Innlent

Þyrlan flutti þrjá slasaða mótor­hjóla­­menn á sjúkra­hús

Árni Sæberg skrifar
Þyrla Landhelgisgæslunnar var ekki lengi á slysstaðina.
Þyrla Landhelgisgæslunnar var ekki lengi á slysstaðina. Vísir/Vilhelm

Þyrla Landhelgisgæslunnar kölluð út síðdegis vegna tveggja aðskilinna vélhjólaslysa, annars vegar á Búðarhálsi þar sem tveir slösuðust og hins vegar við Flúðir þar sem einn slasaðist á krossaramóti. Allir þrír voru fluttir á Landspítala til aðhlynningar.

Þetta staðfestir Garðar Már Garðarsson, aðalvarðstjóri Lögreglunnar á Suðurlandi, í samtali við Vísi. Ríkisútvarpið greindi fyrst frá.

Garðar Már segir að þyrlan hafi fyrir tilviljun verið nálægt slysstöðum við æfingar og því hafi hún verið nýtt til þess að flytja þá slösuðu. Það hafi ekki endilega verið vegna alvarleika slysanna.

Samkvæmt heimildum Vísis var þó um nokkuð alvarlegt slys að ræða á Flúðum. Þar hlaut keppandi á mótorkrossmóti við bæinn Jaðar nokkuð ljótt fótbrot, að sögn sjónarvotta.

Akstursíþróttir Landhelgisgæslan Hrunamannahreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið