Sindri Sindrason ætti að vera flytja okkur fréttir á þessari stundu en vegna rafmagnsleysis er ljóst að töf verður á því.Vísir/Margrét Björk
Fréttatími Stöðvar 2 fer ekki í loftið á réttum tíma vegna rafmagnsleysis, eftir bilun í háspennustreng. Rafmagnsleysið hefur áhrif á útsendingar Stöðvar 2, Bylgjunnar og útvarpsstöðva sem hafa starfsemi á Suðurlandsbraut.
Samkvæmt upplýsingum frá Breka Logasyni, upplýsingafulltrúa Orkuveitu Reykjavíkur, er um að ræða háspennubilun.
Rafmagnsleysið hefur áhrif á útsendingu Stöðvar 2 og tengdar rásir, sem eins og er liggja niðri. Að sama skapi liggja útsendingar útvarps, á Bylgjunni, X-inu 977, FM957 og fleiri útvarpsstöðva niðri.
Unnið er að viðgerð. Ekki er ljóst hve langan tíma þær taka en að sögn Breka taka þær allajafna ekki langan tíma.
Starfsmenn íþróttadeildar Stöðvar 2 láta fara vel um sig á meðan beðið er eftir að rafmagnið komi á.Vísir/Margrét Björk
Uppfært klukkan 19:15
Rafmagnið kom á rétt í þessu en kerfi innanhúss liggja enn niðri. Ekki er ljóst hvenær fréttatíminn fer í loftið en vonast er til að það verði sem fyrst.
Rafmagnslaust varð á Suðurlandsbraut og í Faxafeni í Reykjavík á sjötta tímanum og varði það í rúma klukkustund. Rafmagnsleysið hafði áhrif á útsendingar Stöðar 2, Bylgjunnar og annarra útvarpsstöðva sem reknar eru af Sýn á Suðurlandsbraut.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
