Innlent

Tók hjól af barni vegna snjóboltakasts

Jón Þór Stefánsson skrifar
Myndin er úr safni og tengist fréttinni ekki beint.
Myndin er úr safni og tengist fréttinni ekki beint. Vísir/Vilhelm

Lögreglan fékk í dag tilkynningu um ökumann sem tók reiðhjól af dreng í Hlíðahverfinu í Reykjavík. Drengurinn er sagður hafa kastað snjóbolta í bíl mannsins.

Maðurinn var færður á lögreglustöð þar sem að rætt var við hann um málið. Þetta er á meðal þess sem kemur fram í dagbók lögreglunnar á höfuðborgarsvæðinu.

Lögreglan fékk einnig tilkynningu um einstakling með hníf á lofti í Hlíðunum. Sá var fluttur á viðeigandi stofnun af lögreglu. Einnig var tilkynnt um ógnandi aðila í Strætó í Kópavogi.

Í Kópavogi var einnig tilkynnt um bílveltu, en bílstjórinn hlaut óverulega áverka. Og í Garðabæ var lögreglu tilkynnt um deilur manna um byggingu á bílskúr.

Reykjavík Veður Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið