Tvöfaldur verðmunur á dýrustu og ódýrustu sundlauginni Kristinn Haukur Guðnason skrifar 20. júní 2023 07:00 Sundlaugarnar á Íslandi eru mýmargar og mismunandi. Verðið er líka mismunandi. Sundlaugarnar tvær á Akranesi eru ódýrustu sundlaugar landsins. Lýsulaug á Snæfellsnesi og Skeiðalaug í uppsveitum Árnessýslu eru þær dýrustu. Verðmunurinn er rúmlega tvöfaldur. Algengasta verðið í sundlaugar landsins er 1.100 krónur samkvæmt óformlegri úttekt Vísis. Langflestar sundlaugarnar eru reknar af sveitarfélögunum og gjaldskrá ákveðin í byrjun árs. Ódýrustu sundlaugar landsins má finna á Akranesi. Það er Jaðarsbakkalaug og Bjarnalaug, sem er innilaug. Verðið þar er aðeins 770 krónur fyrir fullorðinn einstakling og 385 fyrir aldraða. Öryrkjar greiða ekkert og ekki heldur börn undir 16 ára aldri. Hræódýrt er í Jaðarsbakkalaug á Skaganum.Akranes Dýrustu laugar landsins eru Lýsulaug og Skeiðalaug. Þar kostar miði fyrir fullorðinn einstakling 1.500 krónur, nærri tvöfalt verð Akranesslauganna. Báðar njóta þó vissrar sérstöðu. Þörungar og spa-stemning Lýsulaug við Lýsuhól í Staðarsveit, á sunnanverðu Snæfellsnesi, tilheyrir Snæfellsbæ. Í lauginni er hins vegar ekki hefðbundið klórblandað hitaveituvatn heldur heitt ölkelduvatn, beint úr jörðu. Sundlaugargestir þar taka eftir grænni slikju í vatninu, sem er þörungur sem kallast chlorella. Er það talið til heilsubótar og er sundlaugin afar vinsæl hjá erlendum ferðamönnum. Hvað Skeiðalaug í Brautarholti í Skeiða- og Gnúpverjahreppi varðar segir oddvitinn Haraldur Þór Jónsson að verið sé að gera miklar breytingar í lauginni. „Þarna verður nokkurs konar spa-stemning,“ segir hann. En sveitarfélagið, sem telur innan við 600 sálir, rekur tvær sundlaugar. Verðið í hinni lauginni, Neslaug í Árnesi, er nokkuð hefðbundið, 1.100 fyrir fullorðna. Ódýrt í laug sem knésetti sveitarsjóð Ódýrustu sundlaugarnar á höfuðborgarsvæðinu eru í Garðabæ, Ásgarðslaug og Álftaneslaug. Þar kostar miði fyrir fullorðinn einstakling aðeins 820 krónur en börn, aldraðir og öryrkjar fá frítt inn. Leiga sundfatnaðar er einnig með þeim ódýrari á landinu, aðeins 630 krónur. Báðar sundlaugarnar eru nokkuð nýlegar. Miklar endurbætur voru gerðar á Ásgarðslaug árið 2018 og bætt við pottum, klefum og rennibraut auk endurnýjun á ýmsum innréttingum. Álftaneslaugin með sinni öldusundlaug setti heilt sveitarfélag í mikla klemmu.Garðabær Glæsileg Álftaneslaug var byggð 2009 þar sem meðal annars má finna stóra rennibraut og öldusundlaug. Laugin var hins vegar svo dýr að hún var talin eiga stóran þátt í að sveitarfélagið Álftanes varð tæknilega gjaldþrota og sameinaðist Garðabæ árið 2012. Reykjavík dýrust á höfuðborgarsvæðinu Reykjavíkurborg rekur átta sundlaugar og verðið þar er jafn framt það hæsta á höfuðborgarsvæðinu. 1.210 krónur fyrir fullorðna. Börn undir 16 ára aldri, aldraðir og öryrkjar fá frítt í sund. Laugarnar eru Árbæjarlaug, Breiðholtslaug, Dalslaug í Úlfarsárdal, Grafarvogslaug, Klébergslaug á Kjalarnesi, Laugardalslaug, Vesturbæjarlaug og Sundhöllin gamla við Barónsstíg. Næst dýrastar eru laugarnar þrjár í Kópavogi, Salalaug, innilaugin í Boðaþingi og hin gamla Kópavogslaug á Kársnesi. Þar kostar miðinn 1.130 krónur. Hafnarfjörður rekur sömuleiðis þrjár laugar. Ásvallalaug á Völlum, Suðurbæjarlaug og hin gamla Sundhöll Hafnarfjarðar. Inn í þær kostar miðinn 1.100 krónur rétt eins og í Sundlaug Seltjarnarness. Þúsundkall kostar inn í báðar laugar Mosfellsbæjar, Varmárlaug og Lágafellslaug. Landsbyggðin hyglir heimafólki Á landsbyggðinni er algengt að heimafólki sé hyglt. Það er að börn, aldraðir og öryrkjar búsettir í sveitarfélaginu fái frítt inn en utanbæjarfólk þurfi að borga. Lýsulaug á Snæfellsnesi er græn.Snæfellsbær Þetta er hátturinn meðal annars í Vestmannaeyjum, á Hellu, í Höfn, í sundlaugum Múlaþings á Egilsstöðum, Djúpavogi og Seyðisfirði og fjórum sundlaugum Skagfirðinga. En ein þeirra, sundlaugin á Hofsósi sem opnuð var árið 2010, er yfirleitt talin ein sú fallegasta á landinu og trekkir að margan ferðamanninn. Sveitarstjórn Strandabyggðar hefur tilkynnt að börn, aldraðir og öryrkjar sveitarfélagsins fái frítt í laugina á Hólmavík í ár en ekkert er gefið upp um framtíðina. Nýuppgerð Hreppslaug dýr Nokkrar sundlaugar deila heiðrinum sem næstódýrustu sundlaugarnar á landsbyggðinni með aðgöngumiða upp á aðeins 950 krónur. Þetta eru sundlaugarnar í Vogum á Vatnsleysuströnd, á Hvammstanga, á Ólafsfirði og Sundhöllin á Siglufirði. Hreppslaugin er friðuð en húsið var nýlega endurbyggt. Hún er falleg en dýr.Hreppslaug Fyrir utan Lýsulaug og Skeiðalaug er Hreppslaug í Skorradalshreppi sú dýrasta á landinu. Laugin sjálf er friðuð en húsnæðið með afgreiðslu og sturtuklefum var nýlega endurbyggt og opnað síðasta sumar. Verðmiðinn í Hreppslaug er 1.350 krónur en laugin er aðeins opin á sumrin. Sturtugjöld á Snæfellsnesi Algengt er að aldraðir, öryrkjar og börn fái annað hvort frítt í sund eða miða með verulegum afslætti. Yngstu börnin fá yfirleitt frítt, nema í Vogum og Múlaþingi, en afar misjafnt er við hvaða aldur barnaverð hefst, allt frá 6 upp í 16 ára aldur. Misjafnt er líka hvort 16 og 17 ára unglingar séu flokkaðir sem börn eða fullorðnir í sundlaugum landsins. Í sundlaugum Akraness fá atvinnulausir helmingsafslátt líkt og aldraðir og greiða því aðeins 385 krónur inn í laugarnar ódýru. Svokallað sturtugjald virðist vera lenska á Snæfellsnesi. Það er þegar manneskja vill aðeins baða sig en ekki stökkva í laugina. Sturtugjald er innheimt í laugunum á Stykkishólmi, Snæfellsbæ og Grundarfirði. Dýrast er það 1.000 krónur í Lýsulaug. Eini staðurinn sem listar sturtugjald, utan Snæfellsness, er jafn framt sá ódýrasti. Það er Vesturbyggð sem rukkar 500 krónu sturtugjald í sundlaugunum á Patreksfirði og í Laugarnesi á Barðaströnd. Þá má nefna að í lauginni í Neskaupstað eru reknir svokallaðir „gufubaðsklúbbar“ utan hefðbundins opnunartíma. Leigan kostar heilar 4.850 krónur sem dekkar þó ekki kostnað samkvæmt sveitarfélaginu eins og greint var frá í frétt Vísis í apríl. Dýrasta sundbrókin í Reykjavík Nærri allar sundlaugar bjóða upp á leigu sundfatnaðar sem er heppilegt gleymist skýlan eða toppurinn heima. Dýrast er að leigja sundfatnað í sundlaugum Reykjavíkurborgar, 1.080 krónur. Nokkrar laugar leigja sundbrækur og boli á aðeins 500 krónur. Það er sundlaugin á Seltjarnarnesi, Flúðum, Laugum í Reykjadal, Ólafsvík og í tveimur dýrustu laugunum, Skeiðalaug og Lýsulaug. Í Selársdalslaug í Vopnafirði er aðeins hægt að leigja sundbleyju. Það kostar 300 krónur. Dýrar lúxuslaugar Á undanförnum árum hefur lúxus sundlaugum fjölgað til muna, oft byggðar á jarðhitasvæðum og bjóða upp á alls kyns mismunandi potta, gufuklefa og veitingar.Að því sem Vísir kemst næst er ódýrustu lúxus laugina að finna í Húsafelli. Í Lindina þar kostar verðmiði fyrir fullorðinn einstakling 3.800 krónur. Laugarvatni, Fontana er næstódýrust. Verðmiðinn fyrir fullorðinn einstakling þar er þó heilar 4.990 krónur, eða rúmlega þrefalt verðið í Lýsulaug og Skeiðalaug. 5.900 krónur kostar í Kraumu í Reykholti, 5.990 í Sjóðböðin á Húsavík, 6.490 í Jarðböðin við Mývatn og Vök á Egilsstöðum, 6.590 í Skógarböðin á Akureyri, 7.990 í Sky Lagoon í Kópavogi og 8.990 í Bláa lónið. Afsláttarverð er yfirleitt á bilinu 2.990 til 4.990 krónur fyrir aldraða, öryrkja og stálpuð börn. Í Jarðböðunum og Vök er einnig sérstakt afsláttargjald fyrir nema. Sundlaugar Sund Neytendur Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Ekki erfitt að vera föst í 25 gráðum en ástæðan sorgleg Innlent Tilkynnt um dróna yfir Keflavíkurflugvelli Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent „Óvænt og líka mjög leiðinlegt“ Innlent Banaslys á Skagavegi 2024: Drukknaði eftir að hafa misst stjórn í beygju Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira
Algengasta verðið í sundlaugar landsins er 1.100 krónur samkvæmt óformlegri úttekt Vísis. Langflestar sundlaugarnar eru reknar af sveitarfélögunum og gjaldskrá ákveðin í byrjun árs. Ódýrustu sundlaugar landsins má finna á Akranesi. Það er Jaðarsbakkalaug og Bjarnalaug, sem er innilaug. Verðið þar er aðeins 770 krónur fyrir fullorðinn einstakling og 385 fyrir aldraða. Öryrkjar greiða ekkert og ekki heldur börn undir 16 ára aldri. Hræódýrt er í Jaðarsbakkalaug á Skaganum.Akranes Dýrustu laugar landsins eru Lýsulaug og Skeiðalaug. Þar kostar miði fyrir fullorðinn einstakling 1.500 krónur, nærri tvöfalt verð Akranesslauganna. Báðar njóta þó vissrar sérstöðu. Þörungar og spa-stemning Lýsulaug við Lýsuhól í Staðarsveit, á sunnanverðu Snæfellsnesi, tilheyrir Snæfellsbæ. Í lauginni er hins vegar ekki hefðbundið klórblandað hitaveituvatn heldur heitt ölkelduvatn, beint úr jörðu. Sundlaugargestir þar taka eftir grænni slikju í vatninu, sem er þörungur sem kallast chlorella. Er það talið til heilsubótar og er sundlaugin afar vinsæl hjá erlendum ferðamönnum. Hvað Skeiðalaug í Brautarholti í Skeiða- og Gnúpverjahreppi varðar segir oddvitinn Haraldur Þór Jónsson að verið sé að gera miklar breytingar í lauginni. „Þarna verður nokkurs konar spa-stemning,“ segir hann. En sveitarfélagið, sem telur innan við 600 sálir, rekur tvær sundlaugar. Verðið í hinni lauginni, Neslaug í Árnesi, er nokkuð hefðbundið, 1.100 fyrir fullorðna. Ódýrt í laug sem knésetti sveitarsjóð Ódýrustu sundlaugarnar á höfuðborgarsvæðinu eru í Garðabæ, Ásgarðslaug og Álftaneslaug. Þar kostar miði fyrir fullorðinn einstakling aðeins 820 krónur en börn, aldraðir og öryrkjar fá frítt inn. Leiga sundfatnaðar er einnig með þeim ódýrari á landinu, aðeins 630 krónur. Báðar sundlaugarnar eru nokkuð nýlegar. Miklar endurbætur voru gerðar á Ásgarðslaug árið 2018 og bætt við pottum, klefum og rennibraut auk endurnýjun á ýmsum innréttingum. Álftaneslaugin með sinni öldusundlaug setti heilt sveitarfélag í mikla klemmu.Garðabær Glæsileg Álftaneslaug var byggð 2009 þar sem meðal annars má finna stóra rennibraut og öldusundlaug. Laugin var hins vegar svo dýr að hún var talin eiga stóran þátt í að sveitarfélagið Álftanes varð tæknilega gjaldþrota og sameinaðist Garðabæ árið 2012. Reykjavík dýrust á höfuðborgarsvæðinu Reykjavíkurborg rekur átta sundlaugar og verðið þar er jafn framt það hæsta á höfuðborgarsvæðinu. 1.210 krónur fyrir fullorðna. Börn undir 16 ára aldri, aldraðir og öryrkjar fá frítt í sund. Laugarnar eru Árbæjarlaug, Breiðholtslaug, Dalslaug í Úlfarsárdal, Grafarvogslaug, Klébergslaug á Kjalarnesi, Laugardalslaug, Vesturbæjarlaug og Sundhöllin gamla við Barónsstíg. Næst dýrastar eru laugarnar þrjár í Kópavogi, Salalaug, innilaugin í Boðaþingi og hin gamla Kópavogslaug á Kársnesi. Þar kostar miðinn 1.130 krónur. Hafnarfjörður rekur sömuleiðis þrjár laugar. Ásvallalaug á Völlum, Suðurbæjarlaug og hin gamla Sundhöll Hafnarfjarðar. Inn í þær kostar miðinn 1.100 krónur rétt eins og í Sundlaug Seltjarnarness. Þúsundkall kostar inn í báðar laugar Mosfellsbæjar, Varmárlaug og Lágafellslaug. Landsbyggðin hyglir heimafólki Á landsbyggðinni er algengt að heimafólki sé hyglt. Það er að börn, aldraðir og öryrkjar búsettir í sveitarfélaginu fái frítt inn en utanbæjarfólk þurfi að borga. Lýsulaug á Snæfellsnesi er græn.Snæfellsbær Þetta er hátturinn meðal annars í Vestmannaeyjum, á Hellu, í Höfn, í sundlaugum Múlaþings á Egilsstöðum, Djúpavogi og Seyðisfirði og fjórum sundlaugum Skagfirðinga. En ein þeirra, sundlaugin á Hofsósi sem opnuð var árið 2010, er yfirleitt talin ein sú fallegasta á landinu og trekkir að margan ferðamanninn. Sveitarstjórn Strandabyggðar hefur tilkynnt að börn, aldraðir og öryrkjar sveitarfélagsins fái frítt í laugina á Hólmavík í ár en ekkert er gefið upp um framtíðina. Nýuppgerð Hreppslaug dýr Nokkrar sundlaugar deila heiðrinum sem næstódýrustu sundlaugarnar á landsbyggðinni með aðgöngumiða upp á aðeins 950 krónur. Þetta eru sundlaugarnar í Vogum á Vatnsleysuströnd, á Hvammstanga, á Ólafsfirði og Sundhöllin á Siglufirði. Hreppslaugin er friðuð en húsið var nýlega endurbyggt. Hún er falleg en dýr.Hreppslaug Fyrir utan Lýsulaug og Skeiðalaug er Hreppslaug í Skorradalshreppi sú dýrasta á landinu. Laugin sjálf er friðuð en húsnæðið með afgreiðslu og sturtuklefum var nýlega endurbyggt og opnað síðasta sumar. Verðmiðinn í Hreppslaug er 1.350 krónur en laugin er aðeins opin á sumrin. Sturtugjöld á Snæfellsnesi Algengt er að aldraðir, öryrkjar og börn fái annað hvort frítt í sund eða miða með verulegum afslætti. Yngstu börnin fá yfirleitt frítt, nema í Vogum og Múlaþingi, en afar misjafnt er við hvaða aldur barnaverð hefst, allt frá 6 upp í 16 ára aldur. Misjafnt er líka hvort 16 og 17 ára unglingar séu flokkaðir sem börn eða fullorðnir í sundlaugum landsins. Í sundlaugum Akraness fá atvinnulausir helmingsafslátt líkt og aldraðir og greiða því aðeins 385 krónur inn í laugarnar ódýru. Svokallað sturtugjald virðist vera lenska á Snæfellsnesi. Það er þegar manneskja vill aðeins baða sig en ekki stökkva í laugina. Sturtugjald er innheimt í laugunum á Stykkishólmi, Snæfellsbæ og Grundarfirði. Dýrast er það 1.000 krónur í Lýsulaug. Eini staðurinn sem listar sturtugjald, utan Snæfellsness, er jafn framt sá ódýrasti. Það er Vesturbyggð sem rukkar 500 krónu sturtugjald í sundlaugunum á Patreksfirði og í Laugarnesi á Barðaströnd. Þá má nefna að í lauginni í Neskaupstað eru reknir svokallaðir „gufubaðsklúbbar“ utan hefðbundins opnunartíma. Leigan kostar heilar 4.850 krónur sem dekkar þó ekki kostnað samkvæmt sveitarfélaginu eins og greint var frá í frétt Vísis í apríl. Dýrasta sundbrókin í Reykjavík Nærri allar sundlaugar bjóða upp á leigu sundfatnaðar sem er heppilegt gleymist skýlan eða toppurinn heima. Dýrast er að leigja sundfatnað í sundlaugum Reykjavíkurborgar, 1.080 krónur. Nokkrar laugar leigja sundbrækur og boli á aðeins 500 krónur. Það er sundlaugin á Seltjarnarnesi, Flúðum, Laugum í Reykjadal, Ólafsvík og í tveimur dýrustu laugunum, Skeiðalaug og Lýsulaug. Í Selársdalslaug í Vopnafirði er aðeins hægt að leigja sundbleyju. Það kostar 300 krónur. Dýrar lúxuslaugar Á undanförnum árum hefur lúxus sundlaugum fjölgað til muna, oft byggðar á jarðhitasvæðum og bjóða upp á alls kyns mismunandi potta, gufuklefa og veitingar.Að því sem Vísir kemst næst er ódýrustu lúxus laugina að finna í Húsafelli. Í Lindina þar kostar verðmiði fyrir fullorðinn einstakling 3.800 krónur. Laugarvatni, Fontana er næstódýrust. Verðmiðinn fyrir fullorðinn einstakling þar er þó heilar 4.990 krónur, eða rúmlega þrefalt verðið í Lýsulaug og Skeiðalaug. 5.900 krónur kostar í Kraumu í Reykholti, 5.990 í Sjóðböðin á Húsavík, 6.490 í Jarðböðin við Mývatn og Vök á Egilsstöðum, 6.590 í Skógarböðin á Akureyri, 7.990 í Sky Lagoon í Kópavogi og 8.990 í Bláa lónið. Afsláttarverð er yfirleitt á bilinu 2.990 til 4.990 krónur fyrir aldraða, öryrkja og stálpuð börn. Í Jarðböðunum og Vök er einnig sérstakt afsláttargjald fyrir nema.
Sundlaugar Sund Neytendur Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Ekki erfitt að vera föst í 25 gráðum en ástæðan sorgleg Innlent Tilkynnt um dróna yfir Keflavíkurflugvelli Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent „Óvænt og líka mjög leiðinlegt“ Innlent Banaslys á Skagavegi 2024: Drukknaði eftir að hafa misst stjórn í beygju Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira