Innlent

Þróunin svipuð og var við Fagra­dals­fjall

Bjarki Sigurðsson skrifar
Frá eldgosinu við Fagradalsfjall í fyrra.
Frá eldgosinu við Fagradalsfjall í fyrra. Vísir/Vilhelm

Áfram dregur úr krafti eldgossins við Sundhnúksgíga en hraunflæði er um það bil fjórðungur af því sem það var í byrjun og er einungis þriðjungur sprungunnar virkur. Kvikustrókar eru lægri en þeir voru í byrjun og eru um það bil þrjátíu metrar þar sem þeir ná hæst.

Þetta kemur fram í tilkynningu á vef Veðurstofunnar. 

„Þróun gossins svipar til eldgosa við Fagradalsfjall þar sem gossprungurnar eru byrjaðar að draga sig saman og mynda stök gosop. Á þessum tímapunkti eru um fimm gosop sem eru dreifð eftir upphaflegu sprungunni,“ segir í tilkynningunni. 

Síðast var farið í mælingaflug klukkan fjögur í nótt og er næsta ferð klukkan eitt í dag. Verið er að vinna nýtt hættumatskort og verður það gefið út síðar í dag.

Gosmökkurinn berst undan vestan og norðvestan átt. Gasmengunar gæti því orðið vart í Vestmannaeyjum í dag en ekki annars staðar í byggð. Samkvæmt veðurspá gæti gasmengunar orðið vart á höfuðborgarsvæðinu seint í nótt eða í fyrramálið.

Eldgos og jarðhræringar Eldgos á Reykjanesskaga Grindavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið