Erlent

Lög­regla um­kringir hús í tengslum við hvarf þrettán ára stúlku

Árni Sæberg skrifar
Filippu hefur verið saknað síðan um klukkan 16 í gær.
Filippu hefur verið saknað síðan um klukkan 16 í gær. Lögreglan í Danmörku/Getty

Filippa, þrettán ára dönsk stúlka hvarf í gær á meðan hún var að störfum við blaðburð. Lögregla hefur leitað hennar logandi ljósi síðan í gærkvöldi og hefur nú umkringt íbúðarhús nálægt Kirkerup. Hvarfið er nú rannsakað sem sakamál.

Í frétt TV2 segir að húsið sé ekki langt frá þeim stað þar sem Filippa sást síðast og að tæknideild lögreglunnar sé þar að störfum. Þá hafi lögregluyfirvöld í suður Sjálandi og Lolland-Falster ekki viljað tjá sig um umsátrið.

Filippa skilaði sér ekki heim á venjulegum tíma í gær eftir blaðburð og leit að henni hófts um klukkan fjögur. Sími hennar, taska og hjól hafa fundist við götu í Kirkerup.

Biðla til fólks að skoða upptökur

Lögreglan í suður Sjálandi og Lolland-Falster segir á Twitter að hún hafi rannsakað margar vísbendingar um hvarf Filippu og skoða fjölda myndskeiða úr eftirlitsmyndavélum í nótt. Leitarhundar séu notaðir við leitina og unnið sé að því að rekja ferðir Filippu.

Þá biðlar lögreglan til fólks að hafa augun hjá sér og að fara yfir upptökur úr öryggismyndavélum, sem það kann að hafa við heimili sín.

Í vakt TV2 um málið er haft eftir Kim Kliver, lögreglustjóra hjá lögreglunni í suður Sjálandi og Lolland-Falster að lögreglan líti málið alvarlegum augum og að áhyggjur lögreglunnar aukist eftir því sem leitina dregur á langinn.

Danmörk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið