættisins. Guðrún Jóna Guðlaugsdóttir verkefnisstjóri þess segir því ætlað bæði fyrir einstaklinga sem glíma við sjálfsvígshugsanir og aðstandendur þeirra sem hafa fallið fyrir eigin hendi eða glíma við slíkar hugsanir. „Við viljum með öllum mögulegum leiðum fækka sjálfsvígum. Við viljum ekki nefna tölur í því samhengi við viljum bara nefna leiðir og úrræði hvar fólk getur leitað sér hjálpar. Í stað þess að horfa á tölurnar þó við höfum þær alltaf bak við eyrað,“ segir Guðrún. Fram kom á kynningarfundi um Lífsbrú í dag að eitt sjálfsvíg hafi að meðaltali áhrif á um hundrað þrjátíu og fimm manns sem þýði að hér á landi snerti slík tilfelli um fimm þúsund manns árlega. Alma Möller landlæknir segir að verkefnið feli í sér mikilvæga forvörn. „Við viljum gera forvarnir gegn sjálfsvígum og stuðning til aðstandenda formlegri og sýnilegri. Ég er ekki viss um að allir átti sig á því hvað hægt er að gera og verið er að gera,“ segir hún. Tíðni sjálfsvíga hér á landi síðustu tíu ár. Aðeins hefur dregið úr þeim síðustu ár.Vísir/Sara Hvetur karla til að tjá sig um erfiðar tilfinningar Högni Óskarsson geðlæknir og ráðgjafi Landlæknis í sjálfsvígsforvörnum segir að sjálfsvígstíðni sé þrefalt hærri meðal karla en kvenna hér á landi. Það sama eigi við í viðmiðunarlöndum. Þá sé meira en helmingur þeirra sem deyja í sjálfsvígi yngri en 50 ára. Átakinu sé ætlað að reyna að finna og nálgast þá sem glíma við sjálfsvígshugsanir. Fá til dæmis unga karla til að tjá sig um erfiðar tilfinningar. Í því geti falist mikilvæg forvörn. „Sjálfsvíg eru miklu algengari hjá körlum en konum. Sá hópur sem maður hefur helst áhyggjur af eru karlar eldri en 30 ára. Vegna þess að það er svo erfitt að ná til þeirra. Karlar tala oft ekki um erfið mál og byrja inni og ætla að leysa þau á hnefanum. Við stöndum svolítið ráðþrota á hvernig við getum nálgast þá. Stóra áherslan er á þennan hóp. En einnig aðra hópa eins og unga fólkið okkar sem er oft að glíma við vanlíðan,“ segir Högni. Forsetinn hvetur landsmenn til að láta sig málefnið varða Guðni Th. Jóhannesson forseti Íslands mætti á kynningarfund átaksins í dag og hvatti alla til að láta sig málefnið varða. „Við ætlum að efla seiglu, efla þrjósku, þolgæði en líka stuðning, velvild og skilning og þetta gerum við saman. Svartnættið er ekki hér allt um kring,“ sagði Guðni meðal annars á kynningarfundinum í dag. Ef einstaklingar glíma við sjálfsvígshugsanir er bent er á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum. Heilsa Geðheilbrigði Heilbrigðismál Forseti Íslands Guðni Th. Jóhannesson Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þurftu að farga 30 þúsund eintökum vegna forsetaframboðs Innlent Vitni gefur ekki upp nafn vegna ótta við hefndaraðgerðir Innlent Forsetavaktin 2024: Hver verður sjöundi forseti lýðveldisins? Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Bendlaði Trump beint við þagnargreiðslurnar Erlent Fleiri fréttir Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Sjá meira
Lítillega hefur dregið úr tíðni sjálfsvíga hér á landi síðustu fimm ár borið saman við fimm árin þar á undan. Þannig voru að meðaltali um 38 sjálfsvíg á ári frá 2018-2022 en voru að meðaltali 42 á ári fimm árin þar á undan samkvæmt upplýsingum frá Landlækni. Markmiðið er að draga enn frekar úr sjálfsvígum í verkefni sem hefur fengið heitið Lífsbrú og er á forræði embættisins. Guðrún Jóna Guðlaugsdóttir verkefnisstjóri þess segir því ætlað bæði fyrir einstaklinga sem glíma við sjálfsvígshugsanir og aðstandendur þeirra sem hafa fallið fyrir eigin hendi eða glíma við slíkar hugsanir. „Við viljum með öllum mögulegum leiðum fækka sjálfsvígum. Við viljum ekki nefna tölur í því samhengi við viljum bara nefna leiðir og úrræði hvar fólk getur leitað sér hjálpar. Í stað þess að horfa á tölurnar þó við höfum þær alltaf bak við eyrað,“ segir Guðrún. Fram kom á kynningarfundi um Lífsbrú í dag að eitt sjálfsvíg hafi að meðaltali áhrif á um hundrað þrjátíu og fimm manns sem þýði að hér á landi snerti slík tilfelli um fimm þúsund manns árlega. Alma Möller landlæknir segir að verkefnið feli í sér mikilvæga forvörn. „Við viljum gera forvarnir gegn sjálfsvígum og stuðning til aðstandenda formlegri og sýnilegri. Ég er ekki viss um að allir átti sig á því hvað hægt er að gera og verið er að gera,“ segir hún. Tíðni sjálfsvíga hér á landi síðustu tíu ár. Aðeins hefur dregið úr þeim síðustu ár.Vísir/Sara Hvetur karla til að tjá sig um erfiðar tilfinningar Högni Óskarsson geðlæknir og ráðgjafi Landlæknis í sjálfsvígsforvörnum segir að sjálfsvígstíðni sé þrefalt hærri meðal karla en kvenna hér á landi. Það sama eigi við í viðmiðunarlöndum. Þá sé meira en helmingur þeirra sem deyja í sjálfsvígi yngri en 50 ára. Átakinu sé ætlað að reyna að finna og nálgast þá sem glíma við sjálfsvígshugsanir. Fá til dæmis unga karla til að tjá sig um erfiðar tilfinningar. Í því geti falist mikilvæg forvörn. „Sjálfsvíg eru miklu algengari hjá körlum en konum. Sá hópur sem maður hefur helst áhyggjur af eru karlar eldri en 30 ára. Vegna þess að það er svo erfitt að ná til þeirra. Karlar tala oft ekki um erfið mál og byrja inni og ætla að leysa þau á hnefanum. Við stöndum svolítið ráðþrota á hvernig við getum nálgast þá. Stóra áherslan er á þennan hóp. En einnig aðra hópa eins og unga fólkið okkar sem er oft að glíma við vanlíðan,“ segir Högni. Forsetinn hvetur landsmenn til að láta sig málefnið varða Guðni Th. Jóhannesson forseti Íslands mætti á kynningarfund átaksins í dag og hvatti alla til að láta sig málefnið varða. „Við ætlum að efla seiglu, efla þrjósku, þolgæði en líka stuðning, velvild og skilning og þetta gerum við saman. Svartnættið er ekki hér allt um kring,“ sagði Guðni meðal annars á kynningarfundinum í dag. Ef einstaklingar glíma við sjálfsvígshugsanir er bent er á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
Heilsa Geðheilbrigði Heilbrigðismál Forseti Íslands Guðni Th. Jóhannesson Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þurftu að farga 30 þúsund eintökum vegna forsetaframboðs Innlent Vitni gefur ekki upp nafn vegna ótta við hefndaraðgerðir Innlent Forsetavaktin 2024: Hver verður sjöundi forseti lýðveldisins? Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Bendlaði Trump beint við þagnargreiðslurnar Erlent Fleiri fréttir Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Sjá meira