„Mér er bara svo misboðið“ Máni Snær Þorláksson skrifar 28. júní 2023 10:05 Björn Leví, Vilhjálmur og Helga Vala eru á meðal þeirra sem tjá sig um málið. Þingmenn og fleiri eru afar ósátt með að bera eigi ungan öryrkja í Keflavík úr einbýlishúsi sínu næstkomandi föstudag vegna vanskila á húsnæðisgjöldum. Sýslumaðurinn á Suðurnesjum er harðlega gagnrýndur fyrir sinn hlut í málinu. Hinn 23 ára gamli Jakub Polkowski keypti lítið einbýlishús í Keflavík gegn staðgreiðslu árið 2018. Þá var Jakub nýorðinn átján ára gamall en hann keypti húsið fyrir bætur sem hann hlaut vega alvarlegra læknamistaka. Jakub borgaði ekki fasteignagjöld, vatnsgjöld eða tryggingar af eigninni og voru heildarskuldir komnar upp í tvær og hálfa milljón þegar farið var í innheimtu. Hann segist ekki hafa vitað af því að hann þyrfti að greiða slík gjöld þar sem hann staðgreiddi húsið. „Ég bara vissi ekki að maður þyrfti að borga af húsinu þegar maður er búinn að kaupa hús,“ útskýrir hann í samtali við RÚV sem fjallaði um málið í kvöldfréttum sínum í gær. Húsið var sett á nauðungaruppboð en Jakub vissi sjálfur ekki af uppboðinu. Aðeins eitt boð var í húsið og hljóðaði það einungis upp á þrjár milljónir. Þrátt fyrir að húsið sé verðmetið á 57 milljónir var því tilboði tekið og á nú að bera Jakub og fjölskyldu út næsta föstudag. Samkvæmt frétt RÚV kom tilboðið frá útgerðarmanni í Sandgerði. Þingmenn bregðast við Það er óhætt að segja að þetta mál hefur vakið töluverða athygli í samfélaginu. Helga Vala Helgadóttir, þingmaður Samfylkingarinnar, er ein þeirra sem tjáir sig um málið. Í færslu sem hún birtir á Facebook-síðu sinni bendir hún á að það hvíli leiðbeiningarskylda á stjórnvöldum samkvæmt stjórnsýslulögum. Helga Vala furðar sig á því að aðstæðurnar hjá Jakub hafi ekki verið kannaðar betur.Vísir/Vilhelm „Nú er þetta ekki slíkt milljónasamfélag að ekki sé hægt að spyrjast fyrir um aðstæður. Hvernig geti til dæmis staðið á því að einstaklingur greiðir ekki orkureikninga og fasteignagjöld af skuldlausu húsi sínu og hvaða aðstæður valdi því að hann sinni í engu boðunum stjórnvalda. Hefði verið úr vegi að prófa að hringja? Spyrjast fyrir? Kanna hvort eitthvert bréfanna hefði borist? Hvort fólk væri yfirleitt búsett þarna eða mögulega ekki á lífi? Hvernig getur slíkt sinnuleysi átt sér stað í örsamfélagi?“ Björn Leví Gunnarsson, þingmaður Pírata, furðar sig einnig á málinu. „Þetta er fáránlegt,“ segir hann á Facebook. „Þetta er það sem lyklalögin eiga að snúast um, meðal annars. Að fólk glati aldrei sínum eignarhluta.“ Björn Leví segir að það séu lög sem eigi að sjá til þess að fólkl glati ekki sínum hluta.Vísir/Vilhelm Ásthildur Lóa Þórsdóttir, þingmaður Flokks fólksins, segir að Hagsmunasamtök heimilanna fordæmi framgöngu alla hlutaðeigandi í málinu en hún er formaður samtakanna. Hún segir að ef rétt hefði verið staðið að málum hefði aldrei átt að þurfa að koma til þess að svona langt yrði gengið. Þá segir Ásthildur að samtökin hafi ítrekað skorað á stjórnvöld að endurskoða lög um nauðungarsölu frá árinu 1991, þau séu fyrir löngu orðin barn síns tíma. „Dæmi sem þessi sýna fram á nauðsyn þess og er krafa samtakanna um endurskoðun viðkomandi laga því hér með ítrekuð.“ Ásthildur Lóa segir Hagsmunasamtök heimilanna fordæma framgöngu allra sem eiga hlut að málinu.Vísir/Vilhelm Vill að málið sé rannsakað Illugi Jökulsson rithöfundur tjáir sig einnig um málið. Hann segir að framganga sýslumanns sé glæpsamleg og að það verði að vinda ofan af þessu strax. Þá vill hann að Ásdísi Ármannsdóttur, sýslumanni á Suðurnesjum, sé vikið frá á meðan málið er rannsakað. „Þessi ungi maður hefur greinilega takmarkaða getu til að gæta hagsmuna sinna. Það hefði Ásdís Ármannsdóttir sýslumaður átt að gera en hún lætur líðast að útgerðarmaður kaupi skuldlaust 50 milljón króna hús á 3 milljónir. Rannsaka verður tengsl sýslumannsins og útgerðarmannsins.“ Þá vill hann að farið sé í að rannsaka þetta mál tafarlaust. „Ef ráðuneyti, saksóknarar og ríkislögreglustjóri hefja ekki tafarlausa (strax í dag) rannsókn á því hvernig og hvers vegna Ásdís Ármannsdóttir sýslumaður og önnur máttarvöld á Suðurnesjum gátu níðst svo á unga manninum með húsið í þágu útgerðarmanns í Sandgerði, þá eru öll þau yfirvöld einskis virði.“ Illugi Jökulsson vill að málið sé rannsakað og það strax.Vísir/Vilhelm Vilhjálmur Birgisson, formaður Starfsgreinasambandsins, leggur einnig orð í belg á sinni Facebook-síðu „Svona gera menn ekki, enda blasir það við að þessi einstaklingur þarf hjálp og það er ekkert annað að gera en vinda ofan af þessari vitleysu,“ segir hann. Þá segist Vilhjálmur ekki trúa því að sá sem keypti eignina á þrjár milljónir hafi samvisku til að taka við henni. „Ef hægt er að láta þennan gjörning ganga til baka þá er spurning að einhver í Reykjanesbæ fái uppgefið hvað þessi einstaklingur skuldar og hefja söfnun fyrir hann til að komast á núllið.“ Vilhjálmur Birgisson segir að sér sé misboðið.Vísir/Vilhelm Vilhjálmur segir svo að félagsþjónusta Reykjanesbæjar eigi að hjálpa Jakub með sín fjármál. Mikilvægt sé að hann fái alla þá aðstoð sem hann þarf. „Mér er bara svo misboðið,“ segir hann að lokum. Nauðungarsala sýslumanns í Reykjanesbæ Reykjanesbær Húsnæðismál Fasteignamarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent Líkir Katrínu við „stalínista“ og skýtur á Vilhjálm Birgisson Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Sindri Freyr er látinn Innlent Um 200 bíða þess að vera flutt af landi í þvinguðum brottflutningi Innlent Undir yfirborði kosningabaráttunnar kraumi svæsinn slagur Innlent Fyrstu tölur frá Reykjavík ættu að gefa góða mynd af úrslitum Innlent Fleiri fréttir Um 200 bíða þess að vera flutt af landi í þvinguðum brottflutningi Líkir Katrínu við „stalínista“ og skýtur á Vilhjálm Birgisson Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Sjá meira
Hinn 23 ára gamli Jakub Polkowski keypti lítið einbýlishús í Keflavík gegn staðgreiðslu árið 2018. Þá var Jakub nýorðinn átján ára gamall en hann keypti húsið fyrir bætur sem hann hlaut vega alvarlegra læknamistaka. Jakub borgaði ekki fasteignagjöld, vatnsgjöld eða tryggingar af eigninni og voru heildarskuldir komnar upp í tvær og hálfa milljón þegar farið var í innheimtu. Hann segist ekki hafa vitað af því að hann þyrfti að greiða slík gjöld þar sem hann staðgreiddi húsið. „Ég bara vissi ekki að maður þyrfti að borga af húsinu þegar maður er búinn að kaupa hús,“ útskýrir hann í samtali við RÚV sem fjallaði um málið í kvöldfréttum sínum í gær. Húsið var sett á nauðungaruppboð en Jakub vissi sjálfur ekki af uppboðinu. Aðeins eitt boð var í húsið og hljóðaði það einungis upp á þrjár milljónir. Þrátt fyrir að húsið sé verðmetið á 57 milljónir var því tilboði tekið og á nú að bera Jakub og fjölskyldu út næsta föstudag. Samkvæmt frétt RÚV kom tilboðið frá útgerðarmanni í Sandgerði. Þingmenn bregðast við Það er óhætt að segja að þetta mál hefur vakið töluverða athygli í samfélaginu. Helga Vala Helgadóttir, þingmaður Samfylkingarinnar, er ein þeirra sem tjáir sig um málið. Í færslu sem hún birtir á Facebook-síðu sinni bendir hún á að það hvíli leiðbeiningarskylda á stjórnvöldum samkvæmt stjórnsýslulögum. Helga Vala furðar sig á því að aðstæðurnar hjá Jakub hafi ekki verið kannaðar betur.Vísir/Vilhelm „Nú er þetta ekki slíkt milljónasamfélag að ekki sé hægt að spyrjast fyrir um aðstæður. Hvernig geti til dæmis staðið á því að einstaklingur greiðir ekki orkureikninga og fasteignagjöld af skuldlausu húsi sínu og hvaða aðstæður valdi því að hann sinni í engu boðunum stjórnvalda. Hefði verið úr vegi að prófa að hringja? Spyrjast fyrir? Kanna hvort eitthvert bréfanna hefði borist? Hvort fólk væri yfirleitt búsett þarna eða mögulega ekki á lífi? Hvernig getur slíkt sinnuleysi átt sér stað í örsamfélagi?“ Björn Leví Gunnarsson, þingmaður Pírata, furðar sig einnig á málinu. „Þetta er fáránlegt,“ segir hann á Facebook. „Þetta er það sem lyklalögin eiga að snúast um, meðal annars. Að fólk glati aldrei sínum eignarhluta.“ Björn Leví segir að það séu lög sem eigi að sjá til þess að fólkl glati ekki sínum hluta.Vísir/Vilhelm Ásthildur Lóa Þórsdóttir, þingmaður Flokks fólksins, segir að Hagsmunasamtök heimilanna fordæmi framgöngu alla hlutaðeigandi í málinu en hún er formaður samtakanna. Hún segir að ef rétt hefði verið staðið að málum hefði aldrei átt að þurfa að koma til þess að svona langt yrði gengið. Þá segir Ásthildur að samtökin hafi ítrekað skorað á stjórnvöld að endurskoða lög um nauðungarsölu frá árinu 1991, þau séu fyrir löngu orðin barn síns tíma. „Dæmi sem þessi sýna fram á nauðsyn þess og er krafa samtakanna um endurskoðun viðkomandi laga því hér með ítrekuð.“ Ásthildur Lóa segir Hagsmunasamtök heimilanna fordæma framgöngu allra sem eiga hlut að málinu.Vísir/Vilhelm Vill að málið sé rannsakað Illugi Jökulsson rithöfundur tjáir sig einnig um málið. Hann segir að framganga sýslumanns sé glæpsamleg og að það verði að vinda ofan af þessu strax. Þá vill hann að Ásdísi Ármannsdóttur, sýslumanni á Suðurnesjum, sé vikið frá á meðan málið er rannsakað. „Þessi ungi maður hefur greinilega takmarkaða getu til að gæta hagsmuna sinna. Það hefði Ásdís Ármannsdóttir sýslumaður átt að gera en hún lætur líðast að útgerðarmaður kaupi skuldlaust 50 milljón króna hús á 3 milljónir. Rannsaka verður tengsl sýslumannsins og útgerðarmannsins.“ Þá vill hann að farið sé í að rannsaka þetta mál tafarlaust. „Ef ráðuneyti, saksóknarar og ríkislögreglustjóri hefja ekki tafarlausa (strax í dag) rannsókn á því hvernig og hvers vegna Ásdís Ármannsdóttir sýslumaður og önnur máttarvöld á Suðurnesjum gátu níðst svo á unga manninum með húsið í þágu útgerðarmanns í Sandgerði, þá eru öll þau yfirvöld einskis virði.“ Illugi Jökulsson vill að málið sé rannsakað og það strax.Vísir/Vilhelm Vilhjálmur Birgisson, formaður Starfsgreinasambandsins, leggur einnig orð í belg á sinni Facebook-síðu „Svona gera menn ekki, enda blasir það við að þessi einstaklingur þarf hjálp og það er ekkert annað að gera en vinda ofan af þessari vitleysu,“ segir hann. Þá segist Vilhjálmur ekki trúa því að sá sem keypti eignina á þrjár milljónir hafi samvisku til að taka við henni. „Ef hægt er að láta þennan gjörning ganga til baka þá er spurning að einhver í Reykjanesbæ fái uppgefið hvað þessi einstaklingur skuldar og hefja söfnun fyrir hann til að komast á núllið.“ Vilhjálmur Birgisson segir að sér sé misboðið.Vísir/Vilhelm Vilhjálmur segir svo að félagsþjónusta Reykjanesbæjar eigi að hjálpa Jakub með sín fjármál. Mikilvægt sé að hann fái alla þá aðstoð sem hann þarf. „Mér er bara svo misboðið,“ segir hann að lokum.
Nauðungarsala sýslumanns í Reykjanesbæ Reykjanesbær Húsnæðismál Fasteignamarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent Líkir Katrínu við „stalínista“ og skýtur á Vilhjálm Birgisson Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Sindri Freyr er látinn Innlent Um 200 bíða þess að vera flutt af landi í þvinguðum brottflutningi Innlent Undir yfirborði kosningabaráttunnar kraumi svæsinn slagur Innlent Fyrstu tölur frá Reykjavík ættu að gefa góða mynd af úrslitum Innlent Fleiri fréttir Um 200 bíða þess að vera flutt af landi í þvinguðum brottflutningi Líkir Katrínu við „stalínista“ og skýtur á Vilhjálm Birgisson Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Sjá meira