Myndaveisla: Hátíðleg athöfn við afhendingu Kærleikskúlunnar

Svava Marín Óskarsdóttir skrifar 7. desember 2023 10:28

Haraldur Þorleifsson hlaut Kærleikskúluna árið 2023. Kúlan er hönnuð af Guðjóni Ketilssyni. Owen Fiene

Tuttugasta og fyrsta Kærleikskúlan sem Styrktarfélag lamaðra og fatlaðra gefur út var afhjúpuð við hátíðlega athöfn í Listasafni Reykjavíkur í gær. Haraldur Þorleifsson, frumkvöðull og athafnamaður, hlaut kúluna fyrir árangur sinn með verkefninu, Römpum upp Ísland, sem hefur að markmiði að bæta aðgengi fatlaðs fólks í samfélaginu.

Ár hvert velur Styrktarfélagið handhafa Kærleikskúlunnar, einhvern sem hefur með verkum sínum breytt viðhorfum og bætt líf samborgara sinna og samfélag, vakið athygli á mikilvægum gildum og sjálfsögðum réttindum.

„Árangurinn sem Haraldur hefur náð við að sameina krafta þjónustuaðila, einkaaðila og yfirvalda til að leita lausna og láta verkin tala fljótt og vel er, eftirtektarverður og víst að verkefnið hefur breytt viðhorfum og vakið samfélagið til vitundar um aðgengismál í víðu samhengi,“ segir í fréttatilkynningu.

Fjöldi fólks mætti á hátíðina líkt og sjá má á meðfylgjandi myndun.

FYRRI KÆRLEIKSKÚLUR

2003 – 2 MÁLARAR – Erró
2004 – AUGAÐ – Ólafur Elíasson
2005 – ÁN UPPHAFS – ÁN ENDIS – Rúrí
2006 – SALT JARÐAR – Gabríela Friðriksdóttir
2007 – HRINGUR – Eggert Pétursson
2008 – ALLT SEM ANDANN DREGUR – Gjörningaklúbburinn
2009 – SNERTING – Hreinn Friðfinnsson
2010 – FJARLÆGÐ – Katrín Sigurðardóttir
2011 – SKAPAÐU ÞINN EIGIN HEIM – Yoko Ono
2012 – LOKKANDI – Hrafnhildur Arnardóttir
2013 – HUGVEKJA - Ragnar Kjartansson
2014 – MANDARÍNA - Davíð Örn Halldórsson
2015 – LANDSLAG - Ragna Róbertsdóttir
2016 - SÝN - Sigurður Árni Sigurðsson
2017 - ŪGH & BõÖGâr – Egill Sæbjörnsson
2018 – TERELLA – Elín Hansdóttir
2019 – SÓL ÉG SÁ – Ólöf Nordal
2020 – ÞÖGN – Finnbogi Pétursson
2021 – EITT ÁR – Sirra Sigrún Sigurðardóttir
2022 – KÚLA MEÐ STROKU – Karin Sander
2023 – HEIMUR – Guðjón Ketilsson

Menning Félagasamtök Málefni fatlaðs fólks

Tengdar fréttir

Haraldur hlaut Kærleikskúluna

Tuttugasta og fyrsta Kærleikskúlan sem Styrktarfélag lamaðra og fatlaðra gefur út var afhjúpuð við hátíðlega athöfn í Listasafni Reykjavíkur í dag, miðvikudaginn 6. desember.

6. desember 2023 12:00