Yfir 50 lönd komin með fjarvinnudvalarleyfi en kröfurnar ólíkar

Rakel Sveinsdóttir skrifar 5. maí 2023 07:00

Það getur verið allur gangur á því hverju fólk er að leitast eftir ef það kýs að búa í útlöndum og nú þegar fjarvinna er orðin að veruleika í atvinnulífinu um allan heim, fjölgar þeim hratt löndunum sem bjóða upp á sérstakt fjarvinnudvalarleyfi. Ísland er þar á meðal en gerir mjög háar kröfur um mánaðarlaun umsækjenda, þó ekki jafn há og Cayman Island. Þá eru dvalarleyfi mislöng. Í Thailandi er til dæmis gefið út leyfi til tíu ára. Vísir/Getty

Í kjölfar Covid fjölgar þeim löndum hratt sem gefa nú út sérstök fjarvinnudvalarleyfi sem gerir fólki kleift að búa í landinu í lengri eða skemmri tíma. Sem þýðir að fyrir þann hóp fólks sem kýs að starfa í fjarvinnu, er heimurinn að verða að valkosti sem aðsetur.

Ísland var fyrsta landið innan Schengen til að bjóða upp á fjarvinnudvalarleyfi en á ensku er að jafnaði vísað til þessarar tegundar dvalarleyfis sem Digital nomad visa.

Evrópulöndin eru hvað mest áberandi á lista yfir þessi lönd en þar sem Íslendingar eru aðilar að EES samningnum, getum við búið í löndum EES án þess að sækja um sérstakt dvalarleyfi.

Ísland gerir kröfu um nokkuð há mánaðarlaun hjá þeim aðilum sem sækja um fjarvinnudvalarleyfi, eða um 7760 Evrur á mánuði (ríflega ein milljón króna). Dvalarleyfið gildir í sex mánuði.

Til samanburðar má nefna að í Hollandi er aðeins farið fram á mánaðartekjur 1,340 Evrur eða um tvöhundruð þúsund krónur íslenskar. Dvalarleyfið gildir í þrjá mánuði eða lengur.

Á Bahamas eru hins vegar engar kröfur gerðar um mánaðarlaun, dvalarleyfið gildir í tvö ár og það er hægt að framlengja því tvisvar sinnum.

Það land sem skorar þó hærri á mánuði í kröfum um laun eru Cayman Islands en þar er farið fram á að umsækjandi hafi um 100 þúsund Evrur í árstekjur sem nemur um 1,250-1300 þús íslenskar krónur í laun á mánuði. Þessar tekjur lækka þó töluvert mikið ef hjón eða sambýlisfólk sækir um fjarvinnudvalarleyfi. Dvalarleyfið gildir í tvö ár.

Thailand fer fram á nokkuð há árslaun eða 80 þúsund Evrur á ári (ríflega milljón á mánuði) en dvalarleyfið gildir þar í tíu ár.

Á vefsíðunni Citizenremote má sjá lista yfir öll lönd sem bjóða upp á fjarvinnudvalarleyfi og samanburð á milli landa, en þessi vefsíða fjallar um allt það helsta sem snýr að fjarvinnu í heiminum.

Fjarvinna Faraldur kórónuveiru (COVID-19) Starfsframi Góðu ráðin

Tengdar fréttir

Flýgur til Íslands á mánudögum til að vinna hér þrjá daga vikunnar

Við heyrum oft um Íslendinga sem starfa og búa erlendis. Eða fólk sem kemur erlendis frá og starfar og býr á Íslandi.

3. apríl 2023 07:00

Fjarvinna og fyrirtækjarekstur: „Okkur langaði til að lifa lífinu öðruvísi en í hasarnum heima“

„Við vorum að horfa á þáttinn Hvar er best að búa? með Lóu Pind, um hjónin sem fluttu til Danmerkur og fóru að reka hótel í Lálandi þegar Torfi lítur allt í einu á mig og spyr: En hvað með Danmörk?“ segir Lóa Dís Finnsdóttir, grafískur hönnuður búsett í Maribo með eiginmanninum Torfa Agnarsyni auglýsingaljósmyndara.

11. október 2022 07:01

Fyrrum stórstjörnur Google á Íslandi og einn í Mosó

Á dögunum hittist hress hópur samstarfsfólks fyrirtækisins EngFlow á Íslandi. Gerðu sér glaðan dag á ýmsum veitingastöðum í Reykjavík, tóku vinnudag og spjall, skelltu sér upp á Langjökul og í notalegheit í Kraumu í Húsafelli svo eitthvað sé nefnt.

18. september 2022 08:00

„Á heimsvísu fjölgar giggurum stórkostlega“

Árið 2020 var 33% vöxtur á giggstörfum á heimsvísu og samkvæmt rannsókn McKinsey myndi einn af hverjum sex starfsmönnum í hefðbundnu starfi helst vilja starfa sjálfstætt. Spár gera ráð fyrir gífurlega hröðum vexti gigg-hagkerfisins á næstu árum.

16. desember 2021 07:01

Giggstörfum fjölgar: Hafa frelsið til að velja sér lífstíl

„Nú er svo komið að mestur vöxtur er í slíkum störfum og atvinnurekendur segjast oft ekki fá fólk í ákveðin störf nema tímabundið og þeir sem gigga velja sér lífsstíl út frá verkefnum sínum,“ segir Árelía Eydís Guðmundsdóttir dósent við Viðskiptafræðideild Háskóla Íslands um þá þróun að sífellt fleira fólk kýs að starfa sjálfstætt á verktakasamningum, frekar en að ráða sig sem launþega. Árelía segir helsta gallann við giggið felast í því að fólk upplifir oft, sérstaklega í byrjun, meiri óvissu um tekjur. ,,Hins vegar sagði einn giggari í rannsókninni að „það að vera launþegi er fullkomið óöryggi.“

2. september 2021 07:01

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.