Íslenski boltinn

KA til Wales en Víkingur til Lettlands

Sindri Sverrisson skrifar
Logi Tómasson og félagar í Víkingi leika í Sambandsdeildinni í sumar.
Logi Tómasson og félagar í Víkingi leika í Sambandsdeildinni í sumar. VÍSIR/HULDA MARGRÉT

Lið Víkings og KA voru í skálinni í dag þegar dregið var í fyrstu umferð undankeppni Sambandsdeildar Evrópu í fótbolta.

Víkingur mætir Riga frá Lettlandi og verður fyrri leikurinn í lettnesku höfuðborginni en seinni leikurinn í Víkinni.

KA-menn byrja hins vegar á heimavelli, sem reyndar verður á velli Fram í Úlfarsárdal til að uppfylla kröfur UEFA, og mæta liði Connah's Quay Nomads frá Wales.

Fyrri leikirnir fara fram 13. júlí en seinni leikirnir viku síðar, eða 20. júlí.

KA-menn spila nú í Evrópukeppni í fyrsta sinn í tvo áratugi, eftir árangur sinn í Bestu deildinni í fyrra.VÍSIR/HULDA MARGRÉT

Þriðja íslenska liðið gæti svo bæst við í 2. umferð Sambandsdeildarinnar, ef Breiðablik vinnur ekki fjögurra liða forkeppni Meistaradeildarinnar á Kópavogsvelli í næstu viku. 

Vinni Blikar forkeppnina en falli úr leik í 1. umferð undankeppni Meistaradeildarinnar fara þeir í 3. umferð Sambandsdeildarinnar, þá næstsíðustu fyrir sjálfa riðlakeppnina sem ekkert íslenskt lið hefur komist í.

Sambandsdeild Evrópu

Tengdar fréttir

Blikar mæta írsku meisturunum ef allt gengur upp

Íslandsmeistarar Breiðabliks mæta írsku meisturunum úr Shamrock Rovers í 1. umferð undankeppni Meistaradeildar Evrópu, takist Blikum að komast áfram úr fjögurra liða forkeppninni sem þeir taka þátt í.

Mest lesið


Fleiri fréttir

Sjá meira


×

Mest lesið