Erlent

Franskur ofurhugi féll af háhýsi í Hong Kong

Samúel Karl Ólason skrifar
Remi Lucidi var þrítugur en hann er sagður hafa fallið af 68. hæð háhýsis í Hong Kong.
Remi Lucidi var þrítugur en hann er sagður hafa fallið af 68. hæð háhýsis í Hong Kong. Instagram

Franskur ofurhugi féll af háhýsi í Hong Kong á föstudaginn er hann var að klifra utan á húsinu. Remi Lucidi hefur klifið byggingar víða um heim á undanförnum mánuðum en hann er talinn hafa dáið er hann féll frá 68. hæð.

Aðdragandi dauða Lucidi er nokkuð óljós en samkvæmt miðlinum South China Morning Post sást síðast til hans er hann bankaði á glugga á 68. hæð Tregunter-turns í Hong Kong. Heimilishjálp sem var í íbúðinni hringdi á lögregluna en talið er að hann hafi lent í vandræðum og verið að leita sér aðstoðar er hann bankaði.

Hann féll til jarðar og lést áður en lögregluþjóna bar að garði. Á honum fannst myndavél sem sögð er hafa innihaldið myndefni af öðrum sambærilegum svaðilförum.

Lucidi er sagður hafa sagt öryggisverði í turninum að hann ætlaði að heimsækja vin sinn á 40. hæð. Skömmu síðar sást hann fara úr lyftu á 49. hæð og fara þaðan upp stiga á efstu hæð hússins þar sem hann virðist hafa spennt upp hurð til að komast út.

Ofurhuginn birti þessa mynd frá Hong Kong á Instagram í síðustu viku. Hann hefur birt mikinn fjölda mynda af sér upp á byggingum víða um heim.

Hong Kong
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið