Vinnur þú 500.000 kr. gjafabréf út í heim?

Icelandair 1. desember 2023 09:08

Hvernig á að velja jólagjafir? Þessi árlegu heilabrot eru í fullum gangi á heimilum um allt land. Öll langar okkur að gefa gjafir sem hitta í mark. Eitthvað sem viðtakandinn elskar að fá og nýtur í botn. En hvað á það að vera? Það er stóra aðventuspurningin.

Það er ekki furða að gjafabréf Icelandair njóti sívaxandi vinsælda sem jólagjöf. Upplifanir rata sífellt oftar í jólapakka landsmanna enda erum við ekki jafn spennt og áður fyrir því að fylla hillur og heimili hvers annars með hlutum. Góð upplifun skilur eftir það sem skiptir okkur á endanum mestu máli, minningar sem lifa með okkur um alla framtíð. Með gjafabréfi Icelandair gefur þú upphaf að nýju ævintýri og getur freistað gæfunnar um leið.

Oddur Finnsson starfar við markaðsmál hjá Icelandair.

„Ferðagjafabréf er að mörgu leyti hin fullkomna jólagjöf,“ segir Oddur Finnsson, sem starfar við markaðsmál hjá Icelandair. „Upplifunargjöf sem þiggjandinn getur lagað að sínum löngunum og þörfum.“Yfir 50 áfangastaðir og úrval pakkaferða hjá IcelandairVITA standa þeim til boða sem fá gjafabréf Icelandair í jólapakkann. „Það er nánast tryggt að gjafabréfið hittir í mark,“ bætir Oddur við.

Í myndbandinu hér fyrir neðan má sjá sniðugar hugmyndir að ævintýralegri innpökkun með Svönu hjá Svart á hvítu.

Klippa: Vinnur þú 500.000 kr. gjafabréf út í heim?

Gefðu upphaf að nýju ævintýri

Gjafabréf eru opin gjöf sem gerir viðtakandanum kleift að setja saman sitt eigið ævintýri. Hugsa má gjöfina í samhengi við eitthvað ákveðið tilefni. Ef viðtakandann langar t.d. á leik með liðinu sínu í enska boltanum, eða uppáhaldstónlistarmaðurinn er að leggja upp í tónleikaferð og verður á heppilegum tíma á einhverjum af áfangastöðum Icelandair. Ef eitthvað slíkt er framundan er gjafabréf Icelandair fullkomin gjöf.

Einnig geta vinir og ættingjar tekið sig saman og gefið veglega gjöf eða nýtt tækifærið til að leggja grunn að skemmtilegu fjölskyldu- eða vinafríi sem hægt er að hlakka til allan veturinn. Gjafabréf er líka tilvalin aukagjöf sem getur kveikt neista að enn stærra ævintýri síðar meir. Þess má líka geta að hægt er að nýta Vildarpunkta til kaupa á gjafabréfum.

Verður gjöfin þín gjöfin þín?

Fram að jólum er skemmtilegur gjafabréfaleikur í gangi hjá Icelandair. Öll sem kaupa gjafabréf til og með 22. desember eiga möguleika á að vinna 500.000 kr. gjafabréf til viðbótar við bréfið sem keypt var. Því fleiri gjafabréf sem eru keypt, því meiri möguleiki er á að vinna.

1., 8. og 15. desember verða dregin út gjafabréf að andvirði 100.000 kr. og stóri vinningurinn verður svo dreginn út 22. desember. Þau heppnu geta ráðstafað vinningnum eins og þeim hentar best, bætt í jólapakkann eða nýtt bréfið upp í sitt eigið ævintýri.

Nánari upplýsingar á vef Icelandair.

Icelandair Ferðalög Jól