Innlent

Kvöldfréttir Stöðvar 2

Hallgerður Kolbrún E. Jónsdóttir skrifar
Sindri Sindrason les fréttir í kvöld.
Sindri Sindrason les fréttir í kvöld. Vísir

Ísraelski herinn réðst í umfangsmestu loft- og stórskotaliðsárásir á Gasaströndina síðan átök hófust fyrir þremur vikum. Herinn hefur enn á ný hvatt íbúa norðurhluta strandarinnar til að flýja til suðurs. 

Í kvöldfréttum Stöðvar 2 kíkjum við á mótmæli sem fóru fram í miðborg Reykjavíkur í gær vegna þess að Ísland greiddi ekki atkvæði með tillögu um vopnahlé á Gasa, sem lögð var fram á allsherjarþingi Sameinuðu þjóðanna í gær. Þingflokkur VG furðar sig á útspilinu. Við fáum einnig alþjóðastjórnmálafræðing sem lengi var búsettur í Jerúsalem í settið til að fara yfir stöðuna. 

Við heyrum frá bændum sem segja neyðarástand í fjárhagi bænda. Matvælaráðherra hefur skipað hóp sem mun fara yfir stöðuna og skila tillögum um lausnir. 

Deildarmyrkvi á tungli verður sjáanlegur frá öllu Íslandi í kvöld. Lítill hluti tunglskífunnar mun myrkvast og þá mun líta út eins og biti hafi verið tekinn úr tunglinu. Við fáum að heyra meira um deildarmyrkvann í beinni. 

Þetta og margt fleira í kvöldfréttum Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið