Gera loft­á­rás á Húta í Jemen í nótt

Reuters greinir frá því að her Húta sé þegar farinn að rýma helstu mannvirki sín í hafnarborginni Húdaída þar sem búist er við loftárásum í nótt. Hútarnir höfðu fyrr í vikunni verið varað við að halda árásum sínum á flutningaskip í Rauðahafinu áfram og að ef ekki linnti árásunum neyddust Bandaríkin, Bretland og önnur lönd að bregðast við. 

Svo virðist sem úr því verði í nótt en fyrr í dag gerðu Hútar sína 27. árás á fragtskip í Rauðahafinu síðan í nóvember í fyrra.

Áðurnefnd yfirlýsing til Hútanna var einnig undirrituð af Ástralíu, Bahrain, Belgíu, Kanada, Danmörku, Þýskalandi, Ítalíu, Japan, Hollandi og Nýja-Sjálandi.

Hútar hafa sagt árásunum ætlað að þrýsta á um að Ísrael láti af árásum sínum á Gasa en skotmörk þeirra hafa oft lítil eða engin tengsl við Ísrael. Árásirnar hafa hins vegar stofnað birgðaflutningum um hafsvæðið í hættu.