Segir greinargerð Sigurðar marklaust plagg

Árni Sæberg skrifar 23. júlí 2023 12:10

Guðmundur Björgvin Helgason er ríkisendurskoðandi. Bylgjan

Ríkisendurskoðandi segir greinargerð setts ríkisendurskoðanda í Lindarhvolsmálinu óklárað plagg sem aldrei hefði átt að líta dagsins ljós og sakar hann um dylgjur.

Guðmundur Björgvin Helgason ríkisendurskoðandi, mætti á Sprengisand til Kristjáns Kristjánssonar í morgun, þar sem umræðuefnið var Lindahvolsmálið svokallaða. Það hefur verið í algleymingi frá því að greinargerð Sigurðar Þórðarsonar, sem var settur ríkiendurskoðandi í málinu, var birt.

Greinargerðin innihaldi engar niðurstöður

Hann segir eðlilegt að menn spyrji sig að því hvers vegna miklu muni á greinargerð Sigurðar og skýrslu Skúla Eggerts Þórðarsonar fyrrverandi ríkisendurskoðanda um málið. Áður en það sé gert sé þó mikilvægt að átta sig á eðli greinargerðarinnar og forsögu hennar.

„Þegar hann skilaði þeirri greinargerð í lok júlí árið 2018, þá kemur það einfaldlega fram í skilabréfinu hans að greinargerðin ber ekki með sér niðurstöður og ályktanir vegna þess að hún er óklárað verk. Þannig þegar þú spyrð hvers vegna niðurstöðurnar eru svona ólíkar, þá vil ég bara byrja á því að benda á það fyrst að greinargerð Sigurðar Þórðarsonar hefur ekki að geyma neinar niðurstöður,“ segir Guðmundur Björgvin.

Fjölmargir annmarkar á ókláruðu skjali

Í greinargerð Sigurðar er að finna alvarlegar aðfinnslur á starfsemi Lindarhvols, sem var falið að sjá um svokallaðar stöðugleikaeignir ríkissjóðs, Guðmundur Björgvin segir fjölmarga annmarka á ókláruðu skjali Sigurðar og að það sé í raun marklaust plagg.

„Vinnunni var einfaldlega ekki lokið og kannski ekki síst, það sem mikilvægast er, að greinargerðin var aldrei send í andmælaferli. Andmælaferli, eða umsagnarferði eins og við köllum það, það er lykilatriði í gæðaeftirliti Ríkisendurskoðunar og okkar leið til að tryggja réttleika þeirra upplýsinga sem við förum með. Af því að traust og trúverðugleiki er Ríkisendurskoðun allt,“ Segir Guðmundur Björgvin Helgason. Samtal þeirra Kristjáns Kristjánssonar má heyra í heild sinni hér að neðan:

Starfsemi Lindarhvols Stjórnsýsla Rekstur hins opinbera

Tengdar fréttir

Óheppilegt að fyrrverandi og núverandi ríkisendurskoðandi deili um Lindarhvolsmálið opinberlega

Formaður stjórnskipunar- og eftirlitsnefndar Alþingis segir umfjöllun um Lindarhvolsmálið ekki lokið af hálfu nefndarinnar og að báðar skýrslur málsins liggi á borðinu. Hún telur óheppilegt að fyrrverandi og núverandi ríkisendurskoðandi deili um málið opinberlega.

15. júlí 2023 12:01

Lindarhvolsskýrslan komin á borð héraðssaksóknara

Ríkissaksóknari hefur sent bréf Sigurðar Þórðarsonar, fyrrverandi setts ríkisendurskoðanda, ásamt fylgigögnum á borð við skýrslu hans frá 2018, til embættis héraðssaksóknara til viðeigandi meðferðar. Þetta kemur fram í skriflegu svari Sigríðar J. Friðjónsdóttur ríkissaksóknara við fyrirspurn fréttastofu.

10. júlí 2023 16:26

„Stórglæsileg niðurstaða fyrir ríkissjóð“

Fjármálaráðherra segir uppgjör Lindarhvols stórglæsilega niðurstöðu fyrir ríkissjóð. Píratar hafi ekki sett gott fordæmi fyrir þingið með birtingu greinargerðarinnar. Þingflokksformaður Miðflokksins segir svör ráðherra óboðleg.

7. júlí 2023 20:02

„Þetta er minn póstur og Birgir getur haldið sínum krumlum af honum“

Lindarhvoll var félag sem stofnað var til að halda utan eignir sem ríkið leysti til sín við uppgjör við föllnu bankana eftir hrun. Félagið seldi síðan eignirnar. Deilt hefur verið um framkvæmdina og var Sigurður Þórðarson settur ríkisendurskoðandi til að skoða málið vegna vanhæfis þáverandi ríkisendurskoðanda.

6. júlí 2023 19:18

Sigurður Þórðarson mætir á nefndarfund

Sigurður Þórðarson, fyrrverandi settur ríkisendurskoðandi, mun mæta fyrir stjórnskipunar- og eftirlitsnefnd í dag. Hann mun þar fara yfir afar umdeilda greinargerð sína um Lindarhvol sem enn hefur ekki fengist birt.

7. júní 2023 09:32

Lindarhvolsskýrslan birt

Greinargerð setts ríkisendurskoðanda, Sigurðar Þórðarsonar, um Lindarhvolsmálið hefur verið birt á vefsíðu Pírata. Það að skýrslan hafi ekki verið birt var gífurlega umdeilt á sínum tíma og strandaði sú ákvörðun á forseta Alþingis.

6. júlí 2023 14:29

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir