Margrét Þórhildur stígur til hliðar Bjarki Sigurðsson og Heimir Már Pétursson skrifa 31. desember 2023 17:16 Margrét Þórhildur Danadrottning ætlar að stíga til hliðar. Max Mumby/Getty Margrét Þórhildur Danadrottning ætlar að stíga til hliðar hinn 14. janúar næst komandi. Hún tilkynnti þetta í áramótaávarpi sínu í dag. Frá og með 14. janúar tekur því krónprinsinn, Friðrik, við krúnunni í landinu. Eftir ávarp sitt hlaut drottningin lófatak frá gestum á torginu við Amalíuborgar-höll. Hefð er fyrir því að fólk safnist þar saman á gamlársdag á meðan ávarpið er flutt. Í áramótaávarpi sínu rifjaði drottningin upp að hún hafi gengist undir stóra aðgerð á baki í febrúar á þessu ári. Á þeim tímamótum hafi hún farið að huga að framtíð sinni þar sem aldurinn væri farinn að segja til sín, og hvort ekki væri rétt að koma hinum konunglegu skyldum á herðar næstu kynslóða. Þess vegna ætlaði hún að draga sig í hlé á þeim tímamótum þegar 52 ár verða liðin frá því faðir hennar, Friðrik IX, lést og hún varð drottning, þá 32 ára gömul. Frá því í apríl á þessu ári. Getty/Patrick van Katwijk Í ávarpi sínu þakkaði Margrét Þórhildur dönsku þjóðinni, Færeyingum og Grænlendingum fyrir þann hlýhug og stuðning sem þjóðirnar hefðu sýnt henni og fjölskyldu hennar í gegnum áratugina. Hún bar einnig fram þá ósk að hinum nýju konungshjónum, Friðriki X og Maríu eiginkonu hans, verði tekið með sömu hlýju og hún hefði notið öll sín ár sem drottning. Frá því að spænska konungsfjölskyldan heimsótti Danmörku í nóvember á þessu ári. Getty/Carlos Alvarez Óhætt er að segja að þessi yfirlýsing drottningar kom dönsku þjóðinni í opna skjöldu. Þótt Friðrik hafi í vaxandi mæli tekið á sig ýmsar skyldur drottningar á undanförnum árum hefur það alltaf verið skilningur dönsku þjóðarinnar að Margrét Þórhildur yrði drottning á meðan hún lifði. Valdaskiptin munu eiga sér stað að loknum ríkisráðsfundi í Kristjánsborgarhöll þann fjórtánda janúar, eftir tvær vikur. Við það verður Friðrik krónprins formlega Friðrik X Danakonungur. Það mun ekki fara fram krýningarathöfn fyrir hann líkt og þekkist í Bretlandi. Friðrik er 55 ára gamall, fæddur í maí árið 1968. Hann er giftur hinni áströlsku Maríu Donaldson en þau kynntust árið 2000 þegar Friðrik var í opinberri heimsókn í Sydney vegna Ólympíuleikanna sem fóru fram í borginni. Þau eiga saman fjögur börn, Kristján, Ísabellu og tvíburasystkinin Vincent og Jósefínu. Friðrik ásamt Vincent.Getty/Tim Riediger Árið 2017 í fyrstu opinberu heimsókn Guðna Th. Jóhannessonar, forseta Íslands, til Danmerkur fóru nokkrir íslenskir fjölmiðlar með og veitti Margrét Þórhildur þeim áheyrn. Hér fyrir neðan má sjá innslag Íslands í dag frá heimsókninni. Klippa: 19:10 - Danadrottning Heimir Már spurði drottninguna meðal annars að því hvort hlutverk konungs kæmi til með að vera öðruvísi þegar Friðrik tæki við af henni. Hverjar eru vonir yðar varðandi hlutverk konungsfjölskyldunnar í framtíðinni og telur yðar hátign að hlutverk konungs muni breytast mikið eftir að krónprinsinn tekur við af yður síðar á þessari öld? „Sonur minn og tengdadóttir munu að sjálfsögðu gegna hlutverkinu eins og þeim þykir best og tíðarandinn bíður. Það verður ekki með sama hætti og hjá mér og mínum manni og við gegndum hlutverkinu líka með öðrum hætti en foreldrar mínir, eins og eðlilegt er. Maður lifir með sinni samtíð og tímarnir breytast eins og þeir eiga líka að gera,“ sagði drottningin. Heimir Már Pétursson, fréttamaður Stöðvar 2, að ræða við Margréti Þórhildi árið 2017.Vísir/Egill Þetta er í fyrsta sinn sem konungur eða drottning Danmerkur segir af sér krúnunni. Í fyrra olli það töluverðum titringi innan dönsku konungsfjölskyldunnar þegar Margrét Þórhildur tók prinsa- og prinsessutitlana af börnum Jóakims, yngri sonar hennar, svo einungis börn Friðriks, eldri sonarins, bæru þessa titla í framtíðinni. Margir töldu þá að drottningin væri að taka til í fjölskyldunni áður en hún yfirgæfi sviðið til þess að losa Friðrik við þessar óþægilegu ákvarðanir varðandi fjölskyldu bróður hans. Margrét Þórhildur hefur nokkrum sinnum komið til Íslands í valdatíð sinni, nú síðast í desember árið 2018 þegar Ísland fagnaði hundrað ára fullveldisafmæli. Meðal þess sem var á dagskrá drottningarinnar í þeirri heimsókn var að skoða sýninguna Lífsblómið í Listasafni Íslands, heimsækja Veröld, hús Vigdísar Finnbogadóttur og snæða hátíðarkvöldverð í boði forsetahjónanna á Bessastöðum. Danmörk Kóngafólk Margrét Þórhildur II Danadrottning Friðrik X Danakonungur Tímamót Tengdar fréttir Margrét Þórhildur hætt að reykja Margrét Þórhildur Danadrottning er hætt að reykja. Það mega heita nokkuð stór tíðindi en drottningin hefur löngum verið mikil reykingamanneskja, eða frá því hún var 17 ára gömul. 17. júní 2023 15:43 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent Vilja svör um möguleg „óþægileg hagsmunatengsl“ borgar og RÚV Innlent „Fann það þegar ég vaknaði í morgun að þetta var lúmskt áfall“ Innlent Katrín efst en Jón hrynur í nýrri könnun Innlent Horfði á þegar vinur hans réðst á manninn sem braut á dóttur hans Innlent Kolbeinn Sigþórsson ákærður fyrir brot gegn barnungri stúlku Innlent Sautján greinst með kíghósta og inflúensan enn að dreifa sér Innlent „Helvíti fínt“ að komast aftur á Papa's Pizza Innlent Hárgreiðslustóll ekki hættulegt tæki og konan fær engar bætur Innlent Ætlar ekki að þröngva sér upp á fólk Innlent Fleiri fréttir „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Sjá meira
Frá og með 14. janúar tekur því krónprinsinn, Friðrik, við krúnunni í landinu. Eftir ávarp sitt hlaut drottningin lófatak frá gestum á torginu við Amalíuborgar-höll. Hefð er fyrir því að fólk safnist þar saman á gamlársdag á meðan ávarpið er flutt. Í áramótaávarpi sínu rifjaði drottningin upp að hún hafi gengist undir stóra aðgerð á baki í febrúar á þessu ári. Á þeim tímamótum hafi hún farið að huga að framtíð sinni þar sem aldurinn væri farinn að segja til sín, og hvort ekki væri rétt að koma hinum konunglegu skyldum á herðar næstu kynslóða. Þess vegna ætlaði hún að draga sig í hlé á þeim tímamótum þegar 52 ár verða liðin frá því faðir hennar, Friðrik IX, lést og hún varð drottning, þá 32 ára gömul. Frá því í apríl á þessu ári. Getty/Patrick van Katwijk Í ávarpi sínu þakkaði Margrét Þórhildur dönsku þjóðinni, Færeyingum og Grænlendingum fyrir þann hlýhug og stuðning sem þjóðirnar hefðu sýnt henni og fjölskyldu hennar í gegnum áratugina. Hún bar einnig fram þá ósk að hinum nýju konungshjónum, Friðriki X og Maríu eiginkonu hans, verði tekið með sömu hlýju og hún hefði notið öll sín ár sem drottning. Frá því að spænska konungsfjölskyldan heimsótti Danmörku í nóvember á þessu ári. Getty/Carlos Alvarez Óhætt er að segja að þessi yfirlýsing drottningar kom dönsku þjóðinni í opna skjöldu. Þótt Friðrik hafi í vaxandi mæli tekið á sig ýmsar skyldur drottningar á undanförnum árum hefur það alltaf verið skilningur dönsku þjóðarinnar að Margrét Þórhildur yrði drottning á meðan hún lifði. Valdaskiptin munu eiga sér stað að loknum ríkisráðsfundi í Kristjánsborgarhöll þann fjórtánda janúar, eftir tvær vikur. Við það verður Friðrik krónprins formlega Friðrik X Danakonungur. Það mun ekki fara fram krýningarathöfn fyrir hann líkt og þekkist í Bretlandi. Friðrik er 55 ára gamall, fæddur í maí árið 1968. Hann er giftur hinni áströlsku Maríu Donaldson en þau kynntust árið 2000 þegar Friðrik var í opinberri heimsókn í Sydney vegna Ólympíuleikanna sem fóru fram í borginni. Þau eiga saman fjögur börn, Kristján, Ísabellu og tvíburasystkinin Vincent og Jósefínu. Friðrik ásamt Vincent.Getty/Tim Riediger Árið 2017 í fyrstu opinberu heimsókn Guðna Th. Jóhannessonar, forseta Íslands, til Danmerkur fóru nokkrir íslenskir fjölmiðlar með og veitti Margrét Þórhildur þeim áheyrn. Hér fyrir neðan má sjá innslag Íslands í dag frá heimsókninni. Klippa: 19:10 - Danadrottning Heimir Már spurði drottninguna meðal annars að því hvort hlutverk konungs kæmi til með að vera öðruvísi þegar Friðrik tæki við af henni. Hverjar eru vonir yðar varðandi hlutverk konungsfjölskyldunnar í framtíðinni og telur yðar hátign að hlutverk konungs muni breytast mikið eftir að krónprinsinn tekur við af yður síðar á þessari öld? „Sonur minn og tengdadóttir munu að sjálfsögðu gegna hlutverkinu eins og þeim þykir best og tíðarandinn bíður. Það verður ekki með sama hætti og hjá mér og mínum manni og við gegndum hlutverkinu líka með öðrum hætti en foreldrar mínir, eins og eðlilegt er. Maður lifir með sinni samtíð og tímarnir breytast eins og þeir eiga líka að gera,“ sagði drottningin. Heimir Már Pétursson, fréttamaður Stöðvar 2, að ræða við Margréti Þórhildi árið 2017.Vísir/Egill Þetta er í fyrsta sinn sem konungur eða drottning Danmerkur segir af sér krúnunni. Í fyrra olli það töluverðum titringi innan dönsku konungsfjölskyldunnar þegar Margrét Þórhildur tók prinsa- og prinsessutitlana af börnum Jóakims, yngri sonar hennar, svo einungis börn Friðriks, eldri sonarins, bæru þessa titla í framtíðinni. Margir töldu þá að drottningin væri að taka til í fjölskyldunni áður en hún yfirgæfi sviðið til þess að losa Friðrik við þessar óþægilegu ákvarðanir varðandi fjölskyldu bróður hans. Margrét Þórhildur hefur nokkrum sinnum komið til Íslands í valdatíð sinni, nú síðast í desember árið 2018 þegar Ísland fagnaði hundrað ára fullveldisafmæli. Meðal þess sem var á dagskrá drottningarinnar í þeirri heimsókn var að skoða sýninguna Lífsblómið í Listasafni Íslands, heimsækja Veröld, hús Vigdísar Finnbogadóttur og snæða hátíðarkvöldverð í boði forsetahjónanna á Bessastöðum.
Danmörk Kóngafólk Margrét Þórhildur II Danadrottning Friðrik X Danakonungur Tímamót Tengdar fréttir Margrét Þórhildur hætt að reykja Margrét Þórhildur Danadrottning er hætt að reykja. Það mega heita nokkuð stór tíðindi en drottningin hefur löngum verið mikil reykingamanneskja, eða frá því hún var 17 ára gömul. 17. júní 2023 15:43 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent Vilja svör um möguleg „óþægileg hagsmunatengsl“ borgar og RÚV Innlent „Fann það þegar ég vaknaði í morgun að þetta var lúmskt áfall“ Innlent Katrín efst en Jón hrynur í nýrri könnun Innlent Horfði á þegar vinur hans réðst á manninn sem braut á dóttur hans Innlent Kolbeinn Sigþórsson ákærður fyrir brot gegn barnungri stúlku Innlent Sautján greinst með kíghósta og inflúensan enn að dreifa sér Innlent „Helvíti fínt“ að komast aftur á Papa's Pizza Innlent Hárgreiðslustóll ekki hættulegt tæki og konan fær engar bætur Innlent Ætlar ekki að þröngva sér upp á fólk Innlent Fleiri fréttir „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Sjá meira
Margrét Þórhildur hætt að reykja Margrét Þórhildur Danadrottning er hætt að reykja. Það mega heita nokkuð stór tíðindi en drottningin hefur löngum verið mikil reykingamanneskja, eða frá því hún var 17 ára gömul. 17. júní 2023 15:43