Spæsí pad thai með kjúklingi
Uppskrift fyrir 6-8 manns
- 6 kjúklingalæri frá Kjarnafæði skorin í ræmur
- 2 msk sojasósa
- 3 msk sriracha sósa
- Salt
- Egg
- 1 pakki hrísgrjóna núðlur
- 100 gr muldar salthnetur
- 1 pakki Alfa alfa baunaspírur
Pad thai sósa:
- 2 msk olía
- 2 tsk fiskisósa
- 200 gr púðursykur
- Safi úr 2 lime
- 5 gr engifer
- 2 hvítlauksrif
- 2 shallot laukar
- 1 heill habanero
- 1 heill blaðlaukur
- 1 msk chili sambal
- 2 msk sojasósa
Aðferð:
- Sjóðið vatn í stórum potti. Slökkvið undir suðu og setjið núðlur út í í 3-4 mínútur með lokið á. Kælið í vatni og sigtið.
- Skerið læri niður í strimla og setjið í skál ásamt sojasósu. Marinerið í um eina klukkustund. Steikið kjúkling á pönnu í 3-4 mínútur á háum hita. Setjið á fat og til hliðar.
- Saxið shallot lauk, habanero, engifer, hvítlauk og hvíta hlutann af blaðlauknum. Steikið í olíu á pönnu á lágum hita í 5 mínútur. Bætið út á pönnu púðursykri, hrísgrjónaediki, chilli mauki, fiskisósu, soja og lime á pönnu. Hellið soði af kjúlla á sósupönnu og sjóðið í 10 mínútur. Hellið sósu í skál.
- Skerið græna hlutann af blaðlauknum niður. Steikið eggið á wokpönnu á háum hita. Bætið við núðlum og haldið áfram að steikja. Hellið út á einni ausu af sósunni. Bætið kjúklingi saman við og smá sósu. Steikið í nokkrar mínútur.
- Berið fram með hnetum, baunaspírum og fersku lime.
Ívar Örn Hansen er Helvítis kokkurinn sem kennir ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og koma þeir inn vikulega.
Hægt er að sjá alla þættina hér á Vísi.
