Erlent

Virðist hafa myrt tvær dætur og barna­barn og framið síðan sjálfs­víg

Sólrún Dögg Jósefsdóttir skrifar
Tilkynning um málið barst lögreglu um klukkan 11:15 að staðartíma.
Tilkynning um málið barst lögreglu um klukkan 11:15 að staðartíma. Getty

Eldri karlmaður er sagður hafa drepið tvær dætur sínar og eitt barnabarn áður en hann tók sitt eigið líf í Akers-sýslu í Noregi í dag. 

Fjórir einstaklingar fundust látnir í húsi í sveitarfélaginu Nes, norðaustur af Ósló klukkan 11:15 að staðartíma í dag. Lögregla hóf í kjölfarið rannsókn en samkvæmt upplýsingum var húsið reykfyllt þegar viðbragðsaðilar komu á staðinn.

Norski fréttamiðillinn VG hefur nú upplýsingar um að þau látnu séu eldri maður, tvær dætur hans á þrítugs- og fertugsaldri, og barnabarn hans. 

Grete Lien Meltid, rannsóknarlögregluþjónn, gat ekki staðfest tengsl hinna látnu en sagði að um tvær konur, barn og eldri mann ræddi. 

Þá sagði Cecilie Lilaas-Skari, lögreglukona, á blaðamannafundi í dag að ein þeirra látnu væri starfsmaður lögreglunnar í Eidsvoll. 

„Eins og staðan er núna erum við enn á frumstigi málsins. Og samkvæmt þeim niðurstöðum sem við höfum komist að virðist meintur gerandi vera látinn,“ segir Lilaas-Skari við VG. „Það er of snemmt að fullyrða, en það virðist sem við séum að horfa á bæði manndráp og sjálfsvíg.“

Noregur Erlend sakamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið