Erlent

Kastaði haglaskotum í höllina

Samúel Karl Ólason skrifar
Verið er að undirbúa krýningu Karls Bretakonungs, sem fram fer næstu helgi.
Verið er að undirbúa krýningu Karls Bretakonungs, sem fram fer næstu helgi. AP/Frank Augstein

Lögreglan í Lundúnum hefur handtekið mann sem sagður er hafa kastað haglaskotum og öðrum munum að Buckingham höll. Grunsamlegur poki sem maðurinn var með í fórum sínum var sprengdur í loft upp.

Samkvæmt frétt Guardian var maðurinn handtekinn við hlið hallarinnar en engu skoti var hleypt af og enginn er særður. Karl konungur var ekki staddur í höllinni þegar maðurinn kastaði haglaskotunum að höllinni.

Tekið er fram í frétt Guardian að ekki sé talið að um hryðjuverk sé að ræða.

Sky segir manninn grunaðan um vörslu vopns og hefur miðillinn það eftir lögreglunni í Lundúnum.

Nokkur viðbúnaður er við höllina en verið er að undirbúa krýningu Karls Bretakonungs sem fer fram um næstu helgi. Þá hefur svæðið verið lokað af eftir að maðurinn var handtekinn.

Bretland Kóngafólk England
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið