Maí­spá Siggu Kling: Vel­líðan í fyrsta sæti hjá Voginni

Þetta er tímabilið sem þú ert að fara inn í núna. Þeir erfiðleikar sem þú lendir í eiga ekki eftir að hafa áhrif á þig. Þú ert að fara inn í nokkur tímabil sem eru svolítið hólfuð niður og þessi tími er ekki svo langur. Það eru op á milli hólfanna og þú kemst út úr þeim öllum, svo þú þarft bara að vita að þú ert vakandi og engin martröð að eiga sér stað.

Þú finnur hlýju í hjarta þínu yfir þeim breytingum sem eru að ræktast eða rætast og það er eins og það komi á óvart að þessi nýja tilvera sé hjá þér. Þér líður betur að vera til sem segir orðið tilvera. Það skiptir nefnilega engu hversu mikið þú átt eða hve marga verðlaunapeninga þú hefur fengið, útkomu á prófum, eða ekki neitt, heldur bara hvernig þér líður, vellíðan.

Það er að birtast þér afslappaðri útgáfu af yndislegri þér og þú hættir einhvern veginn að hlaupa á undan þér í heilabúinu og tengir þig við það andlega og þá hlustar þú á hjartsláttinn þinn.

Í þessari vellíðan lítur þú bjartsýnni og betri augum á ástarmálin. Þú sérð að þú færð það sem þér finnst þú eiga skilið og miðað við útkomu og útreikning, þá áttu allan heiminn skilið. Þú hendir stressi og hækkar gleði, þetta er mjög áberandi orka eftir miðjan maímánuð, og reyndar er að byrja að einhverju leyti strax í dag.

Knús og kossar, Sigga Kling

• Will Smith, leikari, 25. september
• Avril Lavigne, söngkona, 27. september
• Friðrik Ómar, söngvari, 4. október
• Lilja Dögg Afreðsdóttir, stjórnmálakona, 4. október
• Friðrik Dór Jónsson, söngvari, 7. október
• John Lennon, söngvari 9.október
• Zac Efron, leikari, 18. október
• Snoop Dogg, rappari, 20 október
• Kim Kardashian, raunveruleikastjarna, 21. október