Guð­rún Kristín Íþróttaeldhugi ársins

Alls bárust 163 tilnefningar um 112 einstaklinga úr tuttugu íþróttafélögum, en að lokum voru það þrír einstaklingar sem voru tilnefndir. Það voru þau Edvard Skúlason úr knattspyrnufélaginu Val, Guðrún Kristín Einarsdóttir frá Ungmennafélaginu Aftureldingu og Ólafur Elí Magnússon sem hefur starfað fyrir Íþróttafélagið Dímon.

Íþrótta­eld­hugi árs­ins er val­inn úr röðum sjálf­boðaliða í íþrótta­hreyf­ing­unni sem hafa í gegn­um árin nýtt eig­in hæfi­leika, frí­tíma og sérþekk­ingu til að efla íþrótt­a­starfið í sínu nærum­hverfi eða á land­inu öllu.

Öll hafa þau unnið mikið og óeigingjarnt starf í þágu íþrótta til áratuga, en það var að lokum Guðrún Kristín Einarsdóttir sem var útnefnd Íþróttaeldhugi ársins 2023.

Þetta var í annað sinn sem verðlaunin eru veitt, en í fyrra var Haraldur Ingólfsson valinn Íþróttaeldhugi ársins, fyrstur allra.