Fulltrúar fjórðungs fullvalda ríkja heims á leið til Reykjavíkur

Heimir Már Pétursson skrifar 10. maí 2023 19:30

Íslenska ríkið hefur leigt 40 bifreiðar og mun að auki nota bíla úr flota ráðuneytanna til að flytja fimmtíu háttsetta fulltrúa 45 aðildarríkja Evrópuráðsins og fimm fulltrúa áheyrnarríkja ásamt forystufólki alþjóðlegra stofnana á milli staða. Lögreglan á höfuðborgarsvæðinu sér um skipulag flutninganna og nýtur aðstoðar lögreglu frá hinum Norðurlöndunum. Vísir/Vilhelm

Von er á fulltrúum fjórðungs allra fullvalda ríkja í heiminum á leiðtogafund Evrópuráðsins í Reykjavík í næstu viku. Þetta verður lang stærsti viðburður sem haldinn hefur verið hér á landi og kallar á samvinnu fjölda ráðuneyta og nær alls lögregluliðs landsins.

Stór hluti þjóðarleiðtoganna mun lenda á Reykjavíkurflugvelli. Til að minnka kolefnissporið ætla margir að deila flugvél. En einhvern veginn þarf að koma þeim öllum til skila niður í Hörpu og til þess bíður stór bílafloti á flugvellinum.

Ragnar Þorvarðarson framkvæmdastjóri leiðtogafundarins segir í mörg horn að líta við undirbúning á svo stórum fundi.Stöð 2/Arnar

„Það hefur verið í mörg horn að líta í skipulagningunni. Við höfum leigt fjöldan allan af bílum. Erum búin að leigja 42 bíla undir leiðtogana. Nýtum svo bíla sem stjórnarráðið á undir rest. Síðan erum við með ýmsa bíla frá bílaleigum sem eru undir sendinefndir,” segir Ragnar Þorvarðarson sem er framkvæmdastjóri fundarins í utanríkisráðuneytinu.

Þess sjást víða merki í Reykjavík að það styttist í leiðtogafund Evrópuráðsins í Hörpu í næstu viku. Þannig hefur eftirlitsmyndavélum í borginni verið fjölgað og umferð um stóran hluta miðborgarinnar verður takmörkuð strax klukkan 23 á mánudagskvöld, kvöldið fyrir upphaf fundarins. Leiðtogarnir koma á mismunandi tímum, flestir fyrripart þriðjudags.

Stór hluti miðborgarinnar verður lokaður allri bílaumferð frá kl 23:00 á mánudagskvöld fram til 18:00 á miðvikudag. Einnig verða takmarkanir á gangandi umferð næst Hörpu.Grafík/Sara

„Áhersla hefur verið lögð á að nýta hverja mínútu. Það er ekki á hverjum degi sem þessir leiðtogar koma saman í eigin persónu. Þau munu sitja saman og ræða krefjandi mál, meðal annars tengd Úkraínu á fyrri deginum,“ segir Ragnar.

Auk þess ávarpa leiðtogarnir allir opnunarathöfn í Eldborg. Á seinni deginum verður síðan stór sameiginlegur fundur og fimm fundir þar sem leiðtogunum verður skipt í hópa. Þeir munu einnig nýta tækifærið til tvígliða funda.

Búast má við röskun á umferð í borginni og nágrenni hennar bæði vegna umfangsmikillar lokunar gatna í miðborginni og vegna flutnings á leiðtogum og sendinefndum til og frá Reykjavíkurflugvelli og Keflavíkurflugvelli.Vísir/Vilhelm

„Þar sem forsetar og forsætisráðherrar frá tveimur mismunandi ríkjum setjast niður og ræða saman um þau mál sem brenna á þeim,“ segir Ragnar.

Nú er staðfest að 40 leiðtogar og fimm utanríkisráðherrar fyrir hönd sinna leiðtoga mæta á fundinn, ásamt fultrúum fimm áheyrnarríkja og leiðtogum Evrópusambandsins. Samtals sextíu sendinefndir.

„Með þessum fimmtíu ríkjum sem eru að koma hingað verða hér á Íslandi í næstu viku fulltrúar fjórðungs allra aðildarríkja Sameinuðu þjóðanna. Fjórðungs allra fullvalda ríkja í heiminum,“ segir Ragnar Þorvarðarson.

Leiðtogafundur Evrópuráðsins í Reykjavík 2023 Ríkisstjórn Katrínar Jakobsdóttur Reykjavík Íslandsvinir

Tengdar fréttir

Örfáir þjóðarleiðtogar ekki boðað komu sína

Leiðtogar rúmlega fjörutíu af 46 aðildarríkjum Evrópuráðsins hafa boðað komu sína hingað til lands í næstu viku. Þeirra á meðal eru Olaf Scholz, kanslari Þýskalands, og Emmanuel Macron, forseti Frakklands. Komist leiðtogar ekki á fundinn mæta í flestum tilfellum utanríkisráðherrar í þeirra stað.

9. maí 2023 14:53

Stærsti alþjóðlegi viðburður sem haldinn hefur verið á Íslandi framundan

Stór hluti miðborgarinnar verður lokaður allri bílaumferð í tæpa tvo sólarhringa á meðan rúmlega fjörutíu þjóðarleiðtogar funda í Hörpu um miðjan næsta mánuð og mesta öryggisgæsla sem sést hefur hér á landi. Forsætisráðherra segir fundinn sögulegan enda eru þjóðarleiðtogar Evrópuráðsins að koma saman í aðeins fjórða skipti frá stofnun þess.

22. apríl 2023 19:32

Aukin hætta á netárásum vegna leiðtogafundarins

Gera má ráð fyrir aukinni hættu á netárásum hér á landi dagana fyrir og á meðan leiðtogafundi Evrópuráðsins stendur. Forstjóri Syndis telur ljóst að óprúttnir aðilar muni reyna að nýta sér fundinn til að valda usla.

26. apríl 2023 18:27

Ósáttur við aukið myndavélaeftirlit: „Hvert og eitt skref í þessa átt finnst mér hættulegt“

Sósíalistar eru ósáttir við fyrirhuguð áform um stóraukið öryggismyndavélaeftirlit í miðborg Reykjavíkur. Borgarfulltrúi segir óttann ekki mega taka yfir.

15. mars 2023 10:31

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir