Innlent

Fjórum F-16 flogið til Íslands á morgun

Samúel Karl Ólason skrifar
Flugsveitin telur 120 liðsmenn og notast við fjórar F-16 orrustuþotur.
Flugsveitin telur 120 liðsmenn og notast við fjórar F-16 orrustuþotur. Utanríkisráðuneytið/Flugher Bandaríkjanna

Bandarísk flugsveit kemur með fjórar F-16 orrustuþotur til landsins á morgun og mun taka við loftrýmisgæslu Atlantshafsbandalagsins við Ísland. Umrædd sveit kemur frá Þýskalandi og telur 120 liðsmenn.

Í tilkynningu frá utanríkisráðuneytinu segir að flugsveitin muni fara héðan um miðjan nóvember og til standi að halda aðflugsæfingar á Akureyri og Egilsstöðum milli 21. og 27. október.

Flugsveitin mun hafa aðsetur á öryggissvæðinu á Keflavíkurflugvelli, þar sem fyrir eru flugsveitir frá bandamönnum Íslands í Atlantshafsbandalaginu og sinna kafbátaeftirliti og rafrænu eftirliti.

Í áðurnefndri tilkynningu segir að framkvæmd loftrýmisgæslunnar verði með sama fyrirkomulagi og undanfarin ár. Varnarmálasvið Landhelgisgæslu Íslands annast framkvæmd gæslunnar í samstarfi við Isavia og í umboði utanríkisráðuneytisins.

NATO Utanríkismál Keflavíkurflugvöllur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið