Innlent

Starfs­lok og upp­sagnir hjá Pírötum

Kolbeinn Tumi Daðason skrifar
Baldur Karl Magnússon lýkur störfum fyrir þingflokkinn Pírata þegar þingið fer í frí í sumar.
Baldur Karl Magnússon lýkur störfum fyrir þingflokkinn Pírata þegar þingið fer í frí í sumar.

Framkvæmdastjóri þingflokks Pírata hefur sagt upp störfum. Þá hefur verið gengið frá starfsflokum við tvo starfsmenn þingflokksins.

Björn Leví Gunnarsson, þingflokksformaður Pírata, tjáði Ríkisútvarpinu á dögunum að um skipulagsbreytingar væri að ræða. Verið væri að beina verkum þeirra á mismunandi staði.

„Við þurfum að endurskipuleggja starfslýsingar fólks og endurraða hvernig og hvaða verkum verður sinnt innanhúss.“

Samkvæmt heimildum fréttastofu sagði Baldur Karl Magnússon, framkvæmdastjóri þingflokksins, upp störfum í byrjun apríl. Hann mun þó starfa áfram fyrir flokkinn þar til þingið fer í sumarfrí.

Hekla Elísabet Aðalsteinsdóttir og Karl Ólafur Hallbjörnsson, starfsmenn þingflokksins, hafa hins vegar lokið störfum. Eftir stendur Ragnheiður Kr. Finnbogadóttir, starfsmaður þingflokksins, sem eini starfsmaður þingflokksins. 

Sviptingar hafa verið á skrifstofu Pírata undanfarin misseri. Kristín Ólafsdóttir, framkvæmdastjóri flokksins, var ráðin í upphafi árs í kjölfar starfsloka Elsu Kristjánsdóttur. Elsa og Róbert Ingi Douglas, upplýsingastjóri flokksins, létu af störfum um svipað leyti. 

Píratar Vistaskipti Alþingi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið