Erlent

Reynir að lægja öldurnar í heim­sókn til Kína

Kjartan Kjartansson skrifar
Qin Gang og Antony Blinken takast í hendur fyrir fund í Beijing í dag.
Qin Gang og Antony Blinken takast í hendur fyrir fund í Beijing í dag. AP/Leah Millis

Antony Blinken, utanríkisráðherra Bandaríkjanna, er mættur til Kína í opinbera heimsókn sem er ætlað að lægja öldurnar í samskiptum þjóðanna. Þetta er í fyrsta skipti sem bandarískur utanríkisráðherra heimsækir Kína í fimm ár.

Tveggja daga heimsókn Blinken í Beijing hófst með fundi með Qin Gang, kínverska starfsbróður hans, í dag. Hvorugur þeirra sagði nokkuð efnislegt við fréttamenn áður en fundur þeirra hófst, að sögn AP-fréttastofunnar. Mögulegt er að Blinken hitti Xi Jinping forseta á morgun.

Ágreiningsmál þjóðanna tveggja eru mörg þessi misserin, þar á meðal framtíð Taívans, mannréttindamál í Kína og Hong Kong, hernaðarumsvif Kínverja í Suður-Kínahafi og stuðningur þeirra við stríðsrekstur Rússa í ÚKraínu. Einnig er Blinken sagður vilja ræða við Kínverja um að draga úr framleiðslu og útflutning á fentanýlefnum sem valda usla í Bandaríkjunum.

Blinken átti að heimsækja Kína fyrir fimm mánuðum en henni var frestað eftir að meintir kínverskir njósnaloftbelgir fundust á sveimi yfir Bandaríkjunum.

Bandaríkin Kína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið