Erlent

Neita að fram­selja prest sakaðan um morð og pyntingar

Rafn Ágúst Ragnarsson skrifar
Margir liðsinnar herforingjastjórnarinnar hafa þurft að svara til saka fyrir glæpi sína undanfarna áratugi.
Margir liðsinnar herforingjastjórnarinnar hafa þurft að svara til saka fyrir glæpi sína undanfarna áratugi. EPA/Isaac Fontana

Dómsmálaráðherra Ítalíu hefur synjað beiðni Argentínu um að framselja prest sem er sakaður um hræðilega glæpi sem hann á að hafa framið á valdatíð Juans Peróns og herforingjastjórn landsins á þeim tíma.

Hinn 86 ára gamli séra Franco Reverberi var prestur í argentínska hernum og er sakaður um að hafa tekið þátt í morðinu á 20 ára aðgerðasinnanum José Guillermo Berón árið 1976 ásamt því að hafa pynt hann.

Guardian greinir frá því að Franco sé með argentínskan og ítalskan ríkisborgararétt og hafi yfirgefið heimaland sitt í kjölfar þess að argentínsk yfirvöld hófu réttarhöld yfir mörgum liðsinnum herforingjastjórnarinnar. Síðan þá hefur hann búið í borginni Parma og þvertekur fyrir að eiga þátt í málinu. Vatíkanið hefur ekki tjáð sig um málið né bannfært hann.

Í gær beitti Carlo Nordio dómsmálaráðherra Ítalíu neitunarvaldi sínu til að koma í veg fyrir að Franco verði framseldur og segir aldur hans og heilsu vera helstu ástæðurnar fyrir því. Margir sem sakaðir eru um glæpi í störfum sínum fyrir herforingjastjórnina hafa flúið til Ítalíu vegna þess hvað margir Argentínumenn eru af ítölskum uppruna eða með ítalskt ríkisfang.

Argentína Ítalía Erlend sakamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið