Innlent

Tómas H. Heiðar nýr forseti Alþjóðlega hafréttardómsins

Ólafur Björn Sverrisson skrifar
Tómas H. Heiðar er nýkjörinn forseti Alþjóðlega hafréttardómstólsins í Hamborg.
Tómas H. Heiðar er nýkjörinn forseti Alþjóðlega hafréttardómstólsins í Hamborg. stjórnarráðið

Tómas H. Heiðar var í dag kjörinn forseti Alþjóðlega hafréttardómsins í Hamborg til þriggja ára. Hann var tilnefndur sem frambjóðandi Norðurlandanna árið 2014 og hlaut í framhaldinu kjör sem dómari við dómstólinn til níu ára. Tómas var svo endurkjörinn fyrr á þessu ári til ársins 2032.

Frá þessu er greint á vef Stjórnarráðsins.

Hann var forseti deildar dómstólsins fyrir fiskveiðideilur árin 2017-2020 og gegndi embætti varaforseta dómstólsins 2020-2023. Tómas var áður þjóðréttarfræðingur utanríkisráðuneytisins frá árinu 1996 til ársins 2014 og var skipaður sendiherra það ár.

Þá gegnir Tómas starfi forstöðumanns Hafréttarstofnunar Íslands samhliða dómarastarfinu og á sæti í stjórn Ródos-akademíunnar í hafrétti. Hann kennir hafrétt við lagadeild Háskóla Íslands sem og við fjölda annarra háskóla og heldur reglulega fyrirlestra á þessu sviði víða um heim. Hann hefur ritað fjölda bóka og fræðigreina á sviði hafréttar.

Vistaskipti Dómstólar Utanríkismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið